Diogenes Laertius, Lives of Eminent Philosophers, B, Kef. q'. FAIDWN

(디오게네스 라에르티오스, Lives of Eminent Philosophers, B, Kef. q'. FAIDWN)

Φαίδων Ἠλεῖοσ, τῶν εὐπατριδῶν, συνεάλω τῇ πατρίδι καὶ ἠναγκάσθη στῆναι ἐπ’ οἰκήματοσ· ἀλλὰ τὸ θύριον προστιθεὶσ μετεῖχε Σωκράτουσ, ἑώσ αὐτὸν λυτρώσασθαι τοὺσ περὶ Ἀλκιβιάδην ἢ Κρίτωνα προὔτρεψε· καὶ τοὐντεῦθεν ἐλευθερίωσ ἐφιλοσόφει. Ιἑρώνυμοσ δ’ ἐν τῷ Περὶ ἐποχῆσ καθαπτόμενοσ δοῦλον αὐτὸν εἴρηκε. διαλόγουσ δὲ συνέγραψε γνησίουσ μὲν Ζώπυρον, Σίμωνα, καὶ δισταζόμενον Νικίαν, Μήδιον, ὅν φασί τινεσ Αἰσχίνου, οἱ δὲ Πολυαίνου· Ἀντίμαχον ἢ Πρεσβύτασ· καὶ οὗτοσ διστάζεται· σκυτικοὺσ λόγουσ· καὶ τούτουσ τινὲσ Αἰσχίνου φασί. Διάδοχοσ δ’ αὐτοῦ Πλείστανοσ Ἠλεῖοσ, καὶ τρίτοι ἀπ’ αὐτοῦ οἱ περὶ Μενέδημον τὸν Ἐρετριέα καὶ Ἀσκληπιάδην τὸν Φλιάσιον, μετάγοντεσ ἀπὸ Στίλπωνοσ. καὶ ἑώσ μὲν τούτων Ἠλιακοὶ προσηγορεύοντο, ἀπὸ δὲ Μενεδήμου Ἐρετρικοί· περὶ οὗ λέξομεν ὕστερον διὰ τὸ καὶ αὐτὸν κατάρχειν αἱρέσεωσ.

SEARCH

MENU NAVIGATION