Athenaeus, The Deipnosophists, Book 7, book 7, chapter 133

(아테나이오스, The Deipnosophists, Book 7, book 7, chapter 133)

φάγροσ . Σπεύσιπποσ ἐν δευτέρῳ Ὁμοίων παραπλήσιά φησιν εἶναι φάγρον, ἐρυθρῖνον, ἥπατον. ἐμνημόνευσε δ’ αὐτοῦ καὶ Νουμήνιοσ ἐν τοῖσ προκειμένοισ. Ἀριστοτέλησ δὲ σαρκοφάγον φησὶν αὐτῶν εἶναι καὶ μονήρη καρδίαν τε ἔχειν τρίγωνον ἀκμάζειν τε ἐάροσ. Ἐπίχαρμοσ δ’ ἐν Ἥβασ γάμῳ φησὶν ἀόνεσ φάγροι τε καὶ λάβρακεσ. μνημονεύει δ’ αὐτῶν καὶ Μεταγένησ ἐν Θουριοπέρσαισ. Ἀμειψίασ δ’ ἐν Κόννῳ· ὀρφῷσι σελαχίοισ τε καὶ φάγροισ βοράν. Ἱκέσιοσ δέ φησι· "φάγροι καὶ χρόμισ καὶ ἀνθίασ καὶ ἀκαρνᾶνεσ καὶ ὀρφοὶ καὶ συνόδοντεσ καὶ συναγρίδεσ τῷ μὲν γένει παραπλήσιοι ὑπάρχουσιν γλυκεῖσ τε γὰρ καὶ παραστύφοντεσ καὶ τρόφιμοι· "κατὰ λόγον δὲ καὶ δυσέκκριτοι. "τροφιμώτεροι δ’ αὐτῶν οἱ σαρκώδεισ καὶ γεωδέστεροι ἐλάττονά τε πιμελὴν ἔχοντεσ. δεῖν τὸν φάγρον ἐσθίειν Δήλῳ τ’ Εἰρετρίᾳ τε κατ’ εὐλιμένουσ ἁλὸσ οἴκουσ. τὴν κεφαλὴν δ’ αὐτοῦ μόνον ὠνοῦ καὶ μετ’ ἐκείνησ οὐραῖον τὰ δὲ λοιπὰ δόμον, φίλε, μηδ’ ἐσενέγκῃσ.

μνημονεύει τοῦ φάγρου καὶ Στράττισ ἐν Λημνομέδᾳ· πολλοὺσ ἥδη μεγάλουσ τε φάγρουσ ἐγκάψασ. καὶ ἐν Φιλοκτήτῃ· κᾆτ’ εἰσ ἀγορὰν ἐλθόντεσ ἁδροὺσ ὀψωνοῦσιν μεγάλουσ τε φάγρουσ καὶ Κωπᾴδων ἁπαλῶν τεμάχη στρογγυλοπλεύρων. ἐστὶ δὲ καὶ γένοσ λίθου φάγροσ. Κρῆτασ φάγροσ, ὥσ φησι Σιμίασ.

상위

The Deipnosophists, Book 7

목록

SEARCH

MENU NAVIGATION