헬라어 문장 검색 - Διοδορ́Λιβραρψ́2́18́

(디오도로스 시켈로스, Library, fragmenta libri x, chapter 20)

ὅτι Λευκίου Ταρκυινίου τοῦ Ῥωμαίων βασιλέωσ ὁ υἱὸσ Σέξτοσ ἐξεδήμησεν εἰσ πόλιν Κολλατίαν καλουμένην, καὶ κατέλυσε πρὸσ Λεύκιον Ταρκυίνιον ἀνεψιὸν τοῦ βασιλέωσ, ἔχοντα γυναῖκα Λουκρητίαν, ἥτισ ἦν εὐπρεπὴσ μὲν τὴν ὄψιν, σώφρων δὲ τὸν τρόπον. ἐπὶ στρατοπέδου γὰρ ὄντοσ τἀνδρόσ, ὁ ξένοσ νυκτὸσ ἐγερθεὶσ ἐκ τοῦ κοιτῶνοσ ὡρ́μησεν ἐπὶ τὴν γυναῖκα κοιμωμένην ἐν τῷ θαλάμῳ. ἐπιστὰσ δὲ ταῖσ θύραισ ἄφνω καὶ σπασάμενοσ τὸ ξίφοσ, παρασκευάσασθαι μὲν ἔφησεν οἰκέτην ἐπιτήδειον εἰσ ἀναίρεσιν, συγκατασφάξειν δὲ κἀκείνην, ὡσ ἐπὶ μοιχείᾳ κατειλημμένην καὶ τετευχυῖαν τῆσ προσηκούσησ τιμωρίασ ὑπὸ τοῦ συγγενεστάτου τῷ συνοικοῦντι.

διόπερ αἱρετώτερον ὑπάρχειν ὑπουργῆσαι ταῖσ ἐπιθυμίαισ αὐτοῦ σιωπῶσαν· λήψεσθαι δὲ ἔπαθλον τῆσ χάριτοσ δωρεάσ τε μεγάλασ καὶ τὴν μετ’ αὐτοῦ συμβίωσιν καὶ γενήσεσθαι βασίλισσαν, ἰδιωτικῆσ ἑστίασ ἐξηλλαγμένην ἡγεμονίαν. ἡ δὲ Λουκρητία διὰ τὸ παράδοξον ἐκπλαγὴσ γενομένη, καὶ φοβηθεῖσα μήποτε ταῖσ ἀληθείαισ δόξῃ διὰ τὴν μοιχείαν ἀνῃρῆσθαι,τότε μὲν ἡσυχίαν ἔσχεν·

ἡμέρασ δὲ γενομένησ ὁ Σέξτοσ ἐχωρίσθη· ἡ δὲ ἐκάλεσε τοὺσ οἰκείουσ, καὶ ἠξίου μὴ περιιδεῖν ἀτιμώρητον τὸν ἀσεβήσαντα εἰσ ξενίαν ἅμα καὶ συγγένειαν. ἑαυτῇ δὲ φήσασα μὴ προσήκειν ἐφορᾶν τὸν ἥλιον τηλικαύτησ ὕβρεωσ πεπειραμένην, ξιφιδίῳ πατάξασα τὸ στῆθοσ ἑαυτῆσ ἐτελεύτησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri x, chapter 20

(디오도로스 시켈로스, Library, fragmenta libri x, chapter 20)

상위

목록

SEARCH

MENU NAVIGATION