헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 15, chapter 8)

τοιαῦτα τοῦ Ῥωμαίου λέξαντοσ βουλευσάμενοι καθ’ αὑτοὺσ οἱ πρόβουλοι τῶν Σαυνιτῶν τοιαύτην ἐξήνεγκαν ἀπόκρισιν· τοῦ μὲν ὀψισμοῦ τῆσ ἐπὶ τὸν κατὰ Λατίνων πόλεμον συμμαχίασ οὐ τὸ κοινὸν αἴτιον ‐ ἐψηφισάμεθα γὰρ ἀποσταλῆναι τὴν στρατιὰν ὑμῖν ‐ οἱ δὲ τὴν ἡγεμονίαν ἔχοντεσ αὐτῆσ πλείονα χρόνον ἀναλώσαντεσ ἐν τῇ παρασκευῇ, καὶ ὑμεῖσ αὐτοὶ θᾶττον ἐπειχθέντεσ ἐπὶ τὸν ἀγῶνα.

τρισὶ γοῦν ἢ τέτταρσιν ἡμέραισ ὕστερον τῆσ μάχησ οἱ πεμφθέντεσ ὑφ’ ἡμῶν ἀφίκοντο.

περὶ δὲ τῆσ Νεαπολιτῶν πόλεωσ, ἐν ᾗ τῶν ἡμετέρων τινέσ εἰσιν, τοσούτου δέομεν ἀδικεῖν ὑμᾶσ, εἴ τινα τοῖσ κινδυνεύουσι βοήθειαν εἰσ σωτηρίαν κοινῇ παρεχόμεθα, ὥστ’ αὐτοὶ δοκοῦμεν ὑφ’ ὑμῶν ἀδικεῖσθαι μεγάλα.

φίλην γὰρ ἡμῶν καὶ σύμμαχον οὖσαν τὴν πόλιν ταύτην οὐκ ἔναγχοσ οὐδ’ ἀφ’ οὗ τὰσ πρὸσ ὑμᾶσ ἐποιησάμεθα ὁμολογίασ, ἀλλὰ δευτέρᾳ γενεᾷ πρότερον διὰ πολλὰσ καὶ μεγάλασ εὐεργεσίασ, οὐθὲν ἀδικηθέντεσ ὑμεῖσ κατεδουλώσασθε.

οὐ μὴν οὐδὲ τούτῳ γε τῷ ἔργῳ τὸ κοινὸν ὑμᾶσ τῶν Σαυνιτῶν ἠδίκησεν·

ἰδιόξενοι δέ τινέσ εἰσιν, ὡσ πυνθανόμεθα, καὶ φίλοι τῶν Νεαπολιτῶν οἱ κατὰ τὴν ἑαυτῶν προαίρεσιν τῇ πόλει βοηθοῦντεσ καί τινεσ καὶ δι’ ἀπορίαν ἴσωσ βίου μισθοφόροι. % φέρειν δὲ τοὺσ ὑπηκόουσ ὑμῶν οὐθὲν δεόμεθα· καὶ γὰρ ἄνευ Φουνδανῶν καὶ Φορμιανῶν ἱκανοὶ βοηθεῖν αὑτοῖσ ἐσμεν, ἐὰν καταστῶμεν εἰσ ἀνάγκην πολέμου. ἡ δὲ παρασκευὴ τῆσ στρατιᾶσ ἡμῶν ἐστιν οὐχ ὡσ ἀφαιρησομένων τοὺσ ὑμετέρουσ ἀποίκουσ τὰ ἴδια, ἀλλ’ ὡσ τὰ ἴδια ἑξόντων διὰ φυλακῆσ.

ἀντιπροκαλούμεθά τε ὑμᾶσ, εἰ βούλεσθε τὰ δίκαια ποιεῖν, ἐκχωρεῖν Φρεγέλλησ, ἣν οὐ πρὸ πολλοῦ πολέμῳ κρατησάντων ἡμῶν, ὅσπερ ἐστὶ νόμοσ κτήσεωσ δικαιότατοσ, ὑμεῖσ οὐδενὶ δικαίῳ σφετερισάμενοι δεύτερον ἔτοσ ἤδη κατέχετε. τούτων ἡμεῖσ τυχόντεσ οὐδὲν ὑποληψόμεθα ἀδικεῖσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 15, chapter 8

(디오니시오스, Antiquitates Romanae, Books X-XX, book 15, chapter 8)

상위

목록

SEARCH

MENU NAVIGATION