헬라어 문장 검색 - Διογεν́Λιϝεσοφ́9́06́

(디오게네스 라에르티오스, Lives of Eminent Philosophers, Q, Kef. s'. LEUKIPPOS)

Λεύκιπποσ Ἐλεάτησ, ὡσ δέ τινεσ, Ἀβδηρίτησ, κατ’ ἐνίουσ δὲ Μιλήσιοσ. οὗτοσ ἤκουσε Ζήνωνοσ. ἤρεσκε δ’ αὐτῷ ἄπειρα εἶναι τὰ πάντα καὶ εἰσ ἄλληλα μεταβάλλειν, τό τε πᾶν εἶναι κενὸν καὶ πλῆρεσ [σωμάτων]. τούσ τε κόσμουσ γίνεσθαι σωμάτων εἰσ τὸ κενὸν ἐμπιπτόντων καὶ ἀλλήλοισ περιπλεκομένων· ἔκ τε τῆσ κινήσεωσ κατὰ τὴν αὔξησιν αὐτῶν γίνεσθαι τὴν τῶν ἀστέρων φύσιν. φέρεσθαι δὲ τὸν ἥλιον ἐν μείζονι κύκλῳ περὶ τὴν σελήνην· τὴν γῆν ὀχεῖσθαι περὶ τὸ μέσον δινουμένην· σχῆμά τ’ αὐτῆσ τυμπανῶδεσ εἶναι. πρῶτόσ τε ἀτόμουσ ἀρχὰσ ὑπεστήσατο. <καὶ> κεφαλαιωδῶσ μὲν ταῦτα· ἐπὶ μέρουσ δ’ ὧδε ἔχει. Τὸ μὲν πᾶν ἄπειρόν φησιν, ὡσ προείρηται·

τούτου δὲ τὸ μὲν πλῆρεσ εἶναι, τὸ δὲ κενόν, <ἃ> καὶ στοιχεῖά φησι. κόσμουσ τε ἐκ τούτων ἀπείρουσ εἶναι καὶ διαλύεσθαι εἰσ ταῦτα. γίνεσθαι δὲ τοὺσ κόσμουσ οὕτω· φέρεσθαι κατ’ ἀποτομὴν ἐκ τῆσ ἀπείρου πολλὰ σώματα παντοῖα τοῖσ σχήμασιν εἰσ μέγα κενόν, ἅπερ ἀθροισθέντα δίνην ἀπεργάζεσθαι μίαν, καθ’ ἣν προσκρούοντα <ἀλλήλοισ> καὶ παντοδαπῶσ κυκλούμενα διακρίνεσθαι χωρὶσ τὰ ὅμοια πρὸσ τὰ ὅμοια. ἰσορρόπων δὲ διὰ τὸ πλῆθοσ μηκέτι δυναμένων περιφέρεσθαι, τὰ μὲν λεπτὰ χωρεῖν εἰσ τὸ ἔξω κενόν, ὥσπερ διαττώμενα· τὰ δὲ λοιπὰ συμμένειν καὶ περιπλεκόμενα συγκατατρέχειν ἀλλήλοισ καὶ ποιεῖν πρῶτόν τι σύστημα σφαιροειδέσ. τοῦτο δ’ οἱο͂ν ὑμένα ἀφίστασθαι, περιέχοντ’ ἐν ἑαυτῷ παντοῖα σώματα·

ὧν κατὰ τὴν τοῦ μέσου ἀντέρεισιν περιδινουμένων λεπτὸν γενέσθαι τὸν πέριξ ὑμένα, συρρεόντων ἀεὶ τῶν συνεχῶν κατ’ ἐπίψαυσιν τῆσ δίνησ. καὶ οὕτω γενέσθαι τὴν γῆν, συμμενόντων τῶν ἐνεχθέντων ἐπὶ τὸ μέσον. αὐτόν τε πάλιν τὸν περιέχοντα οἱο͂ν ὑμένα αὔξεσθαι κατὰ τὴν ἐπέκκρισιν τῶν ἔξωθεν σωμάτων· δίνῃ τε φερόμενον αὐτὸν ὧν ἂν ἐπιψαύοῃ, ταῦτα ἐπικτᾶσθαι. τούτων δέ τινα συμπλεκόμενα ποιεῖν σύστημα, τὸ μὲν πρῶτον κάθυγρον καὶ πηλῶδεσ, ξηρανθέντα καὶ περιφερόμενα σὺν τῇ τοῦ ὅλου δίνῃ, εἶτ’ ἐκπυρωθέντα τὴν τῶν ἀστέρων ἀποτελέσαι φύσιν. Εἶναι δὲ τὸν τοῦ ἡλίου κύκλον ἐξώτατον, τὸν δὲ τῆσ σελήνησ προσγειότατον, τῶν ἄλλων μεταξὺ τούτων.

καὶ πάντα μὲν τὰ ἄστρα πυροῦσθαι διὰ τὸ τάχοσ τῆσ φορᾶσ, τὸν δ’ ἥλιον <καὶ> ὑπὸ τῶν ἀστέρων ἐκπυροῦσθαι· τὴν δὲ σελήνην τοῦ πυρὸσ ὀλίγον μεταλαμβάνειν. ἐκλείπειν δ’ ἥλιον καὶ σελήνην <· · τὴν δὲ λόξωσιν τοῦ Ζῳδιακοῦ γενέσθαι> τῷ κεκλίσθαι τὴν γῆν πρὸσ μεσημβρίαν· τὰ δὲ πρὸσ ἄρκτῳ ἀεί τε νίφεσθαι καὶ κατάψυχρα εἶναι καὶ πήγνυσθαι. καὶ τὸν μὲν ἥλιον ἐκλείπειν σπανίωσ, τὴν δὲ σελήνην συνεχέσ, διὰ τὸ ἀνίσουσ εἶναι τοὺσ κύκλουσ αὐτῶν. εἶναί τε ὥσπερ γενέσεισ κόσμου, οὕτω καὶ αὐξήσεισ καὶ φθίσεισ καὶ φθοράσ, κατά τινα ἀνάγκην, ἣν ὁποία ἐστὶν <οὐ> διασαφεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, Q, Kef. s'. LEUKIPPOS

(디오게네스 라에르티오스, Lives of Eminent Philosophers, Q, Kef. s'. LEUKIPPOS)

상위

목록

SEARCH

MENU NAVIGATION