Diogenes Laertius, Lives of Eminent Philosophers, B, Kef. b'. ANACIMENHS

(디오게네스 라에르티오스, Lives of Eminent Philosophers, B, Kef. b'. ANACIMENHS)

Ἀναξιμένησ Εὐρυστράτου Μιλήσιοσ ἤκουσεν Ἀναξιμάνδρου. ἔνιοι δὲ καὶ Παρμενίδου φασὶν ἀκοῦσαι αὐτόν. οὗτοσ ἀρχὴν ἀέρα εἶπε καὶ τὸ ἄπειρον. κινεῖσθαι δὲ τὰ ἄστρα οὐχ ὑπὸ γῆν, ἀλλὰ περὶ γῆν. κέχρηταί τε λέξει Ιἄδι ἁπλῇ καὶ ἀπερίττῳ. Καὶ γεγένηται μέν, καθά φησιν Ἀπολλόδωροσ, περὶ τὴν Σάρδεων ἅλωσιν, ἐτελεύτησε δὲ τῇ ἑξηκοστῇ τρίτῃ Ὀλυμπιάδι. Γεγόνασι δὲ καὶ ἄλλοι δύο Λαμψακηνοί, ῥήτωρ καὶ ἱστορικόσ, ὃσ ἀδελφῆσ υἱὸσ ἦν τοῦ ῥήτοροσ τοῦ τὰσ Ἀλεξάνδρου πράξεισ γεγραφότοσ. Οὗτοσ δὴ ὁ φιλόσοφοσ καὶ ἐπέστειλεν ὧδε Ἀναξιμένησ Πυθαγόρῃ "Θαλῆσ Ἐξαμύου ἐπὶ γήρωσ οὐκ εὐπότμωσ οἴχεται· εὐφρόνησ, ὥσπερ ἐώθει, ἅμα τῇ ἀμφιπόλῳ προϊὼν ἐκ τοῦ αὐλίου τὰ ἄστρα ἐθηεῖτο·

καί‐‐οὐ γὰρ ἐσ μνήμην ἔθετο‐‐θηεύμενοσ ἐσ τὸ κρημνῶδεσ ἐκβὰσ καταπίπτει. Μιλησίοισι μέν νυν ὁ αἰθερολόγοσ ἐν τοιῷδε κεῖται τέλει. ἡμέεσ δὲ οἱ λεσχηνευταὶ αὐτοί τε μεμνώμεθα τοῦ ἀνδρόσ, οἵ τε ἡμέων παῖδέσ τε καὶ λεσχηνευταί, ἐπιδεξιοίμεθα δ’ ἔτι τοῖσ ἐκείνου λόγοισ. ἀρχὴ μέντοι παντὸσ τοῦ λόγου Θαλῇ ἀνακείσθω. " Καὶ πάλιν· Ἀναξιμένησ Πυθαγόρῃ "Εὐβουλότατοσ ἦσ ἡμέων, μεταναστὰσ ἐκ Σάμου ἐσ Κρότωνα, ἐνθάδε εἰρηνέεισ. οἱ δὲ Αἰακέοσ παῖδεσ ἄλαστα κακὰ ἔρδουσι καὶ Μιλησίουσ οὐκ ἐπιλείπουσι αἰσυμνῆται.

δεινὸσ δὲ ἡμῖν καὶ ὁ Μήδων βασιλεύσ, οὐκ ἤν γε ἐθέλωμεν δασμοφορέειν· ἀλλὰ μέλλουσι δὴ ἀμφὶ τῆσ ἐλευθερίησ ἁπάντων Ιὤνεσ Μήδοισ κατίστασθαι ἐσ πόλεμον· καταστᾶσι δὲ οὐκέτι ἐλπὶσ ἡμῖν σωτηρίησ. κῶσ ἂν οὖν Ἀναξιμένησ ἐν θυμῷ ἔτι ἔχοι αἰθερολογέειν, ἐν δείματι ἐὼν ὀλέθρου ἢ δουλοσύνησ; σὺ δὲ εἶ καταθύμιοσ μὲν Κροτωνιήτῃσι, καταθύμιοσ δὲ καὶ τοῖσι ἄλλοισι Ἰταλιώτῃσι· φοιτέουσι δέ τοι λεσχηνευταὶ καὶ ἐκ Σικελίησ.

SEARCH

MENU NAVIGATION