Athenaeus, The Deipnosophists, Book 7, book 7, chapter 92

(아테나이오스, The Deipnosophists, Book 7, book 7, chapter 92)

Μαινίδεσ. ταύτασ φησὶν Ἱκέσιοσ εὐχυλοτέρασ εἶναι τῶν κωβιῶν, λείπεσθαι δὲ εὐστομίᾳ καὶ τῷ πρὸσ τὴν ἔκκρισιν τῆσ κοιλίασ συνεργεῖν. Σπεύσιπποσ δ’ ἐν δευτέρῳ Ὁμοίων ὅμοιά φησιν εἶναι τῇ μαινίδι βόακασ καὶ σμαρίδασ, ὧν μνημονεύειν καὶ ’ Ἐπίχαρμον ἐν Γᾷ καὶ Θαλάσσᾳ οὕτωσ· ὅκχ’ ὁρῇ βῶκάσ τε πολλοὺσ καὶ σμαρίδασ. οὓσ ἂν ἄνθρωποσ φάγοι δηλονότι· Ἐπαίνετοσ δ’ ἐν Ὀψαρτυτικῷ φησι· "σμαρίδα, ἣν ἔνιοι καλοῦσι κυνὸσ εὐναί. Ἀντιφάνησ δ’ ἐν Ἀγροίκῳ ἢ Βουταλίωνι Ἑκάτησ βρώματα καλεῖ τὰσ μαινίδασ διὰ τὴν βραχύτητα, λέγων οὕτωσ· τοὺσ γὰρ μεγάλουσ τούτουσ ἅπαντασ νενόμικα ἀνθρωποφάγουσ ἰχθῦσ. β. τί φήσ, ὦ φίλτατε, ἀνθρωποφάγουσ; πῶσ; Γ. ταῦτα δ’ ἐστὶν Ἑκάτησ βρώματα, ἅ φησιν οὗτοσ, μαινίδασ καὶ τριγλίδασ.

καλοῦνται δέ τινεσ καὶ λευκομαινίδεσ, ἃσ ἔνιοι βόακασ ὀνομάζουσι. Πολίοχοσ Κορινθιαστῇ· ὅπωσ σε πείσῃ μηδὲ ]δὲ εἷσ, πρὸσ τῶν θεῶν, τοὺσ βόακασ, ἄν ποτ’ ἔλθῃ, λευκομαινίδασ καλεῖν.

상위

The Deipnosophists, Book 7

목록

SEARCH

MENU NAVIGATION