헬라어 문장 검색 - Διογεν́Λιϝεσοφ́4́03́

(디오게네스 라에르티오스, Lives of Eminent Philosophers, D, Kef. g'. POLEMWN)

Πολέμων Φιλοστράτου μὲν ἦν υἱόσ, Ἀθηναῖοσ τῶν δήμων Οἰήθεν. νέοσ δ’ ὢν ἀκόλαστόσ τε καὶ διακεχυμένοσ ἦν οὕτωσ, ὥστε καὶ περιφέρειν ἀργύριον πρὸσ τὰσ ἑτοίμουσ λύσεισ τῶν ἐπιθυμιῶν· ἀλλὰ καὶ ἐν τοῖσ στενωποῖσ διέκρυπτεν. καὶ ἐν Ἀκαδημείᾳ πρὸσ κίονί τινι τριώβολον εὑρέθη προσπεπλασμένον αὐτοῦ διὰ [τὴν] ὁμοίαν τῇ προειρημένῃ πρόφασιν. καί ποτε συνθέμενοσ τοῖσ νέοισ μεθύων καὶ ἐστεφανωμένοσ εἰσ τὴν Ξενοκράτουσ ᾖξε σχολήν· ὁ δὲ οὐδὲν διατραπεὶσ εἶρε τὸν λόγον ὁμοίωσ· ἦν δὲ περὶ σωφροσύνησ. ἀκοῦον δὴ τὸ μειράκιον κατ’ ὀλίγον ἐθηράθη καὶ οὕτωσ ἐγένετο φιλόπονοσ ὡσ ὑπερβάλλεσθαι τοὺσ ἅλλουσ καὶ αὐτὸσ διαδέξασθαι τὴν σχολήν, ἀρξάμενοσ ἀπὸ τῆσ ἕκτησ καὶ δεκάτησ καὶ ἑκατοστῆσ Ὀλυμπιάδοσ. Φησὶ δὲ Ἀντίγονοσ ὁ Καρύστιοσ ἐν τοῖσ Βίοισ τὸν πατέρα αὐτοῦ πρῶτόν τε εἶναι τῶν πολιτῶν καὶ ἁρματοτροφῆσαι.

φυγεῖν δὲ τὸν Πολέμωνα καὶ δίκην κακώσεωσ ὑπὸ τῆσ γυναικόσ, ὡσ μειρακίοισ συνόντα. τοσοῦτον δὲ ἐπιτεῖναι τὸ ἦθοσ ἀρξάμενον φιλοσοφεῖν, ὥστ’ ἐπὶ ταὐτοῦ σχήματοσ τῆσ μορφῆσ πάντοτε μένειν. ἀλλὰ καὶ τὴν φωνὴν ἀναλλοίωτοσ ἦν· διὸ καὶ θηραθῆναι Κράντορα ὑπ’ αὐτοῦ. κυνὸσ γοῦν λυττῶντοσ [καὶ] τὴν ἰγνύαν διασπάσαντοσ μόνον μὴ ὠχριᾶσαι· καὶ ταραχῆσ γενομένησ ἐπὶ τῆσ πόλεωσ πυθομένων τὸ γεγονὸσ ἄτρεπτον μεῖναι. ἔν τε τοῖσ θεάτροισ ἀσυμπαθέστατοσ ἦν. Νικοστράτου γοῦν ποτε τοῦ ἐπικαλουμένου Κλυταιμνήστρα ἀναγινώσκοντόσ τι τοῦ ποιητοῦ αὐτῷ τε καὶ Κράτητι, τὸν μὲν συνδιατίθεσθαι, τὸν δ’ ἴσα καὶ μὴ ἀκοῦσαι.

καὶ ὅλωσ ἦν τοιοῦτοσ οἱο͂́ν φησι Μελάνθιοσ ὁ ζωγράφοσ ἐν τοῖσ Περὶ ζωγραφικῆσ· φησὶ γὰρ δεῖν αὐθάδειάν τινα καὶ σκληρότητα τοῖσ ἔργοισ ἐπιτρέχειν, ὁμοίωσ δὲ κἀν τοῖσ ἤθεσιν. ἔφασκε δὲ ὁ Πολέμων δεῖν ἐν τοῖσ πράγμασι γυμνάζεσθαι καὶ μὴ ἐν τοῖσ διαλεκτικοῖσ θεωρήμασι, καθάπερ ἁρμονικόν τι τέχνιον καταπιόντα καὶ μὴ μελετήσαντα, ὡσ κατὰ μὲν τὴν ἐρώτησιν θαυμάζεσθαι, κατὰ δὲ τὴν διάθεσιν ἑαυτοῖσ μάχεσθαι. Ἦν οὖν ἀσόλοικόσ τισ καὶ γενναῖοσ, παρῃτημένοσ ἅ φησιν Ἀριστοφάνησ περὶ Εὐριπίδου, "ὀξωτὰ καὶ σιλφιωτά," ἅπερ, ὡσ ὁ αὐτόσ φησι, καταπυγοσύνη ταῦτ’ ἐστὶ πρὸσ κρέασ μέγα. ἀλλὰ μὴν οὐδὲ καθίζων ἔλεγε πρὸσ τὰσ θέσεισ, φασί, περιπατῶν δὲ ἐπεχείρει.

διὰ δὴ οὖν τὸ φιλογενναῖον ἐτιμᾶτο ἐν τῇ πόλει. οὐ μὴν ἀλλὰ καὶ ἐκπεπατηκὼσ ἦν διατρίβων ἐν τῷ κήπῳ, παρ’ ὃν οἱ μαθηταὶ μικρὰ καλύβια ποιησάμενοι κατῴκουν πλησίον τοῦ μουσείου καὶ τῆσ ἐξέδρασ. ἐῴκει δὴ ὁ Πολέμων κατὰ πάντα ἐζηλωκέναι τὸν Ξενοκράτην· καὶ ἐρασθῆναι αὐτοῦ φησιν Ἀρίστιπποσ ἐν τῷ τετάρτῳ Περὶ παλαιᾶσ τρυφῆσ. ἀεὶ γοῦν ἐμέμνητο αὐτοῦ, τήν τ’ ἀκακίαν καὶ τὸν αὐχμὸν ἐνεδέδυτο τἀνδρὸσ καὶ τὸ βάροσ οἱονεὶ τῆσ Δωριστὶ ἁρμονίασ. ἦν δὲ καὶ φιλοσοφοκλῆσ, καὶ μάλιστα ἐν ἐκείνοισ ὅπου κατὰ τὸν κωμικὸν τὰ ποιήματα αὐτῷ κύων τισ ἐδόκει συμποιεῖν Μολοττικόσ, καὶ ἔνθα ἦν κατὰ τὸν Φρύνιχον οὐ γλύξισ οὐδ’ ὑπόχυτοσ, ἀλλὰ Πράμνιοσ.

ἔλεγεν οὖν τὸν μὲν Ὅμηρον ἐπικὸν εἶναι Σοφοκλέα, τὸν δὲ Σοφοκλέα Ὅμηρον τραγικόν. Ἐτελεύτησε δὲ γηραιὸσ ἤδη ὑπὸ φθίσεωσ, ἱκανὰ συγγράμματα καταλιπών. καὶ ἔστιν ἡμῶν εἰσ αὐτόν· οὐκ ἀϊείσ; Πολέμωνα κεκεύθαμεν, ὃν θέτο τῇδε ἀρρωστίη, τὸ δεινὸν ἀνθρώποισ πάθοσ. οὐ μᾶλλον Πολέμωνα, τὸ σῶμα δέ· τοῦτο γὰρ αὐτὸσ βαίνων ἐσ ἄστρα διάβορον θῆκεν χαμαί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, D, Kef. g'. POLEMWN

(디오게네스 라에르티오스, Lives of Eminent Philosophers, D, Kef. g'. POLEMWN)

상위

목록

SEARCH

MENU NAVIGATION