헬라어 문장 검색 - Διοδορ́Λιβραρψ́2́04́

(디오도로스 시켈로스, Library, fragmenta libri x, chapter 4)

ὅτι Κλεινίασ, Ταραντῖνοσ τὸ γένοσ, εἷσ δὲ τῶν ἐκ τοῦ προειρημένου συστήματοσ ὤν, πυθόμενοσ Πρῶρον τὸν Κυρηναῖον διά τινα πολιτικὴν περίστασιν ἀπολωλεκότα τὴν οὐσίαν καὶ τελέωσ ἀπορούμενον, ἐξεδήμησεν ἐκ τῆσ Ἰταλίασ εἰσ Κυρήνην μετὰ χρημάτων ἱκανῶν, καὶ τὴν οὐσίαν ἀποκατέστησε τῷ προειρημένῳ, οὐδέποτε τοῦτον ἑωρακώσ, ἀκούων δὲ μόνον ὅτι Πυθαγόρειοσ ἦν. καὶ ἄλλοι δὲ πολλοὶ τὸ παραπλήσιον πεποιηκότεσ διαμνημονεύονται.

οὐ μόνον δὲ ἐν τῇ τῶν χρημάτων ἐπιδόσει τοιούτουσ αὑτοὺσ παρείχοντο τοῖσ γνωρίμοισ, ἀλλὰ καὶ κατὰ τοὺσ ἐπισφαλεστάτουσ καιροὺσ συνεκινδύνευον. καὶ γὰρ Διονυσίου τυραννοῦντοσ Φιντίασ τισ Πυθαγόρειοσ ἐπιβεβουλευκὼσ τῷ τυράννῳ, μέλλων δὲ τῆσ τιμωρίασ τυγχάνειν, ᾐτήσατο παρὰ τοῦ Διονυσίου χρόνον εἰσ τὸ περὶ τῶν ἰδίων πρότερον ἃ βούλεται διοικῆσαι·

δώσειν δ’ ἔφησεν ἐγγυητὴν τοῦ θανάτου τῶν φίλων ἕνα. τοῦ δὲ δυνάστου θαυμάσαντοσ, εἰ τοιοῦτόσ ἐστι φίλοσ ὃσ ἑαυτὸν εἰσ τὴν εἱρκτὴν ἀντ’ ἐκείνου παραδώσει, προσεκαλέσατό τινα τῶν γνωρίμων ὁ Φιντίασ, Δάμωνα ὄνομα, Πυθαγόρειον φιλόσοφον, ὃσ οὐδὲ διστάσασ ἔγγυοσ εὐθὺσ ἐγενήθη τοῦ θανάτου.

τινὲσ μὲν οὖν ἐπῄνουν τὴν ὑπερβολὴν τῆσ πρὸσ τοὺσ φίλουσ εὐνοίασ, τινὲσ δὲ τοῦ ἐγγύου προπέτειαν καὶ μανίαν κατεγίνωσκον.

πρὸσ δὲ τὴν τεταγμένην ὡρ́αν ἅπασ ὁ δῆμοσ συνέδραμεν, καραδοκῶν εἰ φυλάξει τὴν πίστιν ὁ καταστήσασ. ἤδη δὲ τῆσ ὡρ́ασ συγκλειούσησ πάντεσ μὲν ἀπεγίνωσκον, ὁ δὲ Φιντίασ ἀνελπίστωσ ἐπὶ τῆσ ἐσχάτησ τοῦ χρόνου ῥοπῆσ δρομαῖοσ ἦλθε, τοῦ Δάμωνοσ ἀπαγομένου πρὸσ τὴν ἀνάγκην.

θαυμαστῆσ δὲ τῆσ φιλίασ φανείσησ ἅπασιν, ἀπέλυσεν ὁ Διονύσιοσ τῆσ τιμωρίασ τὸν ἐγκαλούμενον, καὶ παρεκάλεσε τοὺσ ἄνδρασ τρίτον ἑαυτὸν εἰσ τὴν φιλίαν προσλαβέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, fragmenta libri x, chapter 4

(디오도로스 시켈로스, Library, fragmenta libri x, chapter 4)

상위

목록

SEARCH

MENU NAVIGATION