헬라어 문장 검색 - Διναρξ́Σπεεξηέ3́

(디나르코스, 연설, Κατὰ Φιλοκλέους)

τί χρὴ λέγειν πρὸσ τῶν θεῶν περὶ τοιούτων ἀνθρώπων, ἢ πῶσ χρήσεσθε τῇ τούτου πονηρίᾳ; καὶ δῶρα τολμήσασ λαβεῖν κατὰ πάντων ὑμῶν καὶ τῆσ χώρασ καὶ παίδων καὶ γυναικῶν, καὶ ἐπιωρκηκὼσ ὃν ὤμοσεν ὁρ́κον μεταξὺ τοῦ ἕδουσ καὶ τῆσ τραπέζησ, καὶ γράψασ καθ’ ἑαυτοῦ ψήφισμα, καὶ θανάτου τιμησάμενοσ ἐὰν εἰλήφῃ τι τῶν χρημάτων ὧν Ἅρπαλοσ εἰσ τὴν χώραν ἐκόμισεν, ὅμωσ ἐτόλμησεν εἰσ τοὺσ εἰδότασ ὑμᾶσ ἐξεληλεγμένον ἑαυτὸν ἅπασι τούτοισ ἔνοχον γεγενημένον ἐλθεῖν καὶ δεῖξαι ἑαυτόν, οὐ τῷ δικαίῳ πιστεύων, ὦ Ἀθηναῖοι, ‐ τί γὰρ τούτῳ δικαιοσύνησ μέτεστιν;

‐ ἀλλὰ τῇ τόλμῃ καὶ τῇ ἀναιδείᾳ, ᾗ χρώμενοσ πρότερον μὲν ἠξίωσε καταφρονήσασ ὑμῶν καὶ τῶν ἐν τῇ πόλει δικαίων τὰ χρήματα λαβεῖν, νυνὶ δὲ ἀπολογησόμενοσ ἥκει ὡσ οὐδὲν τούτων διαπέπρακται·

τοσοῦτον τῆσ ὑμετέρασ ῥᾳθυμίασ καταπεφρόνηκε. καὶ ὁ μὲν κοινὸσ τῆσ πόλεωσ νόμοσ, ἐάν τισ <ἑνὸσ> ἐναντίον τῶν πολιτῶν ὁμολογήσασ τι παραβῇ τοῦτον ἔνοχον εἶναι κελεύει τῷ ἀδικεῖν·

ὁ δὲ πάντασ Ἀθηναίουσ ἐξηπατηκώσ, καὶ προδοὺσ τὴν πίστιν ἣν παρ’ ὑμῶν οὐκ ἄξιοσ ὢν ἔλαβε, καὶ τὸ καθ’ αὑτὸν μέροσ ἅπαντ’ ἀνατετροφὼσ τὰ ἐν τῇ πόλει, οὗτοσ ἐπὶ τὴν ἀπολογίαν ἥκειν φήσει τὴν ὑπὲρ τῆσ αἰτίασ τῆσ εἰσ αὑτὸν γεγενημένησ; ἐγὼ δέ, ὦ ἄνδρεσ, εἰ δεῖ τἀληθῆ λέγειν ‐ δεῖ δέ ‐ , οὐ τὰσ ἀποφάσεισ οἶμαι νῦν κρίνεσθαι, πότερον ἀληθεῖσ εἰσιν ἢ ψευδεῖσ αἱ κατὰ Φιλοκλέουσ γεγενημέναι, ἀλλὰ περὶ μόνησ τῆσ τιμωρίασ ὑμᾶσ δεῖν τῆσ ἐν τῷ ψηφίσματι γεγραμμένησ δικάσαι νῦν, πότερα δεῖ χρημάτων τιμῆσαι τῷ τηλικαῦτα ἠδικηκότι τὴν πόλιν, ἢ θανάτῳ ζημιώσαντασ, ὥσπερ οὗτοσ ἔγραψεν ἐν τῷ ψηφίσματι καθ’ αὑτοῦ, [ἢ] δημεῦσαι τὴν οὐσίαν τὴν ἐκ τοιούτων λημμάτων συνειλεγμένην.

