Dio, Chrysostom, Orationes, speech 60 21:

ὃσ καὶ παραχρῆμα μὲν καθυπνῶσαι αὐτὸν ἐποίησεν, εἶτα καταπλάττων καὶ καταιονῶν καὶ τἄλλα ἐπιμεληθεὶσ ὀλίγων ἡμερῶν ὑγιῆ ἀπέδειξεν. κελεύσαντοσ δὲ Δαρείου λαβεῖν ὅ,τι βούλεται, τοὺσ ἰατροὺσ παρῃτήσατο ἀφεῖναι αὐτόν. καὶ μέντοι ἀφείθησαν, ἐκείνου δεηθέντοσ. πότερον οὖν τότε ἐφθόνουν τῷ Δημοκήδει καὶ ἐχθρὸν ἡγοῦντο, ᾗ φησιν Ἡσίοδοσ ἐπὶ τῶν κεραμέων ἢ τεκτόνων, λυσιτελεῖν νομίζοντεσ αὑτοῖσ, εἰ μηδεὶσ ἄλλοσ ἰατρὸσ ἐφάνη βασιλέα ἰασάμενοσ, ἢ σφόδρα ἠγάπων καὶ χάριν ᾔδεσαν;