헬라어 문장 검색 - Διογεν́Λιϝεσοφ́2́07́

(디오게네스 라에르티오스, Lives of Eminent Philosophers, B, Kef. z'. AISXINHS)

Αἰσχίνησ Χαρίνου τοῦ ἀλλαντοποιοῦ, οἱ δὲ Λυσανίου, Ἀθηναῖοσ, ἐκ νέου φιλόπονοσ· διὸ καὶ Σωκράτουσ οὐκ ἀπέστη. ὅθεν ἔλεγε, "μόνοσ ἡμᾶσ οἶδε τιμᾶν ὁ τοῦ ἀλλαντοποιοῦ. " τοῦτον ἔφη Ἰδομενεὺσ ἐν τῷ δεσμωτηρίῳ συμβουλεῦσαι περὶ τῆσ φυγῆσ Σωκράτει, καὶ οὐ Κρίτωνα· Πλάτωνα δέ, ὅτι ἦν Ἀριστίππῳ μᾶλλον φίλοσ, Κρίτωνι περιθεῖναι τοὺσ λόγουσ. διεβάλλετο δ’ ὁ Αἰσχίνησ καὶ μάλισθ’ ὑπὸ Μενεδήμου τοῦ Ἐρετριέωσ ὡσ τοὺσ πλείστουσ διαλόγουσ ὄντασ Σωκράτουσ ὑποβάλλοιτο, λαμβάνων παρὰ Ξανθίππησ· ὧν οἱ μὲν καλούμενοι ἀκέφαλοι σφόδρ’ εἰσὶν ἐκλελυμένοι καὶ οὐκ ἐπιφαίνοντεσ τὴν Σωκρατικὴν εὐτονίαν· οὓσ καὶ Πεισίστρατοσ ὁ Ἐφέσιοσ ἔλεγε μὴ εἶναι Αἰσχίνου. καὶ τῶν ἑπτὰ δὲ τοὺσ πλείστουσ Περσαῖόσ φησι Πασιφῶντοσ εἶναι τοῦ Ἐρετρικοῦ, εἰσ τοὺσ Αἰσχίνου δὲ κατατάξαι.

ἀλλὰ καὶ τῶν Ἀντισθένουσ τόν τε μικρὸν Κῦρον καὶ τὸν Ἡρακλέα τὸν ἐλάσσω καὶ Ἀλκιβιάδην καὶ τοὺσ τῶν ἄλλων δὲ ἐσκευώρηται. οἱ δ’ οὖν τῶν Αἰσχίνου τὸ Σωκρατικὸν ἦθοσ ἀπομεμαγμένοι εἰσὶν ἑπτά· πρῶτοσ Μιλτιάδησ, διὸ καὶ ἀσθενέστερόν πωσ ἔχει· Καλλίασ, Ἀξίοχοσ, Ἀσπασία, Ἀλκιβιάδησ, Τηλαύγησ, Ῥίνων. Φασὶ δ’ αὐτὸν δι’ ἀπορίαν ἐλθεῖν εἰσ Σικελίαν πρὸσ Διονύσιον, καὶ ὑπὸ μὲν Πλάτωνοσ παροφθῆναι, ὑπὸ δ’ Ἀριστίππου συστῆναι· δόντα τέ τινασ τῶν διαλόγων δῶρα λαβεῖν. ἔπειτ’ ἀφικόμενον Ἀθήναζε μὴ τολμᾶν σοφιστεύειν, εὐδοκιμούντων τότε τῶν περὶ Πλάτωνα καὶ Ἀρίστιππον.

ἐμμίσθουσ δ’ ἀκροάσεισ ποιεῖσθαι· εἶτα συγγράφειν λόγουσ δικανικοὺσ τοῖσ ἀδικουμένοισ· διὸ καὶ τὸν Τίμωνα εἰπεῖν ἐπ’ αὐτοῦ "ἤτ’ Αἰσχίνου οὐκ ἀπιθὴσ <ἴσ> γράψαι. " φασὶ δ’ αὐτῷ λέγειν Σωκράτην, ἐπειδή‐ περ ἐπιέζετο ὑπὸ πενίασ, παρ’ ἑαυτοῦ δανείζεσθαι τῶν σιτίων ὑφαιροῦντα. τούτου τοὺσ διαλόγουσ καὶ Ἀρίστιπποσ ὑπώπτευεν. ἐν γοῦν Μεγάροισ ἀναγινώσκοντοσ αὐτοῦ φασι σκῶψαι εἰπόντα, "πόθεν σοι, λῃστά, ταῦτα; Φησὶ δὲ Πολύκριτοσ ὁ Μενδαῖοσ ἐν τῷ πρώτῳ τῶν περὶ Διονύσιον ἄχρι τῆσ ἐκπτώσεωσ συμβιῶναι αὐτὸν τῷ τυράννῳ καὶ ἑώσ τῆσ Δίωνοσ εἰσ Συρακούσασ καθόδου, λέγων εἶναι σὺν αὐτῷ καὶ Καρκίνον τὸν τραγῳδιοποιόν.

φέρεται δὲ καὶ ἐπιστολὴ πρὸσ Διονύσιον Αἰσχίνου. ἦν δὲ καὶ ἐν τοῖσ ῥητορικοῖσ ἱκανῶσ γεγυμνασμένοσ· ὡσ δῆλον ἔκ τε τῆσ ἀπολογίασ τοῦ πατρὸσ Φαίακοσ τοῦ στρατηγοῦ καὶ Δίωνοσ. μάλιστα δὲ μιμεῖται Γοργίαν τὸν Λεοντῖνον. καὶ Λυσίασ δὲ κατ’ αὐτοῦ γέγραφε λόγον, [περὶ] συκοφαντίασ ἐπιγράψασ· ἐξ ὧν δῆλον ὅτι καὶ ῥητορικόσ τισ ἦν. γνώριμοσ δ’ αὐτοῦ φέρεται εἷσ, Ἀριστοτέλησ ὁ Μῦθοσ ἐπικληθείσ. Πάντων μέντοι τῶν Σωκρατικῶν διαλόγων Παναίτιοσ ἀληθεῖσ εἶναι δοκεῖ τοὺσ Πλάτωνοσ, Ξενοφῶντοσ, Ἀντισθένουσ, Αἰσχίνου·

διστάζει δὲ περὶ τῶν Φαίδωνοσ καὶ Εὐκλείδου, τοὺσ δὲ ἄλλουσ ἀναιρεῖ πάντασ. Γεγόνασι δ’ Αἰσχίναι ὀκτώ· πρῶτοσ αὐτὸσ οὗτοσ· δεύτεροσ δ’ ὁ τὰσ τέχνασ γεγραφὼσ τὰσ ῥητορικάσ· τρίτοσ ὁ ῥήτωρ ὁ κατὰ Δημοσθένην· τέταρτοσ Ἀρκάσ, μαθητὴσ Ἰσοκράτουσ· πέμπτοσ ὁ Μυτιληναῖοσ, ὃν καὶ ῥητορομάστιγα ἐκάλουν· ἕκτοσ Νεαπολίτησ, φιλόσοφοσ Ἀκαδημαϊκόσ, Μελανθίου τοῦ Ῥοδίου μαθητὴσ καὶ παιδικά· ἕβδομοσ Μιλήσιοσ, πολιτικὸσ συγγραφεύσ· ὄγδοοσ ἀνδριαντοποιόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, B, Kef. z'. AISXINHS

(디오게네스 라에르티오스, Lives of Eminent Philosophers, B, Kef. z'. AISXINHS)

상위

목록

SEARCH

MENU NAVIGATION