헬라어 문장 검색 - Διοδορ́Λιβραρψ́2́19́

(디오도로스 시켈로스, Library, fragmenta libri x, chapter 21)

ὅτι τῆσ Λουκρητίασ μοιχευθείσησ παρὰ Σέξτου καὶ ἑαυτὴν ἀνελούσησ διὰ τὸ ἁμάρτημα, οὐκ ἄξιον ἡγούμεθα τὸ γενναῖον τῆσ προαιρέσεωσ παραλιπεῖν ἀνεπισήμαντον. τὴν γὰρ ἐπιδοῦσαν ἑκουσίωσ τὸ ζῆν τοῖσ μεταγενεστέροισ εἰσ καλὸν ζῆλον προσηκόντωσ ἂν εὐφημίασ ἀξιοῖμεν ἀθανάτου, ὅπωσ αἱ τὴν τοῦ σώματοσ ἁγνείαν κατὰ πᾶν ἀνεπίληπτον παρέχεσθαι προαιρούμεναι πρὸσ ἐπιτετευγμένον ἀρχέτυπον παραβάλωνται. αἱ μὲν οὖν ἄλλαι γυναῖκεσ κἂν φανερῶσ τι τῶν τοιούτων πράξωσι, κατακρύπτουσι τὸ συντελεσθέν, εὐλαβούμεναι τὴν ὑπὲρ τῶν ἁμαρτημάτων τιμωρίαν·

ἡ δὲ τὸ λάθρᾳ πραχθὲν ποιήσασα περιβόητον ἀπέσφαξεν ἑαυτήν, καὶ τὴν τοῦ βίου τελευτὴν καλλίστην ὑπὲρ αὐτῆσ ἀπολογίαν ἀπέλιπε. καὶ τῶν ἄλλων ἐπὶ τῶν ἀκουσίων τὴν συγγνώμην προβαλλομένων, αὕτη τὴν μετὰ βίασ ὕβριν ἐτιμήσατο θανάτου, ἵνα μηδ’ εἴ τισ ἐπιθυμῇ βλασφημεῖν, τὴν ἐξουσίαν ἔχῃ κατηγορεῖν τῆσ προαιρέσεωσ ὡσ ἑκουσίου γεγενημένησ.

τῶν γὰρ ἀνθρώπων φύσει τὰσ λοιδορίασ ἐπαίνων προτιμώντων, τὴν τῶν φιλαιτίων ἀπέκοψε κατηγορίαν, αἰσχρὸν εἶναι νομίζουσα τῶν ἄλλων εἰπεῖν τινα διότι ζῶντοσ τοῦ κατὰ νόμουσ συμβιοῦντοσ ἀνδρὸσ ἑτέρου παρανόμωσ ἐπειράθη, καὶ καθ’ οὗ οἱ νόμοι τοῖσ πράξασι θάνατον τιθέασι τὸ πρόστιμον, τοιοῦτο παθοῦσα τὸν πλείω χρόνον φιλοψυχεῖν, ἵνα τὸν πάντωσ ὀφειλόμενον παρὰ τῆσ φύσεωσ θάνατον βραχὺ προλαβοῦσα τῆσ αἰσχύνησ ἀλλάξηται τοὺσ μεγίστουσ ἐπαίνουσ.

τοιγαροῦν οὐ μόνον θνητοῦ βίου δόξαν ἀθάνατον ἀντικατηλλάξατο διὰ τῆσ ἰδίασ ἀρετῆσ, ἀλλὰ καὶ τοὺσ συγγενεῖσ καὶ πάντασ τοὺσ πολίτασ προετρέψατο λαβεῖν ἀπαραίτητον τιμωρίαν παρὰ τῶν εἰσ αὐτὴν παρανομησάντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri x, chapter 21

(디오도로스 시켈로스, Library, fragmenta libri x, chapter 21)

상위

목록

SEARCH

MENU NAVIGATION