헬라어 텍스트

Athenaeus, The Deipnosophists, Book 7, book 7, chapter 65

(아테나이오스, The Deipnosophists, Book 7, book 7, chapter 65)

μετὰ ταῦτα θύννων μεγαλόπλουτ’ ἐπεισέπλει ὑπογάστρι’ ὀπτῶν. Ἀριστοφάνησ Λημνίαισ· οὐκ ἔγχελυν Βοιωτίαν, οὐ γλαῦκον, οὐχὶ θύννου ὑπογάστριον. Στράττισ Ἀταλάντῃ· ὑπογάστριον θύννου τι κἀκροκώλιον δραχμῆσ ὑειόν. ἐν δὲ Μακεδόσιν ὑπογάστριά θ’ ἡδέα θύννων. Ἔριφοσ Μελιβοίᾳ· ταῦτα γὰρ οἱ πένητεσ οὐκ ἔχοντεσ ἀγοράσαι ὑπογάστριον θύννακοσ οὐδὲ κρανίον λάβρακοσ οὐδὲ γόγγρον οὐδὲ σηπίασ, ἃσ οὐδὲ μάκαρασ ὑπερορᾶν οἶμαι θεούσ. ὅταν δὲ καὶ Θεόπομποσ ἐν Καλλαίσχρῳ λέγῃ· ἰχθύων δὲ δὴ ὑπογάστρι’Σ32, ὦ Δάματερ, παρατηρητέον ὅτι ἐπὶ ἰχθύων μὲν ὑπογάστριον λέγουσι, σπανίωσ δ’ ἐπὶ χοίρων καὶ τῶν ἄλλων ζῴων. ἄδηλον δ’ ἐπὶ τίνων ἔταξε τὸ ὑπογάστριον Ἀντιφάνησ ἐν τῷ Ποντικῷ, ὅταν λέγῃ·

ὅστισ ὠψώνηκ’ ἴσωσ ταύταισ μεγαλείωσ ταῖσ κάκιστ’ ἀπολουμέναισ ὑπογάστρι’ ἐλθὼν ἃσ Ποσειδῶν ἀπολέσαι βράττειν τε γεννικῶσ παρασκευάζεται πλευρὰν μετ’ αὐτῶν. Ἄλεξισ δ’ ἐν Ὀδυσσεῖ ὑφαίνοντι καὶ τὴν κεφαλὴν τοῦ θύννου ἐπαινῶν φησιν καὶ τοὺσ ἁλιέασ δ’ εἰσ τὸ βάραθρον ἐμβάλω· ἀπελευθέρων ὀψάρια θηρεύουσί μοι, τριχίδια καὶ σηπίδια καὶ φρυκτούσ τινασ. β.

οὗτοσ πρότερον κεφαλὴν εἰ λάβοι θύννου ἐνόμιζεν ἐγχέλεια καὶ θύννασ ἔχειν. ἐπῄνουν δὲ τῶν θύννων καὶ τὰσ κλεῖδασ καλουμένασ, ὡσ Ἀριστοφῶν ἐν Πειρίθῳ· καὶ μὴν διέφθαρταί γε τοὔψον παντελῶσ· κλεῖδεσ μὲν ὀπταὶ δύο παρεσκευασμέναι.

β. αἷσ τὰσ θύρασ κλείουσι; α. θύννειοι μὲν οὖν. β. σεμνὸν τὸ βρῶμα. α. καὶ τρίτη Λακωνική.