헬라어 문장 검색 - Διοδορ́Λιβραρψ́2́30́

(디오도로스 시켈로스, Library, fragmenta libri x, chapter 34)

ἡ μὲν γὰρ τῶν Περσῶν ὑπεροχὴ πρὸσ τὸ κρατῆσαι τῆσ ἐπιθυμίασ ἔχει τὰσ δωρεάσ, ἡ δὲ τυραννικὴ πλεονεξία καὶ τὰ μικρὰ τῶν λημμάτων οὐ παρίησιν. βεβαιοτάτη γὰρ τῆσ σωτηρίασ φύλαξ ἡ ἀπιστία.

παῖδεσ μὲν οὖν ἀδικούμενοι πρὸσ πατέρασ καταφεύγουσι, πόλεισ δὲ πρὸσ τοὺσ ἀποικίσαντασ δήμουσ.

ὅτι τυράννου πλεονεξία τοῖσ μὲν ὑπάρχουσιν οὐκ ἀρκεῖται, τῶν δὲ ἀλλοτρίων ἐπιθυμεῖ, πληροῦται δὲ οὐδέποτε.

τοὺσ δὲ κατὰ τῆσ δυναστείασ αὐτοῦ πεφυκότασ ἔχων καιρὸν οὐκ ἐάσει δύναμιν λαβεῖν.

ἐκείνων γὰρ τῶν ἀνδρῶν ἐστε ἀπόγονοι οἳ τὰσ αὑτῶν ἀρετὰσ μετὰ τὸν θάνατον ἀθανάτουσ τῇ δόξῃ καταλελοίπασι.

τὸ γὰρ ἔπαθλον τῆσ συμμαχίασ οὐκ ἀργύριον αἰτεῖ, οὗ πολλάκισ ἰδεῖν ἔστι καταφρονοῦντα καὶ τὸν φαυλότατον ἰδιώτην πεπλουτηκότα, ἀλλ’ ἔπαινον καὶ δόξαν, περὶ ἧσ οἱ ἀγαθοὶ τῶν ἀνθρώπων οὐκ ὀκνοῦσιν ἀποθνήσκειν·

μισθὸσ γάρ ἐστιν ἡ δόξα μείζων ἀργυρίου. παραλαμβάνουσι γὰρ οἱ Σπαρτιᾶται παρὰ τῶν πατέρων οὐχ ὥσπερ οἱ λοιποὶ πλοῦτον, ἀλλὰ προθύμωσ τελευτᾶν περὶ τῆσ ἐλευθερίασ, ὥστε πάντα τὰ κατὰ τὸν βίον ἀγαθὰ δεύτερα τίθεσθαι τῆσ δόξησ.

μὴ τῶν ξενικῶν δυνάμεων ἐπιθυμοῦντεσ τὰσ πολιτικὰσ ἀποβάλλωμεν καὶ τῶν ἀδήλων ὀρεγόμενοι τῶν φανερῶν μὴ κυριεύωμεν.

οὔ φημι καταπεπλῆχθαι τὸ μέγεθοσ τῆσ τῶν Περσῶν στρατείασ·

ἀρετῇ γὰρ ὁ πόλεμοσ, οὐ πλήθει βραβεύεται. παρειλήφασι γὰρ ὑπὸ τῶν πατέρων ζῆν μὲν ἑαυτοῖσ, τελευτᾶν δ’ ὅταν χρεία ταῖσ πατρίσιν ἐπῇ.

τί φοβηθῶμεν τὸν χρυσὸν ᾧ κεκοσμημένοι βαδίζουσιν εἰσ τὰσ μάχασ ὡσ γυναῖκεσ εἰσ τοὺσ γάμουσ, ὥστε τὴν νίκην μὴ μόνον ἔπαθλον ἔχειν δόξαν, ἀλλὰ καὶ πλοῦτον;

οὐ φοβεῖται γὰρ ἡ ἀρετὴ χρυσόν, ὃν ὁ σίδηροσ εἰώθεν ἄγειν αἰχμάλωτον, ἀλλὰ τὴν στρατηγίαν τῶν ἡγουμένων. πᾶσα γὰρ δύναμισ ὑπεραίρουσα τὴν συμμετρίαν ὑφ’ ἑαυτῆσ βλάπτεται τὰ πλεῖστα.

πρὶν ἢ γὰρ ἀκοῦσαι τὴν φάλαγγα, φθάσομεν ἡμεῖσ πράξαντεσ ἃ βουλόμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri x, chapter 34

(디오도로스 시켈로스, Library, fragmenta libri x, chapter 34)

상위

목록

SEARCH

MENU NAVIGATION