οἰέσθε τοῦτον νῦν πρῶτον ἐπὶ τούτων τῶν χρημάτων πονηρὸν γεγενῆσθαι, ἢ νῦν πρῶτον καθ’ ὑμῶν δῶρα εἰληφέναι;

οὐκ ἔστι ταῦτα, ἀλλὰ πάλαι τοιοῦτοσ ὢν ἐλάνθανεν ὑμᾶσ, καὶ ηὐτυχήκαθ’ ὅτι οὐκ ἐν μείζοσι καιροῖσ ἐπύθεσθε τὴν αἰσχροκέρδειαν αὐτοῦ· οὐ γάρ ἐστι χαλεπώτερον ἀνθρώπου τὴν αὑτοῦ πονηρίαν ἀγνοουμένην ἔχοντοσ. οὐκ ἀποκτενεῖτε, ὦ Ἀθηναῖοι, πάντεσ ὁμοθυμαδὸν τὸν εἰσ τοσαύτην αἰσχύνην καὶ ἀδικίαν πολλοὺσ τῶν πολιτῶν ἐμβεβληκότα, τὸν ἀρχηγὸν γενόμενον τοῦ διαδεδομένου χρυσίου καὶ εἰσ αἰτίαν καθιστάντα πᾶσαν τὴν πόλιν;

ἀλλ’ ὑπομενεῖτ’ ἀκούειν τοῦ τοσαῦτα διαπεπραγμένου καθ’ ὑμῶν, ὡσ [ὅτι] τὸ συνέδριον τὸ ἐν Ἀρείῳ πάγῳ ψευδεῖσ πεποίηται τὰσ ἀποφάσεισ, καὶ ὡσ αὐτὸσ μὲν δίκαιοσ καὶ χρηστὸσ καὶ ἀδωροδόκητόσ ἐστιν, ἡ δ’ ἐξ Ἀρείου πάγου βουλὴ ταῦτα πάντα προεῖται χάριτοσ ἢ λημμάτων ἕνεκα; ἆρ’ ἴσθ’ ὅτι ἐπὶ μὲν τῶν ἄλλων ἀδικημάτων σκεψαμένουσ ἀκριβῶσ δεῖ μεθ’ ἡσυχίασ καὶ τἀληθὲσ ἐξετάσαντασ, οὕτωσ ἐπιτιθέναι τοῖσ ἠδικηκόσι τὴν τιμωρίαν, ἐπὶ δὲ ταῖσ φανεραῖσ καὶ παρὰ πάντων ὡμολογημέναισ προδοσίαισ πρώτην τετάχθαι τὴν ὀργὴν καὶ τὴν μετ’ αὐτῆσ γιγνομένην τιμωρίαν;

τί γὰρ τοῦτον οὐκ ἂν οἰέσθε ἀποδόσθαι τῶν ἐν τῇ πόλει σπουδαιοτάτων, ὅταν ὑμεῖσ ὡσ πιστὸν αὐτὸν καὶ δίκαιον φύλακα καταστήσητε;

ποίασ οὐκ ἂν προδοῦναι τριήρεισ τῶν ἐν τοῖσ νεωρίοισ; ἢ τίνοσ ἂν φροντίσαι φυλακῆσ, λήσειν ἐλπίσαντα καὶ λήψεσθαι διπλάσιον οὗ νῦν εἴληφε χρυσίου; οὐδὲν ὅ τι οὐκ ἂν ὁ τοιοῦτοσ, ὦ ἄνδρεσ, ποιήσειεν. ὅστισ γὰρ ἀργύριον καὶ χρυσίον περὶ πλείονοσ τῆσ πρὸσ ὑμᾶσ πίστεωσ ἡγεῖται καὶ μήθ’ ὁρ́κου μήτ’ αἰσχύνησ μήτε δικαίου πλείω λόγον ἢ τοῦ λαμβάνειν ποιεῖται, οὗτοσ ἀποδώσεται τὸ καθ’ αὑτὸν τὴν Μουνιχίαν, ἂν ἔχῃ τὸν ὠνησόμενον, οὗτοσ ἐξαγγελεῖ τοῖσ πολεμίοισ σύνθημα φήνασ καθ’ ὑμῶν, οὗτοσ προδώσει τὴν πεζὴν καὶ ναυτικὴν δύναμιν.

μὴ οὖν, ὦ Ἀθηναῖοι, τὴν τίμησιν ὑπὲρ τῶν γεγενημένων μόνον ὑπὸ Φιλοκλέουσ ἀδικημάτων ἡγεῖσθε μέλλειν ποιεῖσθαι, ἀλλὰ καὶ ὑπὲρ τῶν ἄλλων ὧν ἂν ἔπραξεν οὗτοσ κύριοσ γενόμενοσ.

καὶ τοῖσ μὲν θεοῖσ ἔχετε χάριν ὑπὲρ τοῦ μὴ παθεῖν τι μεῖζον ὑπὸ τούτου δεινόν, ἐγνωκότεσ τοῦτον οἱο͂́σ ἐστιν· ἀξίωσ δ’ ὑμῶν αὐτῶν καὶ τῆσ τοῦ κρινομένου πονηρίασ κολάσατε αὐτόν· ὅσ, ὦ Ἀθηναῖοι, τρὶσ μὲν ἢ τετράκισ ἱππαρχηκὼσ ἀνδρῶν καλῶν κἀγαθῶν, πλεονάκισ δ’ ἢ δεκάκισ στρατηγὸσ ὑφ’ ὑμῶν κεχειροτονημένοσ οὐκ ἄξιοσ ὤν, τιμώμενοσ καὶ ζηλούμενοσ διὰ τὴν πρὸσ ὑμᾶσ πίστιν ἀπέδοτο καὶ προέδωκε τὸ τῆσ ἡμετέρασ ἡγεμονίασ ἀξίωμα, καὶ εἰσ τὸ αὐτὸ κατέστησεν ἑαυτὸν Ἀριστογείτονι, καὶ μισθωτὸν καὶ προδότην ἀντὶ στρατηγοῦ ἐποίησεν.

ἔπειθ’ ὑποστείλασθαί τι δεῖ πρὸσ τὸν τοιοῦτον ὑμᾶσ, καὶ αἰσχυνθῆναι τοὺσ ἠδικημένουσ, ὃσ οὐκ ᾐσχύνθη τοιαῦτα πράττων καθ’ ὑμῶν καὶ τῶν ἄλλων;

οὐχ οἱ τοιοῦτοι τῶν ἀνθρώπων ἐλεοῖντ’ ἂν εἰκότωσ παρ’ ὑμῖν, ὦ Ἀθηναῖοι· πολλοῦ γε καὶ δεῖ· ἀλλ’ οἱ προδοθέντεσ ἂν ὑπὸ Φιλοκλέουσ, εἴ τιν’ οὗτοσ παρέλαβε καιρὸν χρημάτων πολλῶν· ἐν οἷσ καὶ ἡ ἀκτὴ καὶ οἱ λιμένεσ εἰσὶ καὶ τὰ νεώρια, ἃ οἱ πρόγονοι κατασκευάσαντεσ ὑμῖν κατέλιπον. ὧν ἀναμιμνησκομένουσ ὑμᾶσ, ὦ Ἀθηναῖοι, δεῖ μὴ παρέργωσ ἔχειν πρὸσ τὰσ ὑπὸ τῆσ βουλῆσ γεγενημένασ ἀποφάσεισ, ἀλλ’ ἀκολούθωσ ταῖσ πρότερον κεκριμέναισ·

αἰσχρὸν γὰρ ἀπειπεῖν τιμωρουμένουσ ἐστὶ τοὺσ προδότασ τῆσ πόλεωσ γεγενημένουσ, καὶ ὑπολείπεσθαί τινασ τῶν ἀδίκων καὶ πονηρῶν ἀνθρώπων, ὅτε οἱ θεοὶ φανεροὺσ ὑμῖν ποιήσαντεσ παρέδοσαν τιμωρήσασθαι, ἑορακότεσ τὸν δῆμον ἅπαντα κατήγορον τούτου γεγενημένον καὶ προκεχειρικότα πρῶτον τῶν ἄλλων ἐπὶ τὸ τὴν τιμωρίαν ἐν ὑμῖν δοῦναι. ἀλλ’ ἔγωγε, νὴ τὸν Δία τὸν σωτῆρα, αἰσχύνομαι, εἰ προτραπέντασ ὑμᾶσ δεῖ καὶ παροξυνθέντασ ὑφ’ ἡμῶν ἐπὶ τὴν τοῦ νῦν εἰσεληλυθότοσ τὴν κρίσιν τιμωρίαν ἐλθεῖν.

[καὶ] οὐκ αὐτόπται ἐστὲ τῶν ὑπὸ τούτου γεγενημένων ἀδικημάτων; ὑμεῖσ δ’ οἱ τῆσ δημοκρατίασ καὶ τῶν νόμων φύλακεσ, οἷσ ἡ τύχη καὶ ὁ κλῆροσ ὑπὲρ τοῦ δήμου δικάσοντασ ἐπέτρεψεν, φείσεσθε τοῦ τοιαῦτα διαπεπραγμένου, καὶ τὸ πέρασ ἔχοντεσ τῶν ἐν τῇ πόλει ἁπάντων δικαίων ἀτιμώρητον ἀφήσετε τὸν δωροδόκον καὶ πάντων τῶν γεγενημένων κακῶν αἴτιον, ὅσ, ὅπερ καὶ μικρῷ πρότερον εἶπον, μόνοσ τῶν πονηρῶν πάντων τρὶσ οὐχ ἅπαξ ἀποπέφανται, καὶ τρὶσ ἤδη δικαίωσ [ἂν] ἐζημιωμένοσ θανάτῳ κατὰ τὸ αὑτοῦ ψήφισμα.

τί οὖν ἀναμενεῖτ’, ὦ Ἀθηναῖοι;

καὶ ποῖα ἀδικήματα ζητεῖτε ἕτερα μείζω τῶν εἰρημένων ἀκοῦσαι; οὐχ ὑμεῖσ ἐστε καὶ οἱ ὑμέτεροι πρόγονοι οἱ Τιμοθέῳ Πελοπόννησον περιπλεύσαντι καὶ τὴν ἐν Κερκύρᾳ ναυμαχίαν Λακεδαιμονίουσ νικήσαντι καὶ Κόνωνοσ υἱεῖ τοῦ τοὺσ Ἕλληνασ ἐλευθερώσαντοσ καὶ Σάμον λαβόντι καὶ Μεθώνην καὶ Πύδναν καὶ Ποτείδαιαν, καὶ πρὸσ ταύταισ ἑτέρασ εἴκοσι πόλεισ, οὐδὲν τούτων ὑπόλογον ποιησάμενοι; οὐδὲ τῆσ τότε ἐνεστώσησ κρίσεωσ καὶ τῶν ὁρ́κων οὓσ ὀμωμοκότεσ φέρετε τὴν ψῆφον ἀντικαταλλαξάμενοι τὰσ τηλικαύτασ εὐεργεσίασ, ἀλλ’ ἑκατὸν ταλάντων τιμήσαντεσ, ὅτι χρήματ’ αὐτὸν Ἀριστοφῶν ἔφη παρὰ Χίων εἰληφέναι καὶ Ῥοδίων; ὃν οὐχ εἷσ ἀνὴρ ἀλλὰ πᾶσα ἡ ἐξ Ἀρείου πάγου βουλὴ ζητήσασα ἀποπέφαγκε χρήματ’ ἔχειν καθ’ ὑμῶν, ὃσ οὐσίαν ἔχων πολλὴν καὶ παίδων ἀρρένων οὐκ ὄντων αὐτῷ, καὶ οὐδενὸσ ἄλλου δεόμενοσ ὧν <ἂν> ἄνθρωποσ μέτριοσ δεηθείη, οὐκ ἀπέσχετο χρημάτων διδομένων κατὰ τῆσ πατρίδοσ, οὐδ’ ἀπεκρύψατο τὴν ἔμφυτον πονηρίαν, ἀλλ’ ἀνεῖλε πᾶσαν τὴν γεγενημένην αὑτῷ πρὸσ ὑμᾶσ πίστιν, καὶ οἷσ πρότερον ἔφη διαφέρεσθαι, πρὸσ τούτουσ ἔταξεν αὑτόν, καὶ ἐξήλεγξεν αὑτοῦ τὴν προσποίητον καλοκαγαθίαν, ὅτι ψευδὴσ ἦν.

ἃ χρὴ λογισαμένουσ ὑμᾶσ πάντασ, ὦ Ἀθηναῖοι, καὶ τῶν παρόντων καιρῶν ἀναμνησθέντασ, οἳ πίστεωσ οὐ δωροδοκίασ δέονται, μισεῖν τοὺσ πονηρούσ, ἀνελεῖν ἐκ τῆσ πόλεωσ τὰ τοιαῦτα θηρία, καὶ δεῖξαι πᾶσιν ἀνθρώποισ ὅτι οὐ συνδιέφθαρται τὸ τοῦ δήμου πλῆθοσ τῶν ῥητόρων καὶ τῶν στρατηγῶν τισιν, οὐδὲ δουλεύει ταῖσ δόξαισ, εἰδότασ ὅτι μετὰ μὲν δικαιοσύνησ καὶ τῆσ πρὸσ ἀλλήλουσ ὁμονοίασ ῥᾳδίωσ ἀμυνούμεθα, θεῶν ἵλεων ὄντων, ἐάν τινεσ ἡμῖν ἀδίκωσ ἐπιτιθῶνται, μετὰ δὲ δωροδοκίασ καὶ προδοσίασ καὶ τῶν ὁμοίων τούτοισ κακῶν, ἃ τοῖσ τοιούτοισ ἀνθρώποισ πρόσεστιν, οὐδεμί’ ἂν πόλισ σωθείη.

μηδεμίαν οὖν δέησιν, ὦ Ἀθηναῖοι, μηδ’ ἔλεον εἰσ ὑμᾶσ λαμβάνοντεσ αὐτούσ, μηδὲ τὴν ἐξ αὐτῶν τῶν ἔργων καὶ τῆσ ἀληθείασ ἀποδεδειγμένην ὑμῖν κατὰ τῶν κρινομένων ἀδικίανἄκυρον ποιήσαντεσ, βοηθήσατε κοινῇ τῇ πατρίδι καὶ τοῖσ νόμοισ·

ταῦτα γὰρ ἀμφότερα διαδικάζεται νῦν πρὸσ τὴν τούτου πονηρίαν. ὑπὲρ πάσησ, ὦ Ἀθηναῖοι, τῆσ χώρασ νῦν μέλλετε φέρειν τὴν ψῆφον, καὶ τῶν ἐν ταύτῃ κατεσκευασμένων ἱερῶν καὶ τῶν ἀρχαίων νομίμων καὶ τῆσ παραδεδομένησ ὑπὸ τῶν προγόνων ὑμῖν πολιτείασ, οὐχ ὑπὲρ Φιλοκλέουσ μόνον·

οὗτοσ μὲν γὰρ αὑτοῦ πάλαι θάνατον κατέγνωκε. ταῦθ’ ὑμᾶσ ἱκετεύων ἐγὼ δικαιοτέραν πολὺ δέησιν δέομαι τούτων τῶν τοιαῦτα πεπραχότων, μὴ ἐγκαταλιπεῖν ὑπὲρ ὧν οἱ πρόγονοι πολλοὺσ ὑπέμειναν κινδύνουσ, μηδ’ εἰσ ἀδοξίαν αἰσχρὰν ἀγαγεῖν τὸ τῆσ πόλεωσ ἀξίωμα, μηδὲ ἀντικαταλλάξασθαι τὴν πρὸσ τούτουσ χάριν τῶν νόμων καὶ τῶν τοῦ δήμου <ψηφισμάτων> καὶ τῶν τῆσ βουλῆσ ἀποφάσεων. ἀκριβῶσ γὰρ ἴστε, ὦ Ἀθηναῖοι, ἀκριβῶσ, ὅτι ὑμεῖσ μὲν παρὰ πᾶσιν ἀνθρώποισ ἐπαινεῖσθε ταῖσ γεγενημέναισ ζητήσεσιν ὑπὲρ τούτων τῶν χρημάτων, οἱ δ’ ἐξεληλεγμένοι κατὰ τῆσ ἑαυτῶν πατρίδοσ δῶρα εἰληφότεσ πονηροὶ καὶ ἄδικοι καὶ μισόδημοι νομίζονται εἶναι, φιλεῖν ὑμᾶσ φάσκοντεσ καὶ πράττειν ὑπὲρ τῶν τῆσ πόλεωσ ἀγαθῶν, καὶ δι’ ὑμᾶσ ἔνδοξοι γεγενημένοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dinarchus, Speeches, Κατὰ Φιλοκλέους

(디나르코스, 연설, Κατὰ Φιλοκλέους)

상위

목록

SEARCH

MENU NAVIGATION