Diogenes Laertius, Lives of Eminent Philosophers, B, Kef. s'. CENOFWN 10:

Τήν τ’ Ἀνάβασιν, ἧσ κατὰ βιβλίον μὲν ἐποίησε προοίμιον, ὅλησ δὲ οὔ· καὶ Κύρου Παιδείαν καὶ Ἑλληνικὰ καὶ Ἀπομνημονεύματα· Συμπόσιόν τε καὶ Οἰκονομικὸν καὶ Περὶ ἱππικῆσ καὶ Κυνηγετικὸν καὶ Ἱππαρχικόν, Ἀπολογίαν τε Σωκράτουσ καὶ Περὶ πόρων καὶ Ιἕρωνα ἢ Τυραννικόν, Ἀγησίλαόν τε καὶ Ἀθηναίων καὶ Λακεδαιμονίων Πολιτείαν, ἥν φησιν οὐκ εἶναι Ξενοφῶντοσ ὁ Μάγνησ Δημήτριοσ. λέγεται δ’ ὅτι καὶ τὰ Θουκυδίδου βιβλία λανθάνοντα ὑφελέσθαι δυνάμενοσ αὐτὸσ εἰσ δόξαν ἤγαγεν. ἐκαλεῖτο δὲ καὶ Ἀττικὴ Μοῦσα γλυκύτητι τῆσ ἑρμηνείασ· ὅθεν καὶ πρὸσ ἀλλήλουσ ζηλοτύπωσ εἶχον αὐτόσ τε καὶ Πλάτων, ὡσ ἐν τῷ περὶ Πλάτωνοσ λέξομεν.