Ancient Greek Text

Athenaeus, The Deipnosophists, Book 7, book 7, chapter 80

(아테나이오스, The Deipnosophists, Book 7, book 7, chapter 80)

τούτων ποτὲ λεχθέντων ἐπὶ τῷ καλῷ τούτῳ ὄψῳ τῶν κυνικῶν τισ ἑσπέριοσ ἐλθὼν ἔφη· ἄνδρεσ φίλοι, μὴ καὶ ἡμεῖσ ἄγομεν Θεσμοφορίων τὴν μέσην, ὅτι δίκην κεστρέων νηστεύομεν; ὡσ γὰρ ὁ Δίφιλόσ φησιν ἐν Λημνίαισ· · οὗτοι δεδειπνήκασιν ὁ δὲ τάλασ ἐγὼ κεστρεὺσ ἂν εἰήν ἕνεκα νηστείασ ἄκρασ. ὑπολαβὼν δὲ Μυρτίλοσ· καὶ στῆτ’ ἐφεξῆσ, ἔφη, κατὰ τὸν Θεοπόμπου Ἡδυχάρην, κεστρέων νῆστισ χορόσ, λαχάνοισιν ὥσπερ χῆνεσ ἐξενισμένοι. οὐ πρότερον γάρ τινοσ μεταλήψεσθε, ἑώσ ἂν ἢ ὑμεῖσ ἢ ὁ συμμαθητὴσ ὑμῶν Οὐλπιανὸσ εἴπητε διὰ τί νῆστισ μόνοσ τῶν ἰχθύων ὁ κεστρεὺσ καλεῖται. καὶ ὁ Οὐλπιανὸσ ἔφη· ὅτι οὐδὲν δέλεαρ ἐσθίει ἔμψυχον, καὶ ἀνελκυσθεὶσ δ’ οὐ δελεάζεται οὔτε σαρκὶ οὔτε ἄλλῳ τινὶ ἐμψύχῳ, ὡσ Ἀριστοτέλησ ἱστορεῖ φάσκων ὅτι καὶ νῆστισ ὢν φαῦλόσ ἐστι καὶ ὅτι ἐὰν φοβηθῇ κρύπτει τὴν κεφαλὴν ὡσ τὸ πᾶν κρύπτων σῶμα. Πλάτων τε ἐν Εὁρταῖσ φησιν ἐξιόντι γὰρ ἁλιεὺσ ἀπήντησεν φέρων μοι κεστρέασ, ἰχθῦσ ἀσίτουσ καὶ πονηροὺσ ἒν γ’ ἐμοί, σὺ δέ μοι εἰπέ, ὦ Θετταλὸν πάλαισμα Μυρτίλε, διὰ τί οἱ ἰχθύεσ ὑπὸ τῶν ποιητῶν ἔλλοπεσ καλοῦνται.

καὶ ὅσ· ἤτοι διὰ τὸ ἄφωνοι εἶναι· βούλονται γὰρ κατὰ τὴν ἀναλογίαν ἴλλοπέσ τινεσ εἶναι διὰ τὸ εἴργεσθαι φωνῆσ. ἐστὶ γὰρ τὸ μὲν ἴλλεσθαι εἴργεσθαι, ἡ δὲ ὂψ φωνή. καὶ γὰρ τοῦτ’ ἀγνοεῖσ ἔλλοψ τισ ὤν. ἐγὼ δὲ κατὰ τὸν σοφὸν Ἐπίχαρμον μηδὲν ἀποκρινομένου τοῦ κυνὸσ τὰ πρὸ τοῦ δύ’ ἄνδρεσ ἔλεγον, εἷσ ἐγὼν ἀποχρέω, καὶ φημὶ ἔλλοπεσ διὰ τὸ εἶναι λεπιδωτοί. λέξω δὲ καὶ μὴ προβληθέντοσ διὰ τί οἱ Πυθαγορικοὶ τῶν μὲν ἄλλων ἐμψύχων μετρίωσ ἅπτονται, τινά. δὲ καὶ θύοντεσ, ἰχθύων μόνων οὐ γεύονται τὸ παράπαν. ἢ διὰ τὴν ἐχεμυθίαν;