헬라어 문장 검색 - Βαξξηψ́ΟδεσΓρέ1́09́

(바킬리데스, Οδεσ ̔Γρεεκ̓, epinicians, ode 9 Αὐτομήδει Φλειάσιῳ Πεντάθλῳ Νέμεα)

δόξαν, ὦ χρυσαλάκατοι Χάριτεσ, πεισίμβροτον δοίητ’, ἐπεὶ Μουσᾶν γε ϝιοβλεφάρων θεῖοσ προφάτασ εὔτυκοσ Φλειοῦντά τε καὶ Νεμεαίου Ζηνὸσ εὐθαλὲσ πέδον ὑμνεῖν, ὅθι μηλοδαί̈κταν θρέψεν ἁ λευκώλενοσ Ἥρα περικλειτῶν ἀέθλων πρῶτον Ἡρακλεῖ βαρύφθογγον λέοντα. κεῖ[θι φοι]νικάσπιδεσ ἡμίθεοι πρώτιστον Ἀργείων κριτοὶ ἄθλησαν ἐπ’ Ἀρχεμόρῳ, τὸν ξανθοδερκὴσ πέφν’ ἀωτεύοντα δράκων ὑπέροπλοσ, σᾶμα μέλλοντοσ φόνου.

ὦ μοῖρα πολυκρατέσ· οὔ νιν πεῖθ’ Οἰ̈κλείδασ πάλιν στείχειν ἐσ εὐάνδρουσ ἀγυιάσ. ἐλπὶσ ἀνθρώπων ὑφαιρ[εῖται νόημ]α ἃ καὶ τότ’ Ἄδραστον Ταλ[αϊονίδαν πέμπεν ἐσ Θήβασ Πολυνείκεϊ πλα[γκτῷ] πρόξεν[ον. κείνων ἀπ’ εὐδόξων ἀγώνων ἐν Νεμέᾳ κλεινοὶ βροτῶν οἳ τριέτει στεφάνῳ ξανθὰν ἐρέψωνται κόμαν.

Αὐτομήδει νῦν γε νικά‐ σαντί νιν δαίμων ἔδωκεν. πενταέθλοισιν γὰρ ἐνέπρεπεν ὡσ ἄστρων διακρίνει φάη νυκτὸσ διχομήνιδοσ εὐφεγγὴσ σελάνα·

τοῖοσ Ἑλλάνων δι’ ἀπείρονα κύκλον φαῖνε θαυμαστὸν δέμασ, δισκὸν τροχοειδέα ῥίπτων, καὶ μελαμφύλλου κλάδον ἀκτέασ ἐσ αἰπεινὰν προπέμπων αἰθέρ’ ἐκ χειρὸσ βοὰν ὤτρυνε λαῶν, ἢ τελευταίασ ἀμάρυγμα πάλασ· τοιῷ[δ’ ὑπερθύ]μῳ σ[θένε]ι γυια[λκέα σώ]ματα [πρὸσ γ]αίᾳ πελάσσασ ἵκετ’ [Ἀσωπὸ]ν παρὰ πορφυροδίναν, τοῦ κ[λέοσ π]ᾶσαν χθόνα ἦλθε[ν καὶ] ἐπ’ ἔσχατα Νείλου·

ταί τ’ ἐπ’ ε[ὐν]αεῖ πόρῳ οἰκεῦσι Θερμώδοντοσ, ἐγχέων ἵστορεσ κοῦραι διωξίπποι’ Ἄρηοσ, σῶν, ὦ πολυζήλωτε ϝάναξ ποταμῶν, ἐγγόνων γεύσαντο, καὶ ὑψιπύλου Τροίασ ἕδοσ. στείχει δι’ εὐρείασ κελεύθου μυρία παντᾷ φάτισ σᾶσ γενεᾶσ λιπαρο‐ ζώνων θυγάτρων, ἃσ θεοὶ σὺν τύχαισ ᾤκισσαν ἀρχα‐ γοὺσ ἀπορθήτων ἀγυιᾶν.

τίσ γὰρ οὐκ οἶδεν κυανοπλοκάμου Θήβασ ἐύ̈δμ[ατον πόλι]ν, ἢ τὰν μεγαλώνυ]μον Αἴγιναν, μεγίστου Ζηνὸσ ἃ πλαθεῖσα λέ]χει τέκεν ἡρ́ω δ̣

ε̣ σ̣ ω̣ ου· ὃσ γ]ᾶσ βασά[νοισιν Ἀχ]αιῶν α[ ε]ὔπ[ε]πλον [ ἠ[δὲ Πειράν]αν ἑλικοστέφα[νον κ[ούραν, ὅ]σαι τ’ ἄλλαι θεῶν ε̣ [ὐναῖσ ἐδ]άμησαν ἀριγνώτοισ π[α]λαι[οῦ παῖδεσ αἰ]δ̣

οῖαι ποταμοῦ κελάδοντοσ· ]αν πόλιν ]σί τε νίκα[σ αὐ]λῶν βοαὶ σύμφωνα πνείο]υσαι· με[γίστου ]α̣ ν· ]νέοσ χρ]υσέα[ν προσ]θέντα ϝιόπλοκον εὖ εἰπεῖν [κόραν, καὶ μ]ατ[έρ’ ἀγ]νάμπτων ἐρώτων κλε]ινὰν βροτο[ῖσ ]λέων νασι]ώταν ]ν ὕμνον, ] καὶ ἀποφθιμένῳ τὸν πάντ’ ἐσ ἄτ]ρυτον χρόνον, καὶ τοῖσ ἐπιγ]ιγνομένοισ αἰεὶ πιφαύσκοι σὰν Νε]μέᾳ νίκαν·

τό [γέ] τοι καλὸν ἔργον γνησίων ὕμνων τυχὸν ὑψοῦ παρὰ δαίμοσι κεῖται·

σὺν δ’ ἀλαθείᾳ βροτῶν κάλλιστον, εἴπ[ερ καὶ θάνῃ τισ, λείπεται Μουσᾶν [ ἄθυ]ρμα. εἰσὶ δ’ ἀνθρ[ώπων πολλαί·

διακρίνει δὲ θεῶν βουλὰ [τὸ καλυπτό]μενον νυκτὸσ [δνόφοισιν· ! ]! ! ! []γε καὶ τὸν ἀρείω ]που. ]εύσων π]αύροισ ἀν]δρ[άσιν ]ι̣ τὸ μέλλον· !

! ]ι̣ μιω̣ [ ἔδ]ωκε χάριν κ]αὶ Διων[ύσου Κρονίδασ] θεοτίματον πόλιν ναίειν ἀπο[ρθήτουσ θαλ]εῦντασ· χρυσεοσκάπτρ[ου Διὸσ ὅσ] τι καλὸν φέ[ρεται, πᾶσ αἰ]νέοι· Τιμοξ[ένου πα]ιδὶ σὺν κώ[μοισ ἁμαρ‐ τ[έ]ο]ιτε πεντ[άθλου ϝέκατι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Bacchylides, Οδεσ ̔Γρεεκ̓, epinicians, ode 9 Αὐτομήδει Φλειάσιῳ Πεντάθλῳ Νέμεα

(바킬리데스, Οδεσ ̔Γρεεκ̓, epinicians, ode 9 Αὐτομήδει Φλειάσιῳ Πεντάθλῳ Νέμεα)

상위

목록

SEARCH

MENU NAVIGATION