Athenaeus, The Deipnosophists, Book 7, book 7, chapter 71

(아테나이오스, The Deipnosophists, Book 7, book 7, chapter 71)

κίχλαι καὶ κόσσυφοι. διὰ τοῦ ητα Ἀττικοὶ κίχλην λέγουσι, καὶ ὁ λόγοσ οὕτωσ ἔχει. τὰ γὰρ εἰσ λα λήγοντα θηλυκὰ πρὸ τοῦ λ ἕτερον λ ἔχει, Σκύλλα, σκίλλα, κόλλα, βδέλλα, ἅμιλλα, ἄμαλλα· τὰ δὲ εἰσ λη οὐκέτι, ὁμίχλη, φύτλη, γενέθλη, αἴγλη, τρώγλη, ὁμοίωσ οὖν καὶ τρίγλη. Κρατῖνοσ· τρίγλην δ’ εἰ μὲν ἐδηδοκοίη τένθου τινὸσ ἀνδρόσ. "καλούμενοι μαλακόσαρκοι, κόσσυφοι, κίχλαι, πέρκαι, κωβιοί, φυκίδεσ, ἀλφηστικόσ. Νουμήνιοσ δὲ ἐν Ἁλιευτικῷ· γλαύκουσ ἢ ὀρφῶν ἔναλον γένοσ ἠὲ μελάγχρων κόσσυφον ἢ κίχλασ ἁλιειδέασ.

Ἐπίχαρμοσ δ’ ἐν Ἥβασ γάμῳ· βαμβραδόνεσ τε καὶ κίχλαι λαγοὶ δράκοντέσ τ’ ἄλκιμοι. "καὶ τὰ μὲν μελανόστικτα, ὥσπερ κόσσυφοσ, τὰ δὲ ποικιλόστικτα, ὥσπερ κίχλη. Παγκράτησ δ’ ὁ Ἀρκὰσ ἐν ἔργοισ θαλαττίοισ τὴν κίχλην πολλοῖσ ὀνόμασί φησι καλεῖσθαι· σαῦρον κικλήσκουσι καὶ αἰολίην, ὀρφίσκον, πιότατον κεφαλῇ.

Νίκανδροσ δ’ ἐν τετάρτῳ Ἑτεροιουμένων φησίν ἢ σκάρον ἢ κίχλην πολυώνυμον.

상위

The Deipnosophists, Book 7

목록

SEARCH

MENU NAVIGATION