Diogenes Laertius, Lives of Eminent Philosophers, B, Kef. ia'. STILPWN 8:

Φέρονται δ αὐτοῦ διάλογοι ἐννέα ψυχροί:? Στίλπωνός ἐστι βύσμαθ ὁ Χαρίνου λόγος. Μόσχος, Ἀρίστιππος ἢ Καλλίας, Πτολεμαῖος, Χαιρεκράτης, Μητροκλῆς, Ἀναξιμένης, Ἐπιγένης, Πρὸς τὴν ἑαυτοῦ θυγατέρα, Ἀριστοτέλης. τούτου φησὶν Ἡρακλείδης καὶ τὸν Ζήνωνα ἀκοῦσαι τὸν τῆς στοᾶς κτίστην. γηραιὸν δὲ τελευτῆσαί φησιν Ἕρμιππος, οἶνον προσενεγκάμενον ὅπως θᾶττον ἀποθάνοι. Ἔστι δὲ καὶ εἰς τοῦτον ἡμῶν: τὸν Μεγαρέα Στίλπωνα, γιγνώσκεις δ ἴσως, γῆρας, ἔπειτα νόσος καθεῖλε, δύσμαχον ζυγόν: ἀλλ οἶνον εὑρ῀ε τῆς κακῆς συνωρίδος φέρτερον ἡνίοχν: <χανδὸν> πιὼν γὰρ ἤλασεν. προσεσκώφθη δὲ ὑπὸ Σωφίλου τοῦ κωμικοῦ ἐν δράματι Γάμῳ:?