Athenaeus, The Deipnosophists, Book 7, book 7, chapter 124

(아테나이오스, The Deipnosophists, Book 7, book 7, chapter 124)

Ἐπίχαρμοσ δ’ ἐν Ἥβασ γάμῳ φησί· πώλυποι τε σηπίαι τε καὶ ποταναὶ τευθίδεσ. τοῦτο δὲ σημειωτέον πρὸσ Σπεύσιππον λέγοντα εἶναι ὅμοια σηπίαν τευθίδα. οἱ ἐξηγησάμενοι ἀπέδωκαν τὸ τῆσ σηπίασ μέλαν. ἐστὶ δὲ τὸ ὑπόσφαγμα, ὡσ Ἐρασίστρατόσ φησιν ἐν Ὀψαρτυτικῷ, ὑπότριμμα. γράφει δὲ οὕτωσ· "ὑπόσφαγμα δ’ εἶναι κρέασιν ὀπτοῖσ ἐκ τοῦ αἵματοσ τεταραγμένου μέλιτι, τυρῷ, ἁλί, κυμίνῳ, σιλφίῳ, ὄξει ἑφθὸν. καὶ Γλαῦκοσ δ’ ὁ Λοκρὸσ ἐν Ὀψαρτυτικῷ οὕτωσ γράφει· "ὑπόσφαγμα δ’ αἷμα ἑφθὸν καὶ σίλφιον καὶ ἕψημα ἢ μέλι καὶ ὄξοσ καὶ γάλα καὶ τυρὸσ καὶ φύλλα εὐώδη τετμημένα" ὁ δὲ πολυμαθέστατοσ Ἀρχέστρατόσ φησιν σηπίαι Ἀβδήροισ τε Μαρωνείᾳ τ’ ἐνὶ μέσσῃ. Ἀριστοφάνησ Θεσμοφοριαζούσαισ· ἰχθὺσ ἐώνηταί τισ ἢ σηπίδιον;

καὶ ἐν Δαναίσιν ὀσμύλια καὶ μαινίδια καὶ σηπίδια. Θεόπομποσ Ἀφροδίτῃ· ἀλλ’ ἔντραγε τὴν σηπίαν τηνδὶ λαβοῦσα καὶ τοδὶ τὸ πουλυπόδειον. περὶ δὲ ἑψήσεωσ σηπιδίων Ἄλεξισ ἐν Πονήρᾳ παράγει μάγειρον τάδε λέγοντα· σηπίασ τόσασ δραχμῆσ μιᾶσ τρίσ τῶν δὲ τὰσ μὲν πλεκτάνασ καὶ τὰ πτερύγια συντεμὼν ἑφθὰσ ποῶ.

τὸ δ’ ἄλλο σῶμα κατατεμὼν πολλοὺσ κύβουσ σμήσασ τε λεπτοῖσ ἁλσὶ δειπνούντων ἅμα ἐπὶ τὸ τάγηνον σίζον ἐπεισιὼν φέρω.

상위

The Deipnosophists, Book 7

목록

SEARCH

MENU NAVIGATION