Dinarchus, Speeches, Κατὰ Δημοσθένους 69:

τούτουσ ὑμεῖσ κρίναντεσ ἀφήκατε, οὐ τῆσ ἐξ Ἀρείου πάγου βουλῆσ καταγιγνώσκοντεσ ψεύδεσθαι, ἀλλὰ τῇ συγγνώμῃ μᾶλλον ἢ τῷ δικαίῳ προσθέμενοι, καὶ τὴν τιμωρίαν μείζω νομίζοντεσ εἶναι τῆσ ὑπὸ τῶν κρινομένων γεγενημένησ ἁμαρτίασ. ἦ που ἄρα ἡ βουλή, Δημόσθενεσ, τὰ ψευδῆ ἀπέφηνεν; οὐ δήπου. τούτουσ μέντοι, ὦ ἄνδρεσ, καὶ τοιούτουσ ἑτέρουσ ἀδικεῖν παρ’ ἑαυτοῖσ ἀποφηνάσησ τῆσ βουλῆσ ὑμεῖσ ἀφήκατε.