Athenaeus, The Deipnosophists, Book 7, book 7, chapter 33

(아테나이오스, The Deipnosophists, Book 7, book 7, chapter 33)

ταῦτα, νὴ τὴν Ἀθηνᾶν, οὐδ’ ἂν Μενεκράτησ ἂν ὁ Συρακόσιοσ ἐξωγκώσατο ὁ Ζεὺσ ἐπικαλούμενοσ, ὃσ ἐφρόνει μέγα ὡσ μόνοσ αἴτιοσ τοῦ ζῆν τοῖσ ἀνθρώποισ γινόμενοσ διὰ τῆσ αὑτοῦ ἰατρικῆσ. τοὺσ γοῦν θεραπευομένουσ ὑπ’ αὐτοῦ τὰσ ἱερὰσ καλουμένασ νόσουσ συγγράφεσθαι ἠνάγκαζεν ὅτι ὑπακούσονται αὐτῷ δοῦλοι περισωθέντεσ. καὶ ἠκολούθουν ὁ μέν τισ ̔ Ἡρακλέουσ σκευὴν ἔχων καὶ καλούμενοσ ̔ Ἡρακλῆσ Νικόστρατοσ δ’ ἦν οὗτοσ ὁ Ἀργεῖοσ, ἱερὰν νόσον θεραπευθείσ· μνημονεύει δ’ αὐτῶν Ἔφιπποσ ἐν Πελταστῇ λέγων ὧδε· οὐ Μενεκράτησ μὲν ἔφασκεν εἶναι Ζεὺσ θεόσ, Νικόστρατοσ δ’ Ἁργεῖοσ ἕτεροσ Ἡρακλῆσ; ἄλλοσ δέ τισ ὡσ Ἑρμῆσ χλαμύδα ἔχων καὶ κηρύκειον, πρὸσ δὲ τούτοισι πτερά, ὡσ ὁ Ζελείτησ Νικαγόρασ ὁ καὶ τῆσ πατρίδοσ τυραννήσασ, ὡσ ἱστορεῖ Βάτων ἐν τοῖσ περὶ τῶν ἐν Ἐφέσῳ τυράννων. Ἡγήσανδροσ δέ φησιν ὅτι καὶ Ἀστυκρέοντα θεραπευθέντα ὑπ’ αὐτοῦ Ἀπόλλωνα ἐκάλεσε.

καὶ ἄλλοσ δ’ αὐτῷ τῶν περισωθέντων Ἀσκληπιοῦ στολὴν ἀναλαβὼν συμπεριεφέρετο. "Μενεκράτησ Ζεὺσ Φιλίππῳ χαίρειν.

"σὺ μὲν Μακεδονίασ βασιλεύεισ, ἐγὼ δὲ ἰατρικῆσ, καὶ σὺ μὲν ὑγιαίνοντασ δύνασαι ὅταν βουληθῇσ ἀπολλύναι, ἐγὼ δὲ τοὺσ νοσοῦντασ σῴζειν καὶ τοὺσ εὐρώστουσ ἀνόσουσ οἳ ἂν ἐμοὶ πείθωνται παρέχειν μέχρι γήρωσ ζῶντασ, τοιγαροῦν σὲ μὲν Μακεδόνεσ δορυφοροῦσιν, ἐμὲ δὲ καὶ οἱ μέλλοντεσ ἔσεσθαι. "Ζεὺσ γὰρ ἐγὼ αὐτοῖσ βίον παρέχω. πρὸσ ὃν ὡσ μελαγχολῶντα ἐπέστελλεν ὁ Φίλιπποσ· "Φίλιπποσ Μενεκράτει ὑγιαίνειν.

παραπλησίωσ δὲ ἐπέστελλε καὶ Ἀρχιδάμῳ τῷ Λακεδαιμονίων βασιλεῖ καὶ τοῖσ ἄλλοισ ὅσοισ ἔγραφεν, οὐκ ἀπεχόμενοσ τοῦ Διόσ. καλέσασ δ’ αὐτόν ποτε ἐπὶ δεῖπνον ὁ Φίλιπποσ μετὰ τῶν ἰδίων θεῶν συγκατέκλινε πάντασ ἐπὶ τῆσ μέσησ κλίνησ ὑψηλότατα καὶ ἱεροπρεπέστατα κεκοσμημένησ καὶ τράπεζαν παραθεὶσ ἐφ’ ἧσ βωμὸσ ἔκειτο καὶ τῶν ἀπὸ γῆσ παντοδαπῶν ἀπαρχαί. καὶ ὁπότε τοῖσ ἄλλοισ παρεφέρετο τὰ ἐδώδιμα, τοῖσ ἀμφὶ Μενεκράτην ἐθυμίων καὶ ἔσπενδον οἱ παῖδεσ. καὶ τέλοσ ὁ καινὸσ Ζεὺσ μετὰ τῶν ὑπηκόων γελώμενοσ θεῶν ἔφυγεν ἐκ τοῦ συμποσίου, ὡσ Ἡγήσανδροσ ἱστορεῖ·

μνημονεύει δὲ τοῦ Μενεκράτουσ καὶ Ἄλεξισ ἐν Μίνῳ.

상위

The Deipnosophists, Book 7

목록

SEARCH

MENU NAVIGATION