헬라어 문장 검색 - Διοδορ́Λιβραρψ́2́17́

(디오도로스 시켈로스, Library, fragmenta libri x, chapter 19)

ὅτι τοῖσ ἐπί τινων πραγμάτων διοριζομένοισ ὡσ οὐκ ἄν ποτε πραχθησομένων ἐοίκεν ἐπακολουθεῖν ὡσανεί τισ νέμεσισ ἐλέγχουσα τὴν ἀνθρωπίνην ἀσθένειαν. ὅτι Μεγαβύζου τοῦ καὶ Ζωπύρου, φίλου ὄντοσ Δαρείου τοῦ βασιλέωσ, μαστιγώσαντοσ δ’ ἑαυτὸν καὶ τὰ περὶ τὸ πρόσωπον ἀκρωτήρια ἀποκόψαντοσ διὰ τὸ αὐτόμολον γενέσθαι καὶ Βαβυλῶνα προδοῦναι Πέρσαισ, φασὶ βαρέωσ φέρειν τὸν Δαρεῖον καὶ εἰπεῖν βούλεσθαι τὸν Μεγάβυζον, εἰ δυνατὸν ἦν, ἄρτιον γενόμενον ἢ δέκα Βαβυλῶνασ λαβεῖν ὑπὸ τὴν ἐξουσίαν, καίπερ ἀπράκτου τῆσ ἐπιθυμίασ οὔσησ.

ὅτι οἱ Βαβυλώνιοι στρατηγὸν εἵλαντο Μεγάβυζον, ἀγνοοῦντεσ ὅτι τὴν εὐεργεσίαν τῆσ μελλούσησ ἀκολουθεῖν ἀπωλείασ οἱονεὶ δέλεαρ αὐτοῖσ προθήσει.

ὅτι τὸ ἀποτέλεσμα τῶν ἐπιτευγμάτων ἱκανόν ἐστι μαρτύριον τῶν προρρηθέντων.

ὅτι τὸ Δαρεῖοσ τῆσ Ἀσίασ σχεδὸν ὅλησ κυριεύσασ τὴν Εὐρώπην ἐπεθύμει καταστρέψασθαι.

τὰσ γὰρ τοῦ πλείονοσ ἐπιθυμίασ ἀπλήστουσ ἔχων καὶ τῷ μεγέθει τῆσ Περσικῆσ δυνάμεωσ πεποιθώσ, περιελάμβανε τὴν οἰκουμένην, αἰσχρὸν εἶναι νομίζων τοὺσ πρὸ αὐτοῦ βεβασιλευκότασ καταδεεστέρασ ἀφορμὰσ κτησαμένουσ τὰ μέγιστα τῶν ἐθνῶν καταπεπολεμηκέναι, αὐτὸν δὲ τηλικαύτασ ἔχοντα δυνάμεισ ἡλίκασ οὐδεὶσ τῶν πρὸ αὐτοῦ ἔσχε μηδεμίαν ἀξιόλογον πρᾶξιν κατειργάσθαι. ὅτι οἱ Τυρρηνοὶ διὰ τὸν τῶν Περσῶν φόβον ἐκλιπόντεσ τὴν Λῆμνον ἔφασκον ὡσ διά τινασ χρησμοὺσ τοῦτο ποιεῖν, καὶ ταύτην τῷ Μιλτιάδῃ παρέδωκαν.

ταῦτα δὲ πράξαντοσ Ἕρμωνοσ τοῦ προεστηκότοσ τῶν Τυρρηνῶν, συνέβη τὰσ τοιαύτασ χάριτασ ἀπ’ ἐκείνων τῶν χρόνων Ἑρμωνείουσ προσαγορευθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri x, chapter 19

(디오도로스 시켈로스, Library, fragmenta libri x, chapter 19)

상위

목록

SEARCH

MENU NAVIGATION