헬라어 문장 검색 - ΕυριπίΒαξξηαέ01́

(에우리피데스, episode)

ἥκω Διὸσ παῖσ τήνδε Θηβαίων χθόνα Διόνυσοσ, ὃν τίκτει ποθ’ ἡ Κάδμου κόρη Σεμέλη λοχευθεῖσ’ ἀστραπηφόρῳ πυρί· μορφὴν δ’ ἀμείψασ ἐκ θεοῦ βροτησίαν πάρειμι Δίρκησ νάματ’ Ἰσμηνοῦ θ’ ὕδωρ. ὁρῶ δὲ μητρὸσ μνῆμα τῆσ κεραυνίασ τόδ’ ἐγγὺσ οἴκων καὶ δόμων ἐρείπια τυφόμενα Δίου πυρὸσ ἔτι ζῶσαν φλόγα, ἀθάνατον Ἥρασ μητέρ’ εἰσ ἐμὴν ὕβριν. αἰνῶ δὲ Κάδμον, ἄβατον ὃσ πέδον τόδε τίθησι, θυγατρὸσ σηκόν· ἀμπέλου δέ νιν πέριξ ἐγὼ ’κάλυψα βοτρυώδει χλόῃ. λιπὼν δὲ Λυδῶν τοὺσ πολυχρύσουσ γύασ Φρυγῶν τε, Περσῶν θ’ ἡλιοβλήτουσ πλάκασ Βάκτριά τε τείχη τήν τε δύσχιμον χθόνα Μήδων ἐπελθὼν Ἀραβίαν τ’ εὐδαίμονα Ἀσίαν τε πᾶσαν, ἣ παρ’ ἁλμυρὰν ἅλα κεῖται μιγάσιν Ἕλλησι βαρβάροισ θ’ ὁμοῦ πλήρεισ ἔχουσα καλλιπυργώτουσ πόλεισ, ἐσ τήνδε πρῶτον ἦλθον Ἑλλήνων πόλιν, τἀκεῖ χορεύσασ καὶ καταστήσασ ἐμὰσ τελετάσ, ἵν’ εἰήν ἐμφανὴσ δαίμων βροτοῖσ.

πρώτασ δὲ Θήβασ τῆσδε γῆσ Ἑλληνίδοσ ἀνωλόλυξα, νεβρίδ’ ἐξάψασ χροὸσ θύρσον τε δοὺσ ἐσ χεῖρα, κίσσινον βέλοσ·

ἐπεί μ’ ἀδελφαὶ μητρόσ, ἃσ ἥκιστα χρῆν, Διόνυσον οὐκ ἔφασκον ἐκφῦναι Διόσ, Σεμέλην δὲ νυμφευθεῖσαν ἐκ θνητοῦ τινοσ ἐσ Ζῆν’ ἀναφέρειν τὴν ἁμαρτίαν λέχουσ, Κάδμου σοφίσμαθ’, ὧν νιν οὕνεκα κτανεῖν Ζῆν’ ἐξεκαυχῶνθ’, ὅτι γάμουσ ἐψεύσατο. τοιγάρ νιν αὐτὰσ ἐκ δόμων ᾤστρησ’ ἐγὼ μανίαισ, ὄροσ δ’ οἰκοῦσι παράκοποι φρενῶν· σκευήν τ’ ἔχειν ἠνάγκασ’ ὀργίων ἐμῶν, καὶ πᾶν τὸ θῆλυ σπέρμα Καδμείων, ὅσαι γυναῖκεσ ἦσαν, ἐξέμηνα δωμάτων· ὁμοῦ δὲ Κάδμου παισὶν ἀναμεμειγμέναι χλωραῖσ ὑπ’ ἐλάταισ ἀνορόφοισ ἧνται πέτραισ. δεῖ γὰρ πόλιν τήνδ’ ἐκμαθεῖν, κεἰ μὴ θέλει, ἀτέλεστον οὖσαν τῶν ἐμῶν βακχευμάτων, Σεμέλησ τε μητρὸσ ἀπολογήσασθαί μ’ ὕπερ φανέντα θνητοῖσ δαίμον’ ὃν τίκτει Διί. Κάδμοσ μὲν οὖν γέρασ τε καὶ τυραννίδα Πενθεῖ δίδωσι θυγατρὸσ ἐκπεφυκότι, ὃσ θεομαχεῖ τὰ κατ’ ἐμὲ καὶ σπονδῶν ἄπο ὠθεῖ μ’, ἐν εὐχαῖσ τ’ οὐδαμοῦ μνείαν ἔχει.

ὧν οὕνεκ’ αὐτῷ θεὸσ γεγὼσ ἐνδείξομαι πᾶσίν τε Θηβαίοισιν. ἐσ δ’ ἄλλην χθόνα, τἀνθένδε θέμενοσ εὖ, μεταστήσω πόδα, δεικνὺσ ἐμαυτόν· ἢν δὲ Θηβαίων πόλισ ὀργῇ σὺν ὅπλοισ ἐξ ὄρουσ βάκχασ ἄγειν ζητῇ, ξυνάψω μαινάσι στρατηλατῶν. ὧν οὕνεκ’ εἶδοσ θνητὸν ἀλλάξασ ἔχω μορφήν τ’ ἐμὴν μετέβαλον εἰσ ἀνδρὸσ φύσιν. ἀλλ’, ὦ λιποῦσαι Τμῶλον ἔρυμα Λυδίασ, θίασοσ ἐμόσ, γυναῖκεσ, ἃσ ἐκ βαρβάρων ἐκόμισα παρέδρουσ καὶ ξυνεμπόρουσ ἐμοί, αἴρεσθε τἀπιχώρι’ ἐν πόλει Φρυγῶν τύμπανα, Ῥέασ τε μητρὸσ ἐμά θ’ εὑρήματα, βασίλειά τ’ ἀμφὶ δώματ’ ἐλθοῦσαι τάδε κτυπεῖτε Πενθέωσ, ὡσ ὁρᾷ Κάδμου πόλισ.

ἐγὼ δὲ βάκχαισ, ἐσ Κιθαιρῶνοσ πτυχὰσ ἐλθὼν ἵν’ εἰσί, συμμετασχήσω χορῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, episode

(에우리피데스, episode)

상위

목록

SEARCH

MENU NAVIGATION