Athenaeus, The Deipnosophists, Book 7, book 7, chapter 78

(아테나이오스, The Deipnosophists, Book 7, book 7, chapter 78)

καλοῦνται δὲ οἱ κεστρεῖσ ὑπό τινων πλῶτεσ, ὥσ φησι Πολέμων ἐν τῷ περὶ τῶν ἐν Σικελίᾳ ποταμῶν, καὶ Ἐπίχαρμοσ δ’ ἐν Μούσαισ οὕτωσ αὐτοὺσ ὀνομάζει· αἰολίαι πλῶτέσ τε κυνόγλωσσοὶ τ’, ἐνῆν δὲ σκιαθίδεσ. ι Ἀριστοτέλησ δ’ ἐν τῷ περὶ ζῴων ἠθῶν καὶ βίων φησὶν ὅτι ζῶσιν οἱ κεστρεῖσ κἂν ἀφαιρεθῶσι τὰσ κέρκουσ, ἀπεσθίεται δ’ ὁ μὲν κεστρεὺσ ὑπὸ λάβρακοσ, ὁ δὲ γόγγροσ ὑπὸ μυραίνησ. ἐπὶ τῶν δικαιοπραγούντων ἀκούεται, ἐπειδὴ οὐ σαρκοφαγεῖ ὁ κεστρεύσ. Ἀναξίλασ ἐν Μονοτρόπῳ Μάτωνα τὸν σοφιστὴν ἐπὶ γαστριμαργίᾳ διαβάλλων φησί· τοῦ κεστρέωσ κατεδήδοκεν τὸ κρανίον ἀναρπάσασ Μάτων ἐγὼ δ’ ἀπόλλυμαι. ὁ δὲ καλὸσ Ἀρχέστρατόσ φησι·

κεστρέα δ’ Αἰγίνησ ἐξ ἀμφιρύτησ ἀγόραζε, ἀνδράσι τ’ ἀστείοισιν ὁμιλήσεισ. Διοκλῆσ Θαλάττῃ· ἅλλεται δ’ ὑφ’ ἡδονῆσ κεστρεύσ.

상위

The Deipnosophists, Book 7

목록

SEARCH

MENU NAVIGATION