Diogenes Laertius, Lives of Eminent Philosophers, B, Kef. h'. ARISTIPPOS 6:

Αἴνιγμά τινοσ αὐτῷ προτείναντοσ καὶ εἰπόντοσ, "λῦσον," "τί, ὦ μάταιε," ἔφη, "λῦσαι θέλεισ, ὃ καὶ δεδεμένον ἡμῖν πράγματα παρέχει; ἄμεινον ἔφη ἐπαίτην ἢ ἀπαίδευτον εἶναι· οἱ μὲν γὰρ χρημάτων, οἱ δ’ ἀνθρωπισμοῦ δέονται. λοιδορούμενόσ ποτε ἀνεχώρει· τοῦ δ’ ἐπιδιώκοντοσ εἰπόντοσ, "τί φεύγεισ; "ὅτι," φησί, "τοῦ μὲν κακῶσ λέγειν σὺ τὴν ἐξουσίαν ἔχεισ, τοῦ δὲ μὴ ἀκούειν ἐγώ. " εἰπόντοσ τινὸσ ὡσ ἀεὶ τοὺσ φιλοσόφουσ βλέποι παρὰ ταῖσ τῶν πλουσίων θύραισ, "καὶ γὰρ καὶ οἱ ἰατροί. " φησί, "παρὰ ταῖσ τῶν νοσούντων· ἀλλ’ οὐ παρὰ τοῦτό τισ ἂν ἕλοιτο νοσεῖν ἢ ἰατρεύειν.