Athenaeus, The Deipnosophists, Book 7, book 7, chapter 54

(아테나이오스, The Deipnosophists, Book 7, book 7, chapter 54)

ἀκολούθωσ ἐποίησε καὶ Ἀρχίλοχοσ· πολλὰσ δὲ τυφλὰσ ἐγχέλυασ ἐδέξω. οἱ δ’ Ἀττικοί, καθὼσ Τρύφων φησί, τὰσ ἑνικὰσ χρήσεισ ἐπιστάμενοι διὰ τοῦ υ τὰσ πληθυντικὰσ οὐκ ἔτι ἀκολούθωσ ἐπιφέρουσιν. ὁ γοῦν Ἀριστοφάνησ ἐν μὲν Ἀχαρνεῦσι· σκέψασθε φησί παῖδεσ τὴν κρατίστην ἔγχελυν. καὶ ἐν Λημνίαισ· ἔγχελυν Βοιωτίαν. τὴν δ’ εὐθεῖαν ἐν Δαιταλεῦσι· καὶ λεῖοσ ὥσπερ ἔγχελυσ. καὶ Κρατῖνοσ ἐν Πλούτοισ· θύννοσ, ὀρφώσ, γλαῦκοσ, ἔγχελυσ, κύων. τὰσ μέντοι πληθυντικὰσ οὐκ ἔθ’ ὁμοίωσ τῷ ποιητῇ. Ἀριστοφάνησ Ἱππεῦσιν· ὅπερ γὰρ οἱ τὰσ ἐγχέλεισ θηρώμενοι πέπονθασ καὶ δευτέραισ Νεφέλαισ· τὰσ εἰκοῦσ τῶν ἐγχέλεων τὰσ ἐμὰσ μιμούμενοι. , ἐν Σφηξὶ δ’ ἡ δοτική· οὐ χαίρω δὲ βατίσιν, οὐδ’ ἐγχέλεσιν. Στράττισ δ’ ἐν Ποταμίοισ ἔφη· ἐγχέλεων ἀνεψιόσ. Σημωνίδησ δ’ ἐν ἰάμβοισ·

ὥσπερ ἔγχελυσ κατὰ γλοιοῦ. καὶ τὴν αἰτιατικὴν ἐρῳδιὸσ γὰρ ἔγχελυν Μαιανδρίην τρίορχον εὑρὼν ἐσθίοντ’ ἀφείλετο. Ἀριστοτέλησ δ’ ἐν τοῖσ περὶ ζῴων διὰ τοῦ ι ἔγχελισ εἴρηκεν. ὅταν δ’ Ἀριστοφάνησ ἐν Ἱππεῦσι λέγῃ· ὅπερ γὰρ οἱ τὰσ ἐγχέλεισ θηρώμενοι πέπονθασ ὅταν γὰρ ἡ λίμνη καταστῇ, λαμβάνουσιν οὐδὲν, ἐὰν δ’ ἄνω τε καὶ κάτω τὸν βόρβορον κυκῶσιν, αἱροῦσι· καὶ σὺ λαμβάνεισ, ἢν τὴν πόλιν ταράττῃσ, σαφῶσ δηλοῖ ὅτι ἡ ἔγχελυσ ἐκ τῆσ ἰλύοσ λαμβάνεται, ἔνθεν καὶ τοὔνομα εἰσ σ ἐπερατώθη.

καὶ ὁ ποιητὴσ οὖν θέλων δηλῶσαι τὸ εἰσ βάθοσ τοῦ ποταμοῦ καιόμενον οὕτωσ ἔφη· τείροντ’ ἐγχέλυέσ τε καὶ ἰχθύεσ. τὸ βάθοσ τοῦ κεκαυμένου ὕδατοσ δηλώσῃ.

상위

The Deipnosophists, Book 7

목록

SEARCH

MENU NAVIGATION