Athenaeus, The Deipnosophists, Book 7, book 7, chapter 81

(아테나이오스, The Deipnosophists, Book 7, book 7, chapter 81)

κορακῖνοσ. οἱ μὲν θαλάττιοι, φησὶν Ἱκέσιοσ, ὀλιγότροφοι καὶ εὐέκκριτοι, εὐχυλίᾳ δὲ μέσοι. Ἀριστοτέλησ δ’ ἐν πέμπτῳ ζῴων μορίων συμβαίνειν μέν φησι σχεδὸν πᾶσι τοῖσ ἰχθύσι ταχεῖαν γίνεσθαι τὴν αὔξησιν, οὐχ ἥκιστα δὲ κορακίνῳ. τίκτει δὲ πρὸσ τῇ γῇ καὶ τοῖσ βρυώδεσι καὶ δασέσι. Σπεύσιπποσ δ’ ἐν δευτέρῳ Ὁμοίων ἐμφερεῖσ φησιν εἶναι μελάνουρον καὶ κορακῖνον. Νουμήνιοσ δ’ ἐν Ἁλιευτικῷ φησι· ῥηιδίωσ ἕλκοιο καὶ αἰολίην κορακῖνον. μήποτ’ οὖν καὶ οἱ παρ’ Ἐπιχάρμῳ αἰολίαι λεγόμενοι ἐν Μούσαισ κορακῖνοί εἰσι. φησὶ γάρ· αἰολίαι πλῶτέσ τε κυνόγλωσσοί τε. ἐν δὲ Ἥβασ γάμῳ καὶ τῶν αἰολιῶν μνημονεύει ὡσ διαφόρων μύεσ ἀλφησταί τε κορακῖνοί τε κοριοειδέεσ, αἰολίαι πλῶτέσ τε κυνόγλωσσοί τε. Εὐθύδημοσ δ’ ἐν τῷ περὶ ταρίχων τὸν κορακῖνόν φησιν ὑπὸ πολλῶν σαπέρδην προσαγορεύεσθαι. ὁμοίωσ δ’ εἴρηκε καὶ Ἡρακλέων ὁ Ἐφέσιοσ, ἔτι δὲ Φυλότιμοσ ἐν Ὀψαρτυτικῷ.

ὅτι δὲ καὶ πλατιστακὸσ καλεῖται ὁ σαπέρδησ, καθάπερ καὶ ὁ κορακῖνοσ, Παρμένων φησὶν ὁ Ῥόδιοσ ἐν πρώτῳ μαγειρικῆσ διδασκαλίασ. "μελανοπτερύγων, ἔφη, κορακίνων. ὑποκοριστικῶσ δὲ ὠνόμασεν αὐτοὺσ Φερεκράτησ ἐν Ἐπιλήσμονι· τοῖσ σοῖσι συνὼν κορακινιδίοισ καὶ μαινιδίοισ.

Ἄμφισ δ’ ἐν Ιἀλέμῳ ὅστισ κορακῖνον ἐσθίει θαλάττιον γλαύκου παρόντοσ, οὗτοσ οὐκ ἔχει φρένασ. οἱ δὲ Νειλῶται κορακῖνοι ὅτι γλυκεῖσ καὶ εὔσαρκοι, ἔτι δὲ ἡδεῖσ, οἱ πεπειραμένοι ἴσασιν. ὠνομάσθησαν δὲ διὰ τὸ διηνεκῶσ τὰσ κόρασ κινεῖν καὶ οὐδέποτε παύεσθαι. καλοῦσι δ’ αὐτοὺσ οἱ Ἀλεξανδρεῖσ πλάτακασ ἀπὸ τοῦ περιέχοντοσ.

상위

The Deipnosophists, Book 7

목록

SEARCH

MENU NAVIGATION