Athenaeus, The Deipnosophists, Book 7, book 7, chapter 95

(아테나이오스, The Deipnosophists, Book 7, book 7, chapter 95)

νάρκη. Πλάτων ἢ Κάνθαροσ ἐν Συμμαχίᾳ· νάρκη γὰρ ἑφθὴ βρῶμα χάριεν γίγνεται. ὁ δὲ φιλόσοφοσ Πλάτων ἐν Μένωνί φησι· "τῇ θαλαττίᾳ νάρκῃ· "καὶ γὰρ αὕτη τὸν πλησιάζοντα ναρκᾶν ποιεῖ. ἡ δὲ κλῆσισ αὐτῆσ καὶ παρ’ Ὁμήρῳ· νάρκησε δὲ χεὶρ ἐπὶ καρπῷ. Μένανδροσ δ’ ἐν Φανίῳ διὰ τοῦ α ἔφη· ὑπελήλυθὲν τέ μου νάρκα τισ ὅλον τὸ δέρμα, μηδενὸσ τῶν παλαιῶν οὕτω κεχρημένου. Ἱκέσιοσ δέ φησιν ἀτροφωτέραν καὶ ἀχυλοτέραν αὐτὴν εἶναι ἔχειν τε χονδρῶδέσ τι διακεχυμένον, εὐστόμαχον πάνυ. Θεόφραστοσ δ’ ἐν τῷ περὶ τῶν φωλευόντων διὰ τὸ ψῦχόσ φησι τὴν νάρκην κατὰ γῆσ δύεσθαι. ἐν δὲ τῷ περὶ τῶν δακέτων καὶ βλητικῶν διαπέμπεσθαί φησι τὴν νάρκην τὴν ἀφ’ αὑτῆσ δύναμιν καὶ διὰ τῶν ξύλων καὶ διὰ τῶν τριοδόντων, ποιοῦσαν ναρκᾶν τοὺσ ἐν χεροῖν ἔχοντασ. εἴρηκε δὲ τὴν αἰτίαν Κλέαρχοσ ὁ Σολεὺσ ἐν τῷ περὶ νάρκησ, ἅπερ μακρότερα ὄντα ἐπιλέλησμαι, ὑμᾶσ δ’ ἐπὶ τὸ σύγγραμμα ἀναπέμπω, ἐστὶ δ’ ἡ νάρκη, ὥσ φησιν Ἀριστοτέλησ, τῶν σελαχωδῶν καὶ τῶν σκυμνοτοκούντων.

θηρεύει δ’ εἰσ τροφὴν ἑαυτῆσ τὰ ἰχθύδια προσαπτομένη καὶ ναρκᾶν καὶ ἀκινητίζειν ποιοῦσα. Δίφιλοσ δ’ ὁ Λαοδικεὺσ ἐν τῷ περὶ τῶν Νικάνδρου Θηριακῶν μὴ πᾶν τὸ ζῷόν φησι τὴν νάρκην ἐμποιεῖν, μέροσ δέ τι αὐτῆσ, διὰ πείρασ πολλῆσ φάσκων ἐληλυθέναι, ὁ δ’ Ἀρχέστρατόσ φησι·

καὶ νάρκην ἑφθὴν ἐν ἐλαίῳ ἠδὲ καὶ οἴνῳ καὶ χλόῃ εὐώδει καὶ βαιῷ ξύσματι τυροῦ, Ἄλεξισ ἐν Γαλατείᾳ· νάρκην μὲν οὖν, ὥσ φασιν, ὠνθυλευμένην ὀπτᾶν ὅλην. ἐν δὲ Δημητρίῳ· ὅτι δεῖ γυναικὸσ ἐπιφερούσησ δακτύλουσ ἁπαλοὺσ ὑπ’ ἀκάνθησ μηδὲ ἓν τούτουσ παθεῖν ξιφίασ, τοῦτον Ἀριστοτέλησ φησὶν ἔχειν τοῦ ῥύγχουσ τὸ μὲν ὑποκάτω μικρόν, τὸ δὲ καθύπερθεν ὀστῶδεσ μέγα, ἴσον τῷ ὅλῳ αὐτοῦ μεγέθει·

상위

The Deipnosophists, Book 7

목록

SEARCH

MENU NAVIGATION