헬라어 텍스트

Athenaeus, The Deipnosophists, Book 7, book 7, chapter 44

(아테나이오스, The Deipnosophists, Book 7, book 7, chapter 44)

Ἀρχέστρατοσ δὲ ὁ τὸν αὐτὸν Σαρδαναπάλλῳ ζηλώσασ βίον περὶ τοῦ ἐν Ῥόδῳ γαλεοῦ λέγων τὸν αὐτὸν εἶναι ἡγεῖται τῷ παρὰ Ῥωμαίοισ μετ’ αὐλῶν καὶ στεφάνων εἰσ τὰ δεῖπνα περιφερομένῳ ἐστεφανωμένων καὶ τῶν φερόντων αὐτὸν καλούμενόν τε ἀκκιπήσιον. ἀλλ’ οὗτοσ μὲν μικρὸσ καὶ μακρορυγχότερόσ ἐστι καὶ τῷ σχήματι τρίγωνοσ ἐκείνων μᾶλλον τούτων δ’ ὁ εὐτελέστατοσ καὶ μικρότατοσ οὐχ ἧττον Ἀττικῶν χιλίων πιπράσκεται. Ἀπίων δ’ ὁ γραμματικὸσ ἐν τῷ περὶ τῆσ Ἀπικίου τρυφῆσ τὸν ἔλοπα καλούμενον τοῦτόν φησιν εἶναι τὸν ἀκκιπήσιον. ἀλλ’ ὅ γε Ἀρχέστρατοσ περὶ τοῦ Ῥοδιακοῦ γαλεοῦ λέγων τοῖσ ἑταίροισ πατρικῶσ πωσ συμβουλεύων φησίν· ἐν δὲ Ῥόδῳ γαλεὸν τὸν ἀλώπεκα·

κἂν ἀποθνῄσκειν μέλλῃσ, ἂν μή σοι πωλεῖν θέλῃ, ἁρ́πασον αὐτόν· ὃν καλέουσι Συρακόσιοι κύνα πίονα· κᾆτα ὕστερον ἤδη πάσχ’ ὅτι σοι πεπρωμένον ἐστίν. τούτων τῶν ἐπῶν μνησθεὶσ καὶ Λυγκεὺσ ὁ Σάμιοσ ἐν τῇ πρὸσ Διαγόραν ἐπιστολῇ φησιν καὶ δικαίωσ παρακελεύεσθαι τὸν ποιητὴν τῷ μὴ δυναμένῳ τιμὴν ἀριθμῆσαι ἀδικίᾳ κτήσασθαι τὴν ἐπιθυμίαν. καὶ γὰρ τὸν Θησέα, φησί, γεγονότα καλὸν ὑπολαμβάνω τοῦ Τληπολέμου τὸν ἰχθὺν τοῦτον αὐτῷ παρασχόντοσ παρεσχηκέναι.

Τιμοκλῆσ δ’ ἐν Δακτυλίῳ φησί· γαλεοὺσ καὶ βατίδασ ὅσα τε τῶν γενῶν ἐν ὀξυλιπάρῳ τρίμματι σκευάζεται.