Athenaeus, The Deipnosophists, Book 7, book 7, chapter 8

(아테나이오스, The Deipnosophists, Book 7, book 7, chapter 8)

οὗτοσ ὁ Ἀρχέστρατοσ ὑπὸ φιληδονίασ γῆν πᾶσαν καὶ θάλασσαν περιῆλθεν ἀκριβῶσ, ἐμοὶ δοκεῖ, τὰ πρὸσ γαστέρα ἐπιμελῶσ ἐξετάσαι βουληθείσ· "ὅπου ἐστὶν ἕκαστον κάλλιστον βρωτόν τε ποτόν τε. τοῦτο γάρ αὐτὸσ ἐν τῷ προοιμίῳ ἐπαγγέλλεται τῶν καλῶν τούτων ὑποθηκῶν ὧν πρὸσ τοὺσ ἑταίρουσ ποιεῖται Μόσχον τε καὶ Κλέανδρον, ὥσπερ ὑποτιθέμενοσ αὐτοῖσ κατὰ τὴν Πυθίαν ζητεῖν ἵππον Θεσσαλικὴν Λακεδαιμονίην τε γυναῖκα, ἄνδρασ δ’ οἳ πίνουσιν ὕδωρ καλῆσ Ἀρεθούσησ. Χρύσιπποσ δ’ αὐτὸν ὁ ὄντωσ φιλόσοφοσ καὶ περὶ πάντα ἀνήρ ἀρχηγὸν Ἐπικούρῳ φησὶ γενέσθαι καὶ τοῖσ τὰ τούτου ἐπισταμένοισ τῆσ πάντα διαλυμηναμένησ ἡδονῆσ· καὶ γὰρ οὐκ ἐγκαλυπτόμενοσ ὁ Ἐπίκουροσ λέγει, ἀλλὰ μεγάλῃ τῇ φωνῇ·

"οὐ γὰρ ἔγωγε δύναμαι νοῆσαι τἀγαθὸν ἀφελὼν μὲν τὴν διὰ χυλῶν, ἀφελὼν δὲ τὴν δι’ ἀφροδισίων ἡδονήν. οἰέται γὰρ οὕτωσ ὁ σοφὸσ καὶ τὸν ἀσώτων βίον ἀνεπίληπτον εἶναι, εἴπερ αὐτῷ προσγένοιτο τὸ ἀδεὲσ καὶ ἵλεων διὸ καὶ οἱ τῆσ κωμῳδίασ ποιηταὶ κατατρέχοντέσ που τῆσ ἡδονῆσ καὶ ἀκρασίασ