헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 16, chapter 1)

Ῥωμαίων εἰσ τὸν κατὰ Σαυνιτῶν τελευταῖον πόλεμον ἐξιόντων κεραυνὸσ εἰσ τὸν ἐπιφανέστατον τόπον κατασκήψασ πέντε μὲν στρατιώτασ ἀπέκτεινε, δύο δὲ σημείασ διέφθειρεν, ὅπλα δὲ πολλὰ τὰ μὲν κατέκαυσε, τὰ δ’ ἐσπίλωσε. κεραυνοὶ δὲ κατηνέχθησαν τοῖσ ἔργοισ ἔτυμον φέροντεσ τοὔνομα· κεραϊσμοὶ γάρ τινέσ εἰσι καὶ μεταβολαὶ τῶν ὑποκειμένων εἰσ τἀναντία τρέποντεσ τὰσ ἀνθρωπίνασ τύχασ. αὐτὸ γὰρ πρῶτον ἠνάγκασται τὴν ἰδίαν ἀλλάξαι φύσιν τὸ κεραύνιον πῦρ, εἴτε δὴ αἴθριον εἴτε μετάρσιόν ἐστι, κάτω φερόμενον·

οὐ γὰρ δὴ αὐτῷ θέμισ ἐπὶ γῆν βρίθειν κατὰ τὴν ἑαυτοῦ φύσιν, ἀλλ’ ἀπὸ γῆσ ἄνω μετεωροπολεῖν· ἐν αἰθέρι γὰρ αἱ πηγαὶ τοῦ θείου πυρόσ. δηλοῖ δὲ καὶ τὸ πῦρ τὸ παρ’ ἡμῖν, εἴτε Προμηθέωσ εἴτε Ἡφαίστου δῶρόν ἐστιν, ὁπότε λύσειε τοὺσ δεσμούσ, ἐν οἷσ ἠνάγκασται μένειν, δι’ ἀέροσ ἄνω φερόμενον ἐπὶ τὸ συγγενὲσ ἐκεῖνο καὶ πᾶσαν ἐν κύκλῳ περιειληφὸσ τὴν τοῦ κόσμου φύσιν.

τροπὰσ ἐπὶ τοὔμπαλιν.

τοιούτου γοῦν τινοσ γενομένου καὶ τότε καταφρονήσαντεσ οἱ Ῥωμαῖοι καὶ ὑπὸ Ποντίου τοῦ Σαυνίτου κατακλεισθέντεσ εἰσ ἀνεξόδουσ δυσχωρίασ, μέλλοντεσ ἤδη τῷ λιμῷ διαφθείρεσθαι παρέδωκαν ἑαυτοὺσ τοῖσ πολεμίοισ ἀμφὶ τοὺσ τετρακισμυρίουσ ὄντεσ·

καὶ καταλείψαντεσ τά τε ὅπλα καὶ τὰ χρήματα τὸν ζυγὸν ἅπαντεσ ὑπῆλθον· τοῦτο δὲ σημεῖον τῶν ὑπὸ χεῖρασ ἐλθόντων ἐστί. μετ’ οὐ πολὺ δὲ τὰ αὐτὰ καὶ ὁ Πόντιοσ ὑπὸ Ῥωμαίων ἔπαθε, καὶ τὸν ζυγὸν ὑπῆλθον καὶ αὐτὸσ καὶ οἱ σὺν αὐτῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 16, chapter 1

(디오니시오스, Antiquitates Romanae, Books X-XX, book 16, chapter 1)

상위

목록

SEARCH

MENU NAVIGATION