Diogenes Laertius, Lives of Eminent Philosophers, B, Kef. iz'. MENEDHMOS 1:

Ἀσκληπιάδου δὲ τοῦ Φλιασίου περισπάσαντοσ αὐτὸν ἐγένετο ἐν Μεγάροισ παρὰ Στίλπωνι, οὗπερ ἀμφότεροι διήκουσαν· κἀντεῦθεν πλεύσαντεσ εἰσ Ἦλιν Ἀγχιπύλῳ καὶ Μόσχῳ τοῖσ ἀπὸ Φαίδωνοσ παρέβαλον. καὶ μέχρι μὲν τούτων, ὡσ προείρηται ἐν τῷ περὶ Φαίδωνοσ, Ἠλιακοὶ προσηγορεύοντο· Ἐρετρικοὶ δ’ ἐκλήθησαν ἀπὸ τῆσ πατρίδοσ τοῦ περὶ οὗ ὁ λόγοσ. Φαίνεται δὴ ὁ Μενέδημοσ σεμνὸσ ἱκανῶσ γενέσθαι· ὅθεν αὐτὸν Κράτησ παρῳδῶν φησι· Φλιάσιόν τ’ Ἀσκληπιάδην καὶ ταῦρον Ἐρέτρην. ὁ δὲ Τίμων οὕτωσ· ὄγκον ἀναστήσασ ὠφρυωμένοσ ἀφροσιβόμβαξ.