Athenaeus, The Deipnosophists, Book 7, book 7, chapter 103

(아테나이오스, The Deipnosophists, Book 7, book 7, chapter 103)

"οὔτε τὸν ἱερὸν καλούμενον πουλύπουν οὔτε τὸν κωπηλάτην πουλύπουν νόμιμον ἦν θηρεύειν, ἀλλ’ ἀπεῖπον τούτων τε καὶ τῆσ θαλαττίασ χελώνησ μὴ ἅπτεσθαι. "ὁ δὲ πουλύπουσ ἐστὶ συντηκτικὸσ καὶ λίαν ἀνόητοσ · "πρὸσ γὰρ τὴν χεῖρα τῶν διωκόντων βαδίζει καὶ διωκόμενοσ ἔστιν ὅτε οὐχ ὑποχωρεῖ, συντήκονται δ’ αὐτῶν αἱ θήλειαι μετὰ τὸν τόκον καὶ παρίενται διὸ καὶ ῥᾳδίωσ ἁλίσκονται. "ἑωράθησαν δέ ποτε καὶ ἐπὶ τὸ ξηρὸν ἐξιόντεσ, μάλιστα δὲ πρὸσ τὰ τραχέα τῶν χωρίων φεύγουσι γὰρ τὰ λεῖα. καὶ χαίρουσι δὲ τῶν φυτῶν ταῖσ ἐλαίαισ καὶ πολλάκισ εὑρίσκονται ταῖσ πλεκτάναισ περιειληφότεσ τὸ στέλεχοσ. ἐφωράθησαν δὲ καὶ συκέαισ προσπεφυκυίαισ τῇ θαλάσσῃ προσπλεκόμενοι καὶ τῶν σύκων ἐσθίοντεσ, ὥσ φησι Κλέαρχοσ ἐν τῷ περὶ τῶν τῷ ὑγρῷ. "ἐστὶ δὲ δεῖγμα τοῦ ἥδεσθαι αὐτοὺσ τῇ ἐλαίᾳ καὶ τοῦτο· "ἐάν τισ κλάδον τοῦ φυτοῦ τούτου καθῇ εἰσ τὴν θάλασσαν καθ’ ἥν εἰσι πουλύποδεσ καὶ μικρὸν ἐπίσχῃ, ἀπονητὶ ἀνέλκει τῷ κλάδῳ περιπλεκομένουσ ὅσουσ ἐθέλει. "ἔχουσι δὲ τὰ μὲν ἄλλα μέρη ἰσχυρότατα, τὸν δὲ τράχηλον ἀσθενῆ.

상위

The Deipnosophists, Book 7

목록

SEARCH

MENU NAVIGATION