헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 15, chapter 1)

τῶν Κελτῶν ἐπιστρατευσάντων τῇ Ῥώμῃ καί τινοσ βασιλέωσ εἰσ μονομαχίαν προκαλουμένου τῶν Ῥωμαίων, ὅστισ εἰή ἀνήρ, Μάρκοσ Οὐαλέριοσ, εἷσ τῶν χιλιάρχων, ἀπόγονοσ ὢν Οὐαλερίου Ποπλικόλα τοῦ συνελευθερώσαντοσ ἀπὸ τῶν βασιλέων τὴν πόλιν, ἐξῄει τῷ Κελτῷ διαγωνίσασθαι. ὡσ δὲ συνῄεσαν ὁμόσε, κόραξ καθεζόμενοσ ἐπὶ τοῦ κράνουσ αὐτοῦ ἐκεκράγει τε δεινὸν εἰσ τὸν βάρβαρον ὁρῶν καί, ὁπότε μέλλοι πληγὴν ἐκφέρειν, πηδῶν ἐπ’ αὐτὸν τοτὲ μὲν τοῖσ ὄνυξιν ἤμυττε τὰσ παρειάσ, τοτὲ δὲ τῷ ῥύγχει τοὺσ ὀφθαλμοὺσ ἔκοπτεν, ὥστε τὸν Κελτὸν ἔξω γενέσθαι τῶν φρενῶν, οὔθ’ ὅπωσ τὸν ἄνδρα ἀμύνοιτο δυνάμενον συμβαλεῖν, οὔθ’ ὅπωσ τὸν κόρακα φυλάττοιτο.

ὡσ δὲ πολὺσ ἐγεγόνει τῇ μάχῃ χρόνοσ, ὁ μὲν Κελτὸσ φέρων ἐπὶ τὸν Οὐαλέριον τὴν μάχαιραν ὡσ διὰ τῆσ προβολῆσ εἰσ τὰ πλευρὰ βάψων, ἔπειτ’ ἐπιπτάντοσ αὐτῷ τοῦ κόρακοσ καὶ τὰσ ὄψεισ ὀρύττοντοσ ἀνέτεινε τὸν θυρεὸν ὡσ ἀπελάσων τὸν ὄρνιν·

ὁ δὲ Ῥωμαῖοσ ἔτι μετεωρίζοντοσ τὸ ὅπλον ἀκολουθήσασ κάτωθεν ὑποφέρει τὸ ξίφοσ καὶ ἀναιρεῖ τὸν Κελτόν. ὁ δὲ στρατηγὸσ Κάμιλλοσ χρυσέῳ τοῦτον στεφάνῳ ἐκόσμησεν ἐπωνυμίαν θέμενοσ αὐτῷ Κορβῖνον ἀπὸ τοῦ συναγωνισαμένου κατὰ τὴν μονομαχίαν ζῴου·

κόρβουσ γὰρ οἱ Ῥωμαῖοι καλοῦσι τοὺσ κόρακασ· αὐτόσ τε διετέλεσεν ἐξ ἐκείνου συμβόλῳ κατὰ τοῦ κράνουσ κοσμούμενοσ κόρακι, καὶ ταῖσ εἰκόσιν αὐτοῦ πάσαισ οἱ πλάττοντεσ καὶ γράφοντεσ τοῦτο τὸ ζῷον ἐπὶ τὴν κεφαλὴν ἐφήρμοττον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 15, chapter 1

(디오니시오스, Antiquitates Romanae, Books X-XX, book 15, chapter 1)

상위

목록

SEARCH

MENU NAVIGATION