Dinarchus, Speeches, Κατὰ Φιλοκλέους? 15:

ἔπειθ ὑποστείλασθαί τι δεῖ πρὸς τὸν τοιοῦτον ὑμᾶς, καὶ αἰσχυνθῆναι τοὺς ἠδικημένους, ὃς οὐκ ᾐσχύνθη τοιαῦτα πράττων καθ ὑμῶν καὶ τῶν ἄλλων· οὐχ οἱ τοιοῦτοι τῶν ἀνθρώπων ἐλεοῖντ ἂν εἰκότως παρ ὑμῖν, ὦ Ἀθηναῖοι: πολλοῦ γε καὶ δεῖ: ἀλλ οἱ προδοθέντες ἂν ὑπὸ Φιλοκλέους, εἴ τιν οὗτος παρέλαβε καιρὸν χρημάτων πολλῶν: ἐν οἷς καὶ ἡ ἀκτὴ καὶ οἱ λιμένες εἰσὶ καὶ τὰ νεώρια, ἃ οἱ πρόγονοι κατασκευάσαντες ὑμῖν κατέλιπον.