Athenaeus, The Deipnosophists, Book 7, book 7, chapter 104

(아테나이오스, The Deipnosophists, Book 7, book 7, chapter 104)

λέγεται δ’ αὐτῶν τὸν ἄρρενα ἕλκειν αἰδοιῶδέσ τι ἐν μιᾷ τῶν πλεκτανῶν ἐν ᾗ αἱ δύο μεγάλαι κοτυληδόνεσ εἰσίν. εἶναι δὲ τοῦτο νευρῶδεσ μέχρι εἰσ μέσην τὴν πλεκτάνην ἅπαν προσπεφυκόσ. ἐν δὲ πέμπτῳ μορίων φησὶν Ἀριστοτέλησ· "πουλύπουσ ὀχεύει τοῦ χειμῶνοσ καὶ τίκτει τῷ ἐάρι. "φωλεύει δὲ περὶ δύο μῆνασ, ἐστὶ δὲ πολύγονον τὸ ζῷον. "διαφέρει δὲ ὁ ἄρρην τῆσ θηλείασ τῷ τε τὴν κεφαλὴν ἔχειν προμηκεστέραν καὶ τὸ καλούμενον ὑπὸ τῶν ἁλιέων αἰδοῖον ἔχειν ἐν τῇ πλεκτάνῃ, ἐπῳάζει δὲ ὅταν τέκῃ· "διὸ καὶ χείριστοί εἰσι κατὰ τὸν χρόνον τοῦτον, ἀποτίκτει δ’ ὁ μὲν πουλύπουσ ἢ εἰσ θαλάμασ ἢ εἰσ κεράμιον ἤ τι ἄλλο τοιοῦτο κοῖλον, καὶ μεθ’ ἡμέρασ πεντήκοντα ἐκ τῶν ᾠῶν πουλυπόδια ἐξέρπει ὥσπερ τὰ φαλάγγια πολλά, ὁ δὲ θῆλυσ πουλύπουσ ὁτὲ μὲν ἐπὶ τοῖσ ᾠοῖσ, ὁτὲ δ’ ἐπὶ τῷ στόματι προκάθηται τῆσ θαλάμησ, τὴν πλεκτάνην ἐπέχων. Θεόφραστοσ δ’ ἐν τῷ περὶ τῶν μεταβαλλόντων τὰσ χρόασ τὸν πολύποδά φησι τοῖσ πετρώδεσι μάλιστα μόνοισ συνεξομοιοῦσθαι, τοῦτο ποιοῦντα φόβῳ καὶ φυλακῆσ χάριν, ἐν δὲ τῷ περὶ τῶν ἐν τῷ ξηρῷ διατριβόντων ζῴων οὐ δέχεσθαί φησι τοὺσ πολύποδασ τὴν θάλατταν. ἐν δὲ τῷ περὶ τῶν κατὰ τόπουσ διαφορῶν ὁ Θεόφραστοσ πολύποδασ οὐ γίνεσθαί φησιν περὶ Ἑλλήσποντον. "ὁ δὲ ναυτίλοσ καλούμενοσ, φησὶν Ἀριστοτέλησ, πολύπουσ μὲν οὔκ ἐστιν, ἐμφερὴσ δὲ κατὰ τὰσ πλεκτάνασ. "ἔχει δὲ τὸ νῶτον ὀστρακόδερμον. "ἀναδύνει δὲ ἐκ τοῦ βυθοῦ ἐφ’ ἑαυτὸν ἔχων τὸ ὄστρακον, ἵνα μὴ τὴν θάλατταν ἕλκῃ· "ἐπαναστραφεὶσ δ’ ἐπιπλεῖ ἄνω ποιήσασ δύο τῶν πλεκτανῶν, αἳ μεταξὺ αὑτῶν λεπτὸν ὑμένα ἔχουσιν διαπεφυκότα, ὡσ καὶ τῶν ὀρνίθων οἱ πόδεσ ὁρῶνται μεταξὺ τῶν δακτύλων δερμάτινον ὑμένα ἔχοντεσ · "ἄλλασ δὲ δύο πλεκτάνασ καθίησιν εἰσ τὴν θάλασσαν ἀντὶ πηδαλίων, ὅταν δέ τι προσιὸν ἴδῃ, δείσασ συστέλλει τοὺσ πόδασ καὶ πληρώσασ αὑτὸν τῆσ θαλάσσησ κατὰ βυθοῦ ὡσ τάχοσ χωρεῖ. "πολύπουσ, φησί, τισ ὁ μὲν τρεψίχρωσ, ὁ δὲ ναυτίλοσ.

상위

The Deipnosophists, Book 7

목록

SEARCH

MENU NAVIGATION