헬라어 문장 검색 - Διογεν́Λιϝεσοφ́2́03́

(디오게네스 라에르티오스, Lives of Eminent Philosophers, B, Kef. g'. ANACAGORAS)

Ἀναξαγόρασ Ἡγησιβούλου ἢ Εὐβούλου Κλαζομένιοσ. οὗτοσ ἤκουσεν Ἀναξιμένουσ, καὶ πρῶτοσ τῇ ὕλῃ νοῦν ἐπέστησεν, ἀρξάμενοσ οὕτω τοῦ συγ‐ γράμματοσ, ὅ ἐστιν ἡδέωσ καὶ μεγαλοφρόνωσ ἡρμηνευμένον· "πάντα χρήματα ἦν ὁμοῦ· εἶτα νοῦσ ἐλθὼν αὐτὰ διεκόσμησε. " παρὸ καὶ Νοῦσ ἐπεκλήθη, καί φησι περὶ αὐτοῦ Τίμων ἐν τοῖσ Σίλλοισ οὕτω· καί που Ἀναξαγόρην φάσ’ ἔμμεναι, ἄλκιμον ἡρ́ω Νοῦν, ὅτι δὴ νόοσ αὐτῷ, ὃσ ἐξαπίνησ ἐπεγείρασ πάντα συνεσφήκωσεν ὁμοῦ τεταραγμένα πρόσθεν. Οὗτοσ εὐγενείᾳ καὶ πλούτῳ διαφέρων ἦν, ἀλλὰ καὶ μεγαλοφροσύνῃ, ὅσ γε τὰ πατρῷα παρεχώρησε τοῖσ οἰκείοισ. αἰτιαθεὶσ γὰρ ὑπ’ αὐτῶν ὡσ ἀμελῶν, "τί οὖν," ἔφη, "οὐχ ὑμεῖσ ἐπιμελεῖσθε;

καὶ τέλοσ ἀπέστη καὶ περὶ τὴν τῶν φυσικῶν θεωρίαν ἦν οὐ φροντίζων τῶν πολιτικῶν. ὅτε καὶ πρὸσ τὸν εἰπόντα, "οὐδέν σοι μέλει τῆσ πατρίδοσ; "εὐφήμει," ἔφη, "ἐμοὶ γὰρ καὶ σφόδρα μέλει τῆσ πατρίδοσ," δείξασ τὸν οὐρανόν. Λέγεται δὲ κατὰ τὴν Ξέρξου διάβασιν εἴκοσιν ἐτῶν εἶναι, βεβιωκέναι δὲ ἑβδομήκοντα δύο. φησὶ δ’ Ἀπολλόδωροσ ἐν τοῖσ Χρονικοῖσ γεγενῆσθαι αὐτὸν τῇ ἑβδομηκοστῇ Ὀλυμπιάδι, τεθνηκέναι δὲ τῷ πρώτῳ ἔτει τῆσ ὀγδοηκοστῆσ ὀγδόησ. ἤρξατο δὲ φιλοσοφεῖν Ἀθήνησιν ἐπὶ Καλλίου, ἐτῶν εἴκοσιν ὤν, ὥσ φησι Δημήτριοσ ὁ Φαληρεὺσ ἐν τῇ τῶν Ἀρχόντων ἀναγραφῇ, ἔνθα καί φασιν αὐτὸν ἐτῶν διατρῖψαι τριάκοντα. Οὗτοσ ἔλεγε τὸν ἥλιον μύδρον εἶναι διάπυρον καὶ μείζω τῆσ Πελοποννήσου·

οἱ δέ φασι Τάνταλον· τὴν δὲ σελήνην οἰκήσεισ ἔχειν, ἀλλὰ καὶ λόφουσ καὶ φάραγγασ. ἀρχὰσ δὲ τὰσ ὁμοιομερείασ· καθάπερ γὰρ ἐκ τῶν ψηγμάτων λεγομένων τὸν χρυσὸν συνεστάναι, οὕτωσ ἐκ τῶν ὁμοιομερῶν μικρῶν σωμάτων τὸ πᾶν συγκεκρίσθαι. καὶ νοῦν μὲν ἀρχὴν κινήσεωσ· τῶν δὲ σωμάτων τὰ μὲν βαρέα τὸν κάτω τόπον, <ὡσ τὴν γῆν>, τὰ δὲ κοῦφα τὸν ἄνω ἐπισχεῖν, ὡσ τὸ πῦρ· ὕδωρ δὲ καὶ ἀέρα τὸν μέσον. οὕτω γὰρ ἐπὶ τῆσ γῆσ πλατείασ οὔσησ τὴν θάλασσαν ὑποστῆναι, διατμισθέντων ὑπὸ τοῦ ἡλίου τῶν ὑγρῶν. τὰ δ’ ἄστρα κατ’ ἀρχὰσ μὲν θολοειδῶσ ἐνεχθῆναι, ὥστε κατὰ κορυφὴν τῆσ γῆσ τὸν ἀεὶ φαινόμενον εἶναι πόλον, ὕστερον δὲ τὴν ἔγκλισιν λαβεῖν.

καὶ ἄρρενα μὲν ἀπὸ τῶν δεξιῶν, θήλεα δὲ ἀπὸ τῶν ἀριστερῶν. καὶ τὸν γαλαξίαν ἀνάκλασιν εἶναι φωτὸσ <τῶν ὑπὸ> ἡλίου μὴ καταλαμπομένων <τῶν> ἄστρων. τοὺσ δὲ κομήτασ σύνοδον πλανητῶν φλόγασ ἀφιέντων· τούσ τε διᾴττοντασ οἱο͂ν σπινθῆρασ ἀπὸ τοῦ ἀέροσ ἀποπάλλεσθαι. ἀνέμουσ γίγνεσθαι λεπτυνομένου τοῦ ἀέροσ ὑπὸ τοῦ ἡλίου. βροντὰσ σύγκρουσιν νεφῶν· ἀστραπὰσ ἔκτριψιν νεφῶν· σεισμὸν ὑπονόστησιν ἀέροσ εἰσ γῆν. Ζῷα γίγνεσθαι ἐξ ὑγροῦ καὶ θερμοῦ καὶ γεώδουσ, ὕστερον δὲ ἐξ ἀλλήλων· Φασὶ δ’ αὐτὸν προειπεῖν τὴν περὶ Αἰγὸσ ποταμοὺσ γενομένην τοῦ λίθου πτῶσιν, ὃν εἶπεν ἐκ τοῦ ἡλίου πεσεῖσθαι.

ὅθεν καὶ Εὐριπίδην, μαθητὴν ὄντα αὐτοῦ, χρυσέαν βῶλον εἰπεῖν τὸν ἥλιον ἐν τῷ Φαέθοντι. ἀλλὰ καὶ εἰσ Ὀλυμπίαν ἐλθόντα ἐν δερμα‐ τίνῳ καθίσαι, ὡσ μέλλοντοσ ὕσειν· καὶ γενέσθαι. πρόσ τε τὸν εἰπόντα, εἰ τὰ ἐν Λαμψάκῳ ὄρη ἔσται ποτὲ θάλαττα, φασὶν εἰπεῖν, "ἐάν γε ὁ χρόνοσ μὴ ἐπιλίπῃ. " ἐρωτηθείσ ποτε εἰσ τί γεγέννηται, "εἰσ θεωρίαν," ἔφη, "ἡλίου καὶ σελήνησ καὶ οὐρανοῦ. " πρὸσ τὸν εἰπόντα, "ἐστερήθησ Ἀθηναίων," "οὐ μὲν οὖν," ἔφη, "ἀλλ’ ἐκεῖνοι ἐμοῦ. " ἰδὼν τὸν Μαυσώλου τάφον ἔφη, "τάφοσ πολυτελὴσ λελιθωμένησ ἐστὶν οὐσίασ εἴδωλον. πρὸσ τὸν δυσφοροῦντα ὅτι ἐπὶ ξένησ τελευτᾷ, "πανταχόθεν," ἔφη, "ὁμοία ἐστὶν ἡ εἰσ ᾅδου κατάβασισ.

" Δοκεῖ δὲ πρῶτοσ, καθά φησι Φαβωρῖνοσ ἐν Παντοδαπῇ ἱστορίᾳ, τὴν Ὁμήρου ποίησιν ἀποφήνασθαι εἶναι περὶ ἀρετῆσ καὶ δικαιοσύνησ· ἐπὶ πλεῖον δὲ προστῆναι τοῦ λόγου Μητρόδωρον τὸν Λαμψακηνόν, γνώριμον ὄντα αὐτοῦ, ὃν καὶ πρῶτον σπουδάσαι τοῦ ποιητοῦ περὶ τὴν φυσικὴν πραγματείαν. πρῶτοσ δὲ Ἀναξαγόρασ καὶ βιβλίον ἐξέδωκε συγγραφῆσ. φησὶ δὲ Σιληνὸσ ἐν τῇ πρώτῃ τῶν Ἱστοριῶν ἐπὶ ἄρχοντοσ Δημύλου λίθον ἐξ οὐρανοῦ πεσεῖν· τὸν δὲ Ἀναξαγόραν εἰπεῖν ὡσ ὅλοσ ὁ οὐρανὸσ ἐκ λίθων συγκέοιτο·

τῇ σφοδρᾷ δὲ περιδινήσει συνεστάναι καὶ ἀνεθέντα κατενεχθήσεσθαι. Περὶ δὲ τῆσ δίκησ αὐτοῦ διάφορα λέγεται. Σωτίων μὲν γάρ φησιν ἐν τῇ Διαδοχῇ τῶν φιλοσόφων ὑπὸ Κλέωνοσ αὐτὸν ἀσεβείασ κριθῆναι, διότι τὸν ἥλιον μύδρον ἔλεγε διάπυρον· ἀπολογησαμένου δὲ ὑπὲρ αὐτοῦ Περικλέουσ τοῦ μαθητοῦ, πέντε ταλάντοισ ζημιωθῆναι καὶ φυγαδευθῆναι. Σάτυροσ δ’ ἐν τοῖσ Βίοισ ὑπὸ Θουκυδίδου φησὶν εἰσαχθῆναι τὴν δίκην, ἀντιπολιτευομένου τῷ Περικλεῖ· καὶ οὐ μόνον ἀσεβείασ, ἀλλὰ καὶ μηδισμοῦ· καὶ ἀπόντα καταδικασθῆναι θανάτῳ. ὅτε καὶ ἀμφοτέρων αὐτῷ προσαγγελέντων, τῆσ τε καταδίκησ καὶ τῆσ τῶν παίδων τελευτῆσ, εἰπεῖν περὶ μὲν τῆσ καταδίκησ, ὅτι ἄρα "κἀκείνων κἀμοῦ πάλαι ἡ φύσισ κατεψηφίσατο," περὶ δὲ τῶν παίδων, ὅτι "ᾔδειν αὐτοὺσ θνητοὺσ γεννήσασ.

" οἱ δ’ εἰσ Σόλωνα τοῦτ’ ἀναφέρουσιν, ἄλλοι εἰσ Ξενοφῶντα. τοῦτον δὲ καὶ θάψαι ταῖσ ἰδίαισ χερσὶν αὐτοὺσ Δημήτριόσ φησιν ὁ Φαληρεὺσ ἐν τῷ Περὶ γήρωσ. Ἕρμιπποσ δ’ ἐν τοῖσ Βίοισ φησὶν ὅτι καθείρχθη ἐν τῷ δεσμωτηρίῳ τεθνηξόμενοσ. Περικλῆσ δὲ παρελθὼν εἶπεν εἴ τι ἔχουσιν ἐγκαλεῖν αὑτῷ κατὰ τὸν βίον· οὐδὲν δὲ εἰπόντων, "καὶ μὴν ἐγώ," ἔφη, "τούτου μαθητήσ εἰμι· μὴ οὖν διαβολαῖσ ἐπαρθέντεσ ἀποκτείνητε τὸν ἄνθρωπον, ἀλλ’ ἐμοὶ πεισθέντεσ ἄφετε. " καὶ ἀφείθη· οὐκ ἐνεγκὼν δὲ τὴν ὕβριν ἑαυτὸν ἐξήγαγεν. Ιἑρώνυμοσ δ’ ἐν τῷ δευτέρῳ Τῶν σποράδην ὑπομνημάτων φησὶν ὅτι ὁ Περικλῆσ παρήγαγεν αὐτὸν ἐπὶ τὸ δικαστήριον, δι‐ ερρυηκότα καὶ λεπτὸν ὑπὸ νόσου, ὥστε ἐλέῳ μᾶλλον ἢ κρίσει ἀφεθῆναι.

καὶ τὰ μὲν περὶ τῆσ δίκησ αὐτοῦ τοσαῦτα. Ἔδοξε δέ πωσ καὶ Δημοκρίτῳ ἀπεχθῶσ ἐσχηκέναι ἀποτυχὼν τῆσ πρὸσ αὐτὸν κοινολογίασ. καὶ τέλοσ ἀποχωρήσασ εἰσ Λάμψακον αὐτόθι κατέστρεψεν. ὅτε καὶ τῶν ἀρχόντων τῆσ πόλεωσ ἀξιούντων τί βούλεται αὐτῷ γενέσθαι, φάναι, "τοὺσ παῖδασ ἐν ᾧ ἂν ἀποθάνῃ μηνὶ κατ’ ἔτοσ παίζειν συγχωρεῖν. " καὶ φυλάττεται τὸ ἔθοσ καὶ νῦν. τελευτήσαντα δὴ αὐτὸν ἔθαψαν ἐντίμωσ οἱ Λαμψακηνοὶ καὶ ἐπέγραψαν·

ἐνθάδε, πλεῖστον ἀληθείασ ἐπὶ τέρμα περήσασ οὐρανίου κόσμου, κεῖται Ἀναξαγόρασ. Ἔστι καὶ ἡμῶν εἰσ αὐτόν· ἠέλιον πυρόεντα μύδρον ποτὲ φάσκεν ὑπάρχειν, καὶ διὰ τοῦτο θανεῖν μέλλεν Ἀναξαγόρασ· ἀλλ’ ὁ φίλοσ Περικλῆσ μὲν ἐρύσατο τοῦτον, ὁ δ’ αὑτὸν ἐξάγαγεν βιότου μαλθακίῃ σοφίησ. Γεγόνασι δὲ καὶ ἄλλοι τρεῖσ Ἀναξαγόραι, ὧν [ἐν οὐδενὶ πάντα, ἀλλ’] ὁ μὲν ἦν ῥήτωρ Ἰσοκράτειοσ· ὁ δ’ ἀνδριαντοποιόσ, οὗ μέμνηται Ἀντίγονοσ· ἄλλοσ γραμματικὸσ Ζηνοδότειοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, B, Kef. g'. ANACAGORAS

(디오게네스 라에르티오스, Lives of Eminent Philosophers, B, Kef. g'. ANACAGORAS)

상위

목록

SEARCH

MENU NAVIGATION