Epictetus, Works, book 0, Ἀρριανοῦ Ἐπικτητείου πρὸσ τὸν περὶ οὐσίας

(에픽테토스, Works, book 0, Ἀρριανοῦ Ἐπικτητείου πρὸσ τὸν περὶ οὐσίας)

Τί μοι μέλει, φησί, πότερον ἐξ ἀτόμων ἢ ἐξ ἀμερῶν ἢ ἐκ πυρὸσ καὶ γῆσ συνέστηκε τὰ ὄντα; οὐ γὰρ ἀρκεῖ μαθεῖν τὴν οὐσίαν τοῦ ἀγαθοῦ καὶ κακοῦ καὶ τὰ μέτρα τῶν ὀρέξεων καὶ ἐκκλίσεων καὶ ἔτι ὁρμῶν καὶ ἀφορμῶν καὶ τούτοισ ὥσπερ κανόσι χρώμενον διοικεῖν τὰ τοῦ βίου, τὰ δ’ ὑπὲρ ἡμᾶσ ταῦτα χαίρειν ἐᾶν, ἃ τυχὸν μὲν ἀκατάληπτά ἐστι τῇ ἀνθρωπίνῃ γνώμῃ, εἰ δὲ καὶ τὰ μάλιστα θείη τισ εἶναι καταληπτά, ἀλλ’ οὖν τί ὄφελοσ καταληφθέντων; οὐχὶ δὲ διακενῆσ πράγματα ἔχειν φατέον τοὺσ ταῦτα ὡσ ἀναγκαῖα τῷ τοῦ φιλοσόφου λόγῳ προσνέμοντασ; ‐ Μή τι οὖν καὶ τὸ ἐν Δελφοῖσ παράγγελμα παρέλκον ἐστί, τὸ Γνῶθι σαυτόν; ‐ Τοῦτο δὲ μὲν οὔ, φησί. ‐ Τίσ οὖν ἡ δύναμισ αὐτοῦ; εἰ χορευτῇ τισ παρήγγελλε τὸ γνῶναι ἑαυτόν, οὔκουν ἂν τῇ προστάξει προσεῖχε τῷ ἐπιστραφῆναι καὶ τῶν συγχορευτῶν καὶ τῆσ πρὸσ αὐτοὺσ συμφωνίασ; ‐ Φησίν. ‐ Εἰ δὲ ναύτῃ; εἰ δὲ στρατιώτῃ; πότερον οὖν ὁ ἄνθρωποσ αὐτὸσ ἐφ’ αὑτοῦ πεποιῆσθαί σοι δοκεῖ ζῷον ἢ πρὸσ κοινωνίαν; ‐ Πρὸσ κοινωνίαν. ‐ Ὑπὸ τίνοσ; ‐ Ὑπὸ τῆσ φύσεωσ. ‐ Τίνοσ οὔσησ καὶ πῶσ διοικούσησ τὰ ὅλα καὶ πότερον οὔσησ ἢ μή, ταῦτα οὐκέτι ἀναγκαῖον πολυπραγμονεῖν;

상위

book 0

목록

  • Ἀρριανοῦ Ἐπικτητείου πρὸσ τὸν περὶ οὐσίας
일치하는 문장이 없습니다.

SEARCH

MENU NAVIGATION