헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 16, chapter 2)

ἓν τοῦτό σε ἀξιοῦμεν ἤδη κείμενοι καὶ τὸ μηδὲν ὄντεσ μηδεμίαν ἡμῶν ὕβριν προσθεῖναι ταῖσ συμφοραῖσ μηδὲ βαρεῖ ποδὶ ταῖσ ἀθλίαισ ἐπεμβῆναι τύχαισ. οὐκ οἶδασ, ὅτι πολλοὶ μὲν τῶν ἡμετέρων παῖδασ ἐν τοῖσ πολέμοισ ἀπολωλέκασι, πολλοὶ δὲ ἀδελφούσ, πολλοὶ δὲ φίλουσ;

οἷσ ἅπασι πῶσ ἄκρατον νομίζεισ ἐπὶ τῶν σπλάγχνων ἀνθήσειν τὴν χολήν, ἐὰν κωλύῃ τισ αὐτοὺσ τοσαύταισ ψυχαῖσ πολεμίων τιμῆσαι τοὺσ κατὰ γῆσ, αἵπερ μόναι τῶν κατοιχομένων δοκοῦσιν εἶναι τιμαί; φέρε δὴ κεἰ τοῦτο πεισθέντεσ ἢ βιασθέντεσ ἢ ὅ τι δή ποτε παθόντεσ εἴξουσί τε καὶ ζῆν αὐτοὺσ ἐάσουσιν, ἆρ’ ἔτι σοι δοκοῦσι καὶ τὰ χρήματα αὐτοὺσ ἐάσειν ἔχειν καὶ μηδεμιᾶσ πειραθέντασ ἀσχημοσύνησ, ὥσπερ ἡρῶάσ τινασ ἐπ’ ἀγαθῷ τῆσδε τῆσ γῆσ φανέντασ, ὁπότε δόξειεν αὐτοῖσ, ἀπελθεῖν, ἀλλ’ οὐχ ὥσπερ θηρία περιχυθέντασ διασπάσεσθαι ταῦτα λέγειν ἐπιβαλόμενον ἐμέ;

οὐχ ὁρᾷσ, ὅτι καὶ τοὺσ κυνηγοὺσ οἱ θηρευταὶ κύνεσ, ὅταν ἁλῷ θηρίον κατακλεισθὲν ὑπ’ αὐτῶν εἰσ τὰ λίνα, περιίστανται τὴν ἐπιβάλλουσαν μοῖραν ἀπαιτοῦντεσ τῆσ ἄγρασ, καὶ ἐὰν μὴ μεταλάβωσιν εὐθὺσ αἵματοσ ἢ σπλάγχνων, ἀρράζουσιν ἑπόμενοι καὶ σπαράττουσι τὸν κυνηγόν, καὶ οὔτε διωκόμενοι οὔτε παιόμενοι ἀπείργονται;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 16, chapter 2

(디오니시오스, Antiquitates Romanae, Books X-XX, book 16, chapter 2)

상위

목록

SEARCH

MENU NAVIGATION