Athenaeus, The Deipnosophists, Book 7, book 7, chapter 83

(아테나이오스, The Deipnosophists, Book 7, book 7, chapter 83)

κωβιοί. πολύχυλοι, ὥσ φησιν Ἱκέσιοσ, εὐστομίᾳ διαφέροντεσ, εὐέκκριτοι, ὀλιγότροφοι καὶ κακόχυμοι, διαφέρουσι δ’ εὐστομίᾳ οἱ λευκότεροι τῶν μελάνων, ἡ δὲ τῶν χλωρῶν κωβιῶν σὰρξ χαυνοτέρα ἐστὶν καὶ ἀλιπεστέρα· καὶ χυλὸν ἐλάττονα, καὶ λεπτότερον ἐναφιᾶσι, τροφιμώτεροί δέ εἰσὶ διὰ τὸ μέγεθοσ. Διοκλῆσ φησι τοὺσ πετραίουσ αὐτῶν μαλακοσάρκουσ εἶναι. Νουμήνιοσ δ’ ἐν Ἁλιευτικῷ κώθουσ αὐτοὺσ καλεῖ· ’ ἢ σκάρον ἢ κῶθον τροφίην καὶ ἀναιδέα λίην. φησὶ καὶ τὸν τοῦ θυννοθήρα δὲ υἱὸν ἴσωσ ἀπὸ τούτου Κωθωνίαν προσηγόρευσεν. Σικελιῶται δ’ εἰσὶν οἱ τὸν κωβιὸν κώθωνα καλοῦντεσ, ὡσ Νίκανδρόσ φησιν ὁ Κολοφώνιοσ ἐν ταῖσ Γλώτταισ καὶ Ἀπολλόδωροσ ἐν τοῖσ περὶ Σώφρονοσ. Ἐπίχαρμοσ δ’ ἐν Ἥβασ γάμῳ κωβιοὺσ ὀνομάζει· τρυγόνεσ τ’ ὀπισθόκεντροι καὶ μάλ’ ἁδροὶ κωβιοί.

Ἀντιφάνησ δ’ ἐν Τίμωνι ἐπαινῶν τοὺσ κωβιοὺσ καὶ ὁπόθεν εἰσὶ κάλλιστοι δηλοῖ διὰ τούτων ἥκω πολυτελῶσ ἀγοράσασ εἰσ τοὺσ γάμουσ, λιβανωτὸν ὀβολοῦ τοῖσ θεοῖσ καὶ ταῖσ θεαῖσ πάσαισι, τοῖσ δ’ ἡρ́ωσι τὰ ψαίστ’ ἀπονεμῶ. ἡμῖν δὲ τοῖσ θνητοῖσ ἐπριάμην κωβιούσ. "προστίθημι, φησί, σοὶ τὸν δῆμον αὐτῶν εἰσὶ γὰρ Φαληρικοί.

ἄλλοι δ’ ἐπώλουν, ὡσ ἐοίκ’, Ὀτρυνικούσ. Μένανδροσ Ἐφεσίῳ· τῶν ἰχθυοπωλῶν ἀρτίωσ τισ τεττάρων δραχμῶν ἐτίμα κωβιούσ σφόδρα. ποταμίων δὲ κωβιῶν μνημονεύει Δωρίων ἐν τῷ περὶ ἰχθύων.

상위

The Deipnosophists, Book 7

목록

SEARCH

MENU NAVIGATION