헬라어 문장 검색 - Διογεν́Λιϝεσοφ́2́10́

(디오게네스 라에르티오스, Lives of Eminent Philosophers, B, Kef. i'. EUKLEIDHS)

Εὐκλείδησ ἀπὸ Μεγάρων τῶν πρὸσ Ἰσθμῷ, ἢ Γελῶοσ κατ’ ἐνίουσ, ὥσ φησιν Ἀλέξανδροσ ἐν Διαδοχαῖσ. οὗτοσ καὶ τὰ Παρμενίδεια μετεχειρίζετο, καὶ οἱ ἀπ’ αὐτοῦ Μεγαρικοὶ προσηγορεύοντο, εἶτ’ ἐριστικοί, ὕστερον δὲ διαλεκτικοί, οὓσ οὕτωσ ὠνόμασε πρῶτοσ Διονύσιοσ ὁ Χαλκηδόνιοσ, διὰ τὸ πρὸσ ἐρώτησιν καὶ ἀπόκρισιν τοὺσ λόγουσ διατίθεσθαι. πρὸσ τοῦτόν φησιν ὁ Ἑρμόδωροσ ἀφικέσθαι Πλάτωνα καὶ τοὺσ λοιποὺσ φιλοσόφουσ μετὰ τὴν τοῦ Σωκράτουσ τελευτήν, δείσαντασ τὴν ὠμότητα τῶν τυράννων. οὗτοσ ἓν τὸ ἀγαθὸν ἀπεφαίνετο πολλοῖσ ὀνόμασι καλούμενον· ὁτὲ μὲν γὰρ φρόνησιν, ὁτὲ δὲ θεόν, καὶ ἄλλοτε νοῦν καὶ τὰ λοιπά. τὰ δ’ ἀντικείμενα τῷ ἀγαθῷ ἀνῄρει, μὴ εἶναι φάσκων. Ταῖσ τε ἀποδείξεσιν ἐνίστατο οὐ κατὰ λήμματα, ἀλλὰ κατ’ ἐπιφοράν.

καὶ τὸν διὰ παραβολῆσ λόγον ἀνῄρει, λέγων ἤτοι ἐξ ὁμοίων αὐτὸν ἢ ἐξ ἀνομοίων συνίστασθαι· καὶ εἰ μὲν ἐξ ὁμοίων, περὶ αὐτὰ δεῖν μᾶλλον ἢ οἷσ ὅμοιά ἐστιν ἀναστρέφεσθαι, εἰ δ’ ἐξ ἀνομοίων, παρέλκειν τὴν παράθεσιν. διὰ ταῦτα δὲ καὶ περὶ αὐτοῦ ταῦτά φησι Τίμων, προσπαρατρώγων καὶ τοὺσ λοιποὺσ Σωκρατικούσ· ἀλλ’ οὔ μοι τούτων φλεδόνων μέλει, οὐδὲ γὰρ ἄλλου οὐδενόσ, οὐ Φαίδωνοσ, ὅτισ γένετ’, οὐδ’ ἐριδάντεω Εὐκλείδεω, Μεγαρεῦσιν ὃσ ἔμβαλε λύσσαν ἐρισμοῦ. Διαλόγουσ δὲ συνέγραψεν ἕξ, Λαμπρίαν, Αἰσχίνην, Φοίνικα, Κρίτωνα, Ἀλκιβιάδην, Ἐρωτικόν.

τῆσ δ’ Εὐκλείδου διαδοχῆσ ἐστι καὶ Εὐβουλίδησ ὁ Μιλήσιοσ, ὃσ καὶ πολλοὺσ ἐν διαλεκτικῇ λόγουσ ἠρώτησε, τόν τε ψευδόμενον καὶ τὸν διαλανθάνοντα καὶ Ἠλέκτραν καὶ ἐγκεκαλυμμένον καὶ σωρίτην καὶ κερατίνην καὶ φαλακρόν. περὶ τούτου φησί τισ τῶν κωμικῶν· οὑριστικὸσ δ’ Εὐβουλίδησ κερατίνασ ἐρωτῶν καὶ ψευδαλαζόσιν λόγοισ τοὺσ ῥήτορασ κυλίων ἀπῆλθ’ ἔχων Δημοσθένουσ τὴν ῥωποπερπερήθραν. ἐῴκει γὰρ αὐτοῦ καὶ Δημοσθένησ ἀκηκοέναι καὶ ῥωβικώτεροσ ὢν παύσασθαι. ὁ δ’ Εὐβουλίδησ καὶ πρὸσ Ἀριστοτέλην διεφέρετο, καὶ πολλὰ αὐτὸν διαβέβληκε.

Μεταξὺ δὲ ἄλλων ὄντων τῆσ Εὐβουλίδου διαδοχῆσ Ἀλεξῖνοσ ἐγένετο Ἠλεῖοσ, ἀνὴρ φιλονεικότατοσ· διὸ καὶ Ἐλεγξῖνοσ ἐπεκλήθη. διεφέρετο δὲ μάλιστα πρὸσ Ζήνωνα. φησὶ δ’ Ἕρμιπποσ περὶ αὐτοῦ ὡσ ἄρα ἀπελθὼν ἐκ τῆσ Ἤλιδοσ εἰσ Ὀλυμπίαν αὐτόθι φιλοσοφοίη. τῶν δὲ μαθητῶν αὐτοῦ πυνθανομένων διὰ τί τῇδε κατοικεῖ, φάναι βούλεσθαι αἱρ́εσιν συστήσασθαι ἣν Ὀλυμπικὴν κληθήσεσθαι. τοὺσ δὲ καὶ τοῖσ ἐφοδίοισ θλιβομένουσ καὶ τὸ χωρίον νοσερὸν καταγνόντασ ἀπελθεῖν, καὶ τοῦ λοιποῦ διατρίβειν ἔρημον τὸν Ἀλεξῖνον σὺν οἰκέτῃ μόνῳ· ἔπειτα μέντοι νηχόμενον ἐν τῷ Ἀλφειῷ νυχθῆναι καλάμῳ καὶ οὕτω τελευτῆσαι. Καὶ ἔστιν εἰσ αὐτὸν ἡμῶν οὕτωσ ἔχον·

οὐκ ἆρα μῦθοσ ἦν ἐκεῖνοσ εἰκαῖοσ, ὡσ ἀτυχήσ τισ ἐὼν τὸν πόδα κολυμβῶν περιέπειρέ πωσ ἥλῳ. καὶ γὰρ ὁ σεμνὸσ ἀνήρ, πρὶν Ἀλφεόν ποτ’ ἐκπερᾶν, Ἀλεξῖνοσ θνῆσκε νυγεὶσ καλάμῳ. γέγραφε δ’ οὐ μόνον πρὸσ Ζήνωνα, ἀλλὰ καὶ ἄλλα βιβλία καὶ πρὸσ Ἔφορον τὸν ἱστοριογράφον. Εὐβουλίδου δὲ καὶ Εὔφαντοσ γέγονε <γνώριμοσ> ὁ Ὀλύνθιοσ, ἱστορίασ γεγραφὼσ τὰσ κατὰ τοὺσ χρόνουσ τοὺσ ἑαυτοῦ. ἐποίησε δὲ καὶ τραγῳδίασ πλείουσ, ἐν αἷσ εὐδοκίμει κατὰ τοὺσ ἀγῶνασ. γέγονε δὲ καὶ Ἀντιγόνου τοῦ βασιλέωσ διδάσκαλοσ, πρὸσ ὃν καὶ λόγον γέγραφε Περὶ βασιλείασ σφόδρα εὐδοκιμοῦντα. τὸν βίον δὲ γήρᾳ κατέστρεψεν. Εἰσὶ δὲ καὶ ἄλλοι διακηκοότεσ Εὐβουλίδου, ἐν οἷσ καὶ Ἀπολλώνιοσ ὁ Κρόνοσ, οὗ Διόδωροσ Ἀμεινίου Ιἀσεύσ, καὶ αὐτὸσ Κρόνοσ ἐπίκλην, περὶ οὗ φησι Καλλίμαχοσ ἐν ἐπιγράμμασιν·

αὐτὸσ ὁ Μῶμοσ ἔγραφεν ἐν τοίχοισ, "ὁ Κρόνοσ ἐστὶ σοφόσ. " ἦν δὲ καὶ οὗτοσ διαλεκτικόσ, πρῶτοσ δόξασ εὑρη‐ κέναι τὸν ἐγκεκαλυμμένον καὶ κερατίνην λόγον κατά τινασ. οὗτοσ παρὰ Πτολεμαίῳ τῷ Σωτῆρι διατρίβων λόγουσ τινὰσ διαλεκτικοὺσ ἠρωτήθη πρὸσ Στίλπωνοσ· καὶ μὴ δυνάμενοσ παραχρῆμα διαλύσασθαι, ὑπὸ τοῦ βασιλέωσ τά τε ἄλλα ἐπετιμήθη καὶ δὴ καὶ Κρόνοσ ἤκουσεν ἐν σκώμματοσ μέρει. ἐξελθὼν δὴ τοῦ συμποσίου καὶ λόγον γράψασ περὶ τοῦ προβλήματοσ ἀθυμίᾳ τὸν βίον κατέστρεψε.

καὶ ἔστιν ἡμῶν εἰσ αὐτόν· Κρόνε Διόδωρε, τίσ σε δαιμόνων κακῇ ἀθυμίῃ ξυνείρυσεν, ἵν’ αὐτὸσ αὑτὸν ἐμβάλῃσ εἰσ Τάρταρον Στίλπωνοσ οὐ λύσασ ἔπη αἰνιγματώδη; τοιγὰρ εὑρέθησ Κρόνοσ ἔξωθε τοῦ ῥῶ κάππα τε. Τῶν δ’ ἀπ’ Εὐκλείδου ἐστὶ καὶ Ἰχθύασ Μετάλλου, ἀνὴρ γενναῖοσ, πρὸσ ὃν καὶ Διογένησ ὁ κυνικὸσ διάλογον πεποίηται· Κλεινόμαχόσ θ’ ὁ Θούριοσ, ὃσ πρῶτοσ περὶ ἀξιωμάτων καὶ κατηγορημάτων καὶ τῶν τοιούτων συνέγραψε· καὶ Στίλπων ὁ Μεγαρεύσ, διασημότατοσ φιλόσοφοσ, περὶ οὗ λεκτέον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, B, Kef. i'. EUKLEIDHS

(디오게네스 라에르티오스, Lives of Eminent Philosophers, B, Kef. i'. EUKLEIDHS)

상위

목록

SEARCH

MENU NAVIGATION