Athenaeus, The Deipnosophists, Book 7, book 7, chapter 42

(아테나이오스, The Deipnosophists, Book 7, book 7, chapter 42)

καὶ μαγείρων μὲν ἅλισ· περὶ δὲ τοῦ γόγγρου λεκτέον. Ἀρχέστρατοσ μὲν γὰρ ἐν τῇ Γαστρονομίᾳ καὶ ὁπόθεν ἕκαστον μέροσ αὐτοῦ δεῖ συνωνεῖσθαι διηγεῖται οὕτωσ γόγγρου μὲν γὰρ ἔχεισ κεφαλήν, φίλοσ, ἐν Σικυῶνι πίονοσ, ἰσχυροῦ, μεγάλου καὶ πάντα τὰ κοῖλα· εἶτα χρόνον πολὺν ἕψε χλόῃ περίπαστον ἐν ἅλμῃ ἑξῆσ τε περὶ τῶν κατ’ Ἰταλίαν τόπων διεξιὼν πάλιν ὁ καλὸσ οὗτοσ περιηγητήσ φησιν καὶ γόγγροσ σπουδαῖοσ ἁλίσκεται, ὅστε τοσοῦτον τῶν ἄλλων πάντων ὄψων κρατεῖ οὗτοσ ὅσον περ θύννοσ ὁ πιότατοσ τῶν φαυλοτάτων κορακίνων. Ἄλεξισ ἐν Ἑπτὰ ἐπὶ Θήβαισ·

γόγγρου δ’ ὁμοῦ σωρευτὰ πιμελῆσ μέλη ὑπεργέμοντα. Ἀρχέδικοσ δ’ ἐν Θησαυρῷ παράγει τινὰ μάγειρον λέγοντα περὶ ὧν ὠψώνηκεν αὐτόσ·

δραχμῶν τριῶν γλαυκίσκον γόγγρου κεφάλαια καὶ τὰ πρῶτα τεμάχια δραχμῶν πάλιν πέντ’· ὦ ταλαιπώρου βίου. δραχμῆσ τραχήλουσ· ἀλλὰ νὴ τὸν ἥλιον, κἀμοὶ τράχηλον ἕτερον εἴ ποθεν λαβεῖν ἦν καὶ πρίασθαι δυνατόν, ὃν ἔχω τοῦτον ἂν πρὶν εἰσενεγκεῖν ταῦτα δεῦρ’ ἀπηγξάμην οὐδεὶσ δεδιακόνηκεν ἐπιπονώτερον. ἅμα μὲν πρίασθαι πολλὰ καὶ πολλοῦ σφόδρα, ἅμα δ’ εἴ τι χρηστὸν ἀγοράσαιμ’, ἀπωλλύμην.

τοῦτο· "διαπυτιοῦσ1’ οἶνον δὲ τοιοῦτον χαμαί. οἴμοι.

상위

The Deipnosophists, Book 7

목록

일치하는 문장이 없습니다.

SEARCH

MENU NAVIGATION