헬라어 문장 검색 - Διοδορ́Λιβραρψ́2́16́

(디오도로스 시켈로스, Library, fragmenta libri x, chapter 18)

ὅτι Ζήνωνοσ τοῦ φιλοσόφου διὰ τὴν ἐπιβουλὴν τὴν κατὰ τοῦ Νεάρχου τοῦ τυράννου κατὰ τὰσ ἐν ταῖσ βασάνοισ ἀνάγκασ ἐρωτωμένου ὑπὸ Νεάρχου τίνεσ ἦσαν οἱ συνειδότεσ, ὤφελον γάρ, ἔφη, ὥσπερ τῆσ γλώττησ εἰμὶ κύριοσ, οὕτω καὶ τοῦ σώματοσ. ὅτι τυραννουμένησ τῆσ πατρίδοσ ὑπὸ Νεάρχου σκληρῶσ, ἐπιβουλὴν κατὰ τοῦ τυράννου συνεστήσατο.

καταφανὴσ δὲ γενόμενοσ, καὶ κατὰ τὰσ ἐν ταῖσ βασάνοισ ἀνάγκασ διερωτώμενοσ ὑπὸ τοῦ Νεάρχου τίνεσ ἦσαν οἱ συνειδότεσ, ὤφελον γάρ, ἔφησεν, ὥσπερ τῆσ γλώττησ εἰμὶ κύριοσ, οὕτωσ ὑπῆρχον καὶ τοῦ σώματοσ. τοῦ δὲ τυράννου πολὺ μᾶλλον ταῖσ βασάνοισ προσεπιτείναντοσ, ὁ Ζήνων μέχρι μέν τινοσ διεκαρτέρει·

μετὰ δὲ ταῦτα σπεύδων ἀπολυθῆναί ποτε τῆσ ἀνάγκησ καὶ ἅμα τιμωρήσασθαι τὸν Νέαρχον, ἐπενοήσατό τι τοιοῦτον. κατὰ τὴν ἐπιτονωτάτην ἐπίτασιν τῆσ βασάνου προσποιηθεὶσ ἐνδιδόναι τὴν ψυχὴν ταῖσ ἀλγηδόσιν ἀνέκραγεν, ἄνετε, ἐρῶ γὰρ πᾶσαν ἀλήθειαν.

ὡσ δ’ ἀνῆκαν, ἠξίωσεν αὐτὸν ἀκοῦσαι κατ’ ἰδίαν προσελθόντα· πολλὰ γὰρ εἶναι τῶν λέγεσθαι μελλόντων ἃ συνοίσει τηρεῖν ἐν ἀπορρήτῳ. τοῦ δὲ τυράννου προσελθόντοσ ἀσμένωσ καὶ τὴν ἀκοὴν τῷ στόματι παραβαλόντοσ, ὁ Ζήνων τοῦ δυνάστου περιχανὼν τὸ οὖσ ἐνέπρισε τοῖσ ὀδοῦσι.

τῶν δὲ ὑπηρετῶν ταχὺ προσδραμόντων, καὶ πᾶσαν τῷ βασανιζομένῳ προσφερόντων τιμωρίαν εἰσ τὸ χαλάσαι τὸ δῆγμα, πολὺ μᾶλλον προσενεφύετο. τέλοσ δ’ οὐ δυνάμενοι τἀνδρὸσ νικῆσαι τὴν εὐψυχίαν, παρεκέντησαν αὐτὸν ἵνα διίῃ τοὺσ ὀδόντασ.

καὶ τοιούτῳ τεχνήματι τῶν ἀλγηδόνων ἀπελύθη καὶ παρὰ τοῦ τυράννου τὴν ἐνδεχομένην ἔλαβε τιμωρίαν. πολλαῖσ ὕστερον γενεαῖσ Δωριεὺσ ὁ Λακεδαιμόνιοσ καταντήσασ εἰσ τὴν Σικελίαν καὶ τὴν χώραν ἀπολαβὼν ἔκτισε πόλιν Ἡράκλειαν.

ταχὺ δ’ αὐτῆσ αὐξομένησ, οἱ Καρχηδόνιοι φθονήσαντεσ ἅμα καὶ φοβηθέντεσ μήποτε πλέον ἰσχύσασα τῆσ Καρχηδόνοσ ἀφέληται τῶν Φοινίκων τὴν ἡγεμονίαν, στρατεύσαντεσ ἐπ’ αὐτὴν μεγάλαισ δυνάμεσι καὶ κατὰ κράτοσ ἑλόντεσ κατέσκαψαν. ἀλλὰ περὶ μὲν τούτων τὰ κατὰ μέροσ ἐν τοῖσ οἰκείοισ χρόνοισ ἀναγράψομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri x, chapter 18

(디오도로스 시켈로스, Library, fragmenta libri x, chapter 18)

상위

목록

SEARCH

MENU NAVIGATION