헬라어 문장 검색 - Διογεν́Λιϝεσοφ́9́02́

(디오게네스 라에르티오스, Lives of Eminent Philosophers, Q, Kef. b'. XENOFANHS)

Ξενοφάνησ Δεξίου ἤ, ὡσ Ἀπολλόδωροσ, Ὀρθομένουσ Κολοφώνιοσ ἐπαινεῖται πρὸσ τοῦ Τίμωνοσ· φησὶ γοῦν, Ξεινοφάνην θ’ ὑπάτυφον, Ὁμηραπάτην ἐπικόπτην. οὗτοσ ἐκπεσὼν τῆσ πατρίδοσ ἐν Ζάγκλῃ τῆσ Σικελίασ · · · διέτριβε δὲ καὶ ἐν Κατάνῃ. διήκουσε δὲ κατ’ ἐνίουσ μὲν οὐδενόσ, κατ’ ἐνίουσ δὲ Βότω‐ νοσ Ἀθηναίου ἤ, ὥσ τινεσ, Ἀρχελάου. καί, ὡσ Σωτίων φησί, κατ’ Ἀναξίμανδρον ἦν. γέγραφε δὲ καὶ ἐν ἔπεσι καὶ ἐλεγείασ καὶ ἰάμβουσ καθ’ Ἡσιόδου καὶ Ὁμήρου, ἐπικόπτων αὐτῶν τὰ περὶ θεῶν εἰρημένα. ἀλλὰ καὶ αὐτὸσ ἐρραψῴδει τὰ ἑαυτοῦ. ἀντιδοξάσαι τε λέγεται Θαλῇ καὶ Πυθαγόρᾳ, καθάψασθαι δὲ καὶ Ἐπιμενίδου. μακροβιώτατόσ τε γέγονεν, ὥσ που καὶ αὐτόσ φησιν· ἤδη δ’ ἑπτά τ’ ἐάσι καὶ ἑξήκοντ’ ἐνιαυτοὶ βληστρίζοντεσ ἐμὴν φροντίδ’ ἀν’ Ἑλλάδα γῆν·

ἐκ γενετῆσ δὲ τότ’ ἦσαν ἐείκοσι πέντε τε πρὸσ τοῖσ, εἴπερ ἐγὼ περὶ τῶνδ’ οἶδα λέγειν ἐτύμωσ. Φησὶ δὲ τέτταρα εἶναι τῶν ὄντων στοιχεῖα, κόσμουσ δ’ ἀπείρουσ, οὐ παραλλακτοὺσ δέ. τὰ νέφη συνίστασθαι τῆσ ἀφ’ ἡλίου ἀτμίδοσ ἀναφερομένησ καὶ αἰρούσησ αὐτὰ εἰσ τὸ περιέχον. οὐσίαν θεοῦ σφαιροειδῆ, μηδὲν ὅμοιον ἔχουσαν ἀνθρώπῳ· ὅλον δὲ ὁρᾶν καὶ ὅλον ἀκούειν, μὴ μέντοι ἀναπνεῖν· σύμπαντά τε εἶναι νοῦν καὶ φρόνησιν καὶ ἀΐδιον. πρῶτόσ τε ἀπεφήνατο ὅτι πᾶν τὸ γινόμενον φθαρτόν ἐστι καὶ ἡ ψυχὴ πνεῦμα. Ἔφη δὲ καὶ τὰ πολλὰ ἥσσω νοῦ εἶναι.

καὶ τοῖσ τυράννοισ ἐντυγχάνειν ἢ ὡσ ἥκιστα ἢ ὡσ ἥδιστα. Ἐμπεδοκλέουσ δὲ εἰπόντοσ αὐτῷ ὅτι ἀνεύρετόσ ἐστιν ὁ σοφόσ, "εἰκότωσ," ἔφη· "σοφὸν γὰρ εἶναι δεῖ τὸν ἐπιγνωσόμενον τὸν σοφόν. · φησὶ δὲ Σωτίων πρῶτον αὐτὸν εἰπεῖν ἀκατάληπτ’ εἶναι τὰ πάντα, πλανώμενοσ. Ἐποίησε δὲ καὶ Κολοφῶνοσ κτίσιν καὶ τὸν εἰσ Ἐλέαν τῆσ Ἰταλίασ ἀποικισμὸν ἔπη δισχίλια. καὶ ἤκμαζε κατὰ τὴν ἑξηκοστὴν Ὀλυμπιάδα. φησὶ δὲ Δημήτριοσ ὁ Φαληρεὺσ ἐν τῷ Περὶ γήρωσ καὶ Παναίτιοσ ὁ Στωικὸσ ἐν τῷ Περὶ εὐθυμίασ ταῖσ ἰδίαισ χερσὶ θάψαι τοὺσ υἱεῖσ αὐτόν, καθάπερ καὶ Ἀναξαγόραν. δοκεῖ δὲ πεπρᾶσθαι ὑπὸ · · <καὶ λελύσθαι ὑπὸ> τῶν Πυθαγορικῶν Παρμενίσκου καὶ Ὀρεστάδου, καθά φησι Φαβωρῖνοσ ἐν Ἀπομνημονευμάτων πρώτῳ. γέγονε δὲ καὶ ἄλλοσ Ξενοφάνησ Λέσβιοσ ποιητὴσ ἰάμβων. Καὶ οὗτοι μὲν οἱ σποράδην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, Q, Kef. b'. XENOFANHS

(디오게네스 라에르티오스, Lives of Eminent Philosophers, Q, Kef. b'. XENOFANHS)

상위

목록

SEARCH

MENU NAVIGATION