Athenaeus, The Deipnosophists, Book 7, book 7, chapter 46

(아테나이오스, The Deipnosophists, Book 7, book 7, chapter 46)

Εὔβουλοσ Καμπυλίωνι· τὴν τ’ εὐπρόσωπον λοπάδα τοῦδε τοῦ θαλαττίου Γλαύκου φέρουσαν εὐγενέστερον λάβρακὰ θ’ ἑφθὸν ἅλμῃ μίαν. Ἀναξανδρίδησ Νηρεῖ· ὁ πρῶτοσ εὑρὼν πολυτελὲσ τμητὸν μέγα γλαύκου πρόσωπον τοῦ τ’ ἀμύμονοσ δέμασ θύννου τὰ τ’ ἄλλα βρώματ’ ἐξ ὑγρᾶσ ἁλὸσ Νηρεὺσ κατοικεῖ τόνδε πάντα τὸν τόπον. Ἄμφισ ἐν Ἑπτὰ ἐπὶ Θήβαισ· γλαῦκοι δ’ ὅλοι, ῥαχιστὰ κρανίων μέρη εὔσαρκα. καὶ ἐν Φιλεταίρῳ· ἔχειν καθαρείωσ ἐγχελύδιόν τι καὶ γλαυκινιδίου κεφάλαια καὶ λαβρακίου τεμάχια. Ἀντιφάνησ δ’ ἐν Κύκλωπι ὑπερακοντίζων τὸν τένθην Ἀρχέστρατόν φησιν ἔστω δ’ ἡμῖν κεστρεὺσ τμητόσ, νάρκη πνικτή, πέρκη σχιστή, τευθὶσ σακτή, συνόδων ὀπτόσ, γλαύκου προτομή, γόγγρου κεφαλή, βατράχου γαστήρ, θύννου λαγόνεσ, βατίδοσ νῶτον, κέστρασ ὀσφύσ, ψητταρικίσκοσ, μαινίσ, καρίσ, τρίγλη, φυκίσ· τῶν τοιούτων μηδὲν ἀπέστω.

상위

The Deipnosophists, Book 7

목록

SEARCH

MENU NAVIGATION