헬라어 텍스트

Athenaeus, The Deipnosophists, Book 7, book 7, chapter 123

(아테나이오스, The Deipnosophists, Book 7, book 7, chapter 123)

σηπία. Ἀριστοφάνησ Δαναίσι· καὶ ταῦτ’ ἔχοντα σηπίασ καὶ πουλύπουσ. ὡσ αἰτίασ ἡ παραλήγουσα παροξύνεται, ὡσ Φιλήμων ἱστορεῖ , ὁμοίωσ καὶ ταῦτα· τηλία, ταινία, οἰκία, τὴν σηπίαν δὲ Ἀριστοτέλησ πόδασ ἔχειν ὀκτώ, ὧν τοὺσ ὑποκάτω δύο μεγίστουσ, προβοσκίδασ δύο καὶ μεταξὺ αὐτῶν τοὺσ ὀφθαλμοὺσ καὶ τὸ στόμα, ἔχει δὲ καὶ ὀδόντασ δύο τὸν μὲν ἄνω, τὸν δὲ κάτω καὶ τὸ λεγόμενον ὄστρακον ἐν τῷ νώτῳ. ἐν δὲ τῇ μύτιδι ὁ θολόσ ἐστιν αὕτη δὲ κεῖται παρ’ αὐτὸ τὸ στόμα κύστεωσ τρόπον ἐπέχουσα. ἐστὶ δ’ ἡ κοιλία πλακώδησ καὶ λεία, ὁμοία τοῖσ τῶν βοῶν ἠνύστροισ. τρέφονται δ’ αἱ μικραὶ σηπίαι τοῖσ λεπτοῖσ ἰχθυδίοισ, ἀποτείνουσαι τὰσ προβοσκίδασ ὥσπερ ὁρμιὰσ καὶ ταύταισ θηρεύουσαι. λέγεται δ’ ὡσ ὅταν ὁ χειμὼν γένηται τῶν πετριδίων ὥσπερ ἀγκύραισ ταῖσ προβοσκίσι λαμβανόμεναι ὁρμοῦσι. διωκομένη τε ἡ σηπία τὸν θολὸν ἀφίησι καὶ ἐν αὐτῷ κρύπτεται ἐμφήνασα φεύγειν εἰσ τοὔμπροσθεν. λέγεται δὲ ὡσ καὶ θηρευθείσησ τῆσ θηλείασ τριόδοντι οἱ ἄρρενεσ ἐπαρήγουσιν ἀνθέλκοντεσ αὐτὴν ἂν δ’ οἱ ἄρρενεσ ἁλῶσιν, αἱ θήλειαι φεύγουσιν.

οὐ διετίζει δ’ ἡ σηπία, καθάπερ οὐδ’ ὁ πολύπουσ. "αἱ σηπίαι, φησί, καὶ αἱ τευθίδεσ νέουσιν ἅμα καὶ συμπεπλεγμέναι, τὰ στόματα καὶ τὰσ πλεκτάνασ ἐφαρμόττουσαι καταντικρὺ ἀλλήλαισ· "ἐφαρμόττουσιν δὲ καὶ τὸν μυκτῆρα εἰσ τὸν μυκτῆρα. "τῶν τε μαλακίων τίκτουσιν πρῶται τοῦ ἐάροσ αἱ σηπίαι καὶ τίκτουσι πᾶσαν ὡρ́αν καὶ κυίσκονται πεντεκαίδεκα ἡμέραισ. ὅταν δέ τέκωσι τὰ ᾠά, ὁ ἄρρην παρακολουθῶν καταφυσᾷ καὶ στιφρᾷ.

βαδίζουσι δὲ κατὰ ζυγά. καί ἐστιν ὁ ἄρρην τῆσ θηλείασ ποικιλώτερόσ τε καὶ μελάντεροσ τὸν νῶτον.