Athenaeus, The Deipnosophists, Book 7, book 7, chapter 56

(아테나이오스, The Deipnosophists, Book 7, book 7, chapter 56)

ὅτι δ’ ἤσθιον τὰσ ἐγχέλεισ καὶ μετὰ τεύτλων ἐντυλίξαντεσ πολὺ μέν ἐστι καὶ παρὰ τοῖσ ἀρχαίοισ κωμικοῖσ, καὶ Εὔβουλοσ δέ φησιν ἐν Ἠχοῖ· νύμφα ἀπειρόγαμοσ τεύτλῳ περὶ σῶμα καλυπτὰ λευκόχρωσ παρέσται, ἔγχελυσ, ὦ μέγα μοι μέγα σοι φάοσ ὅσσον ἐναργέσ. καὶ ἐν Ιὤνι· μετὰ ταῦτα θύννων μεγαλόπλουτ’ ἐπεισέπλει ὑπογάστρι’ ὀπτῶν αἵ τ’ ἐχιδνοσώματοι Βοιώτιαι παρῆσαν ἐγχέλεισ θεαὶ τεῦτλ’ ἀμπεχόμεναι. καὶ ἐν Μηδείᾳ· τεῦτλ’ ἀμπεχομένησ παρθένου Βοιωτίασ Κωπᾷδοσ· ὀνομάζειν γὰρ αἰδοῦμαι θεάν. ὅτι δὲ καὶ αἱ Στρυμόνιαι ἐγχέλεισ δι’ ὀνόματοσ ἦσάν φησιν ἐν Θαμύρᾳ Ἀντιφάνησ· καὶ σοῦ γ’ ἐπώνυμόσ τισ ἐν φήμαισ βροτῶν Θρῇκασ κατάρδων ποταμὸσ ὠνομασμένοσ Στρυμών, μεγίστασ ἐγχέλεισ κεκτημένοσ. καὶ περὶ τὸν Εὐλέα δὲ ποταμὸν οὗ μνημονεύει Ἀντίμαχοσ ἐν ταῖσ ἐπιγραφομέναισ Δέλτοισ οὕτωσ·

ἐλθὼν Εὐλῆοσ πηγὰσ ἔπι δινήεντοσ Δημήτριοσ ὁ Σκήψιοσ ἐν ἑκκαιδεκάτῃ τοῦ Τρωικοῦ διακόσμου ἐγχέλεισ φησὶ διαφόρουσ γίνεσθαι.

상위

The Deipnosophists, Book 7

목록

SEARCH

MENU NAVIGATION