호흡부호 보기
강세부호 보기
장단부호 보기
작은 Iota 보기
모든 부호 보기
πουλύπους.? πουλύποδος. οὕτως φασὶν οἱ Ἀττικοί ὡς καὶ Ὅμηρος: ὡς δ ὅτε πουλύποδος θαλάμης ἐξελκομένοιο ἀνάλογον παρὰ τὸ ποὺς γάρ γέγονεν. τὴν δὲ αἰτιατικὴν πουλύπουν φασίν, ὡς Ἀλκίνουν καὶ Οἰδίπουν. καὶ τρίπουν δὲ λέβητα Αἰσχύλον εἰρηκέναι ἐν Ἀθάμαντι ἀπὸ ἁπλοῦ τοῦ ποὺς ὡς νοῦς. τὸ δὲ πώλυπον λέγειν Αἰολικὸν: Ἀττικοὶ γὰρ πουλύπουν λέγουσιν. Ἀριστοφάνης Δαιδάλῳ: καὶ ταῦτ ἔχοντα πουλύπους καὶ σηπίας. καὶ πάλιν τὸν πουλύπουν μοι ἔθηκε. καὶ πάλιν πληγαὶ λέγονται πουλύπου πιλουμένου. Ἀλκαῖος Ἀδελφαῖς μοιχευομέναις: ἠλίθιον εἶναι νοῦν τε πουλύποδος ἔχειν. Ἀμειψίας Κατεσθίοντι: δεῖ μέν, ὡς ἐοίκε, πολλῶν πουλύπων. Πλάτων Παιδίῳ, ὥσπερ τοὺς πουλύποδας πρώτιστα σέ.
Ἀλκαῖος: ἔδω δ ἐμαυτὸν ὡς πουλύπους. οἱ δὲ πουλύποδα προφέρονται ἀνάλογον τῷ ποὺς ποδὸς ποδὶ πόδα. Εὔπολις Δήμοις: ἀνὴρ πολίτης πουλύπους ἐς τοὺς τρόπους.?
호흡부호 보기
강세부호 보기
장단부호 보기
작은 Iota 보기
모든 부호 보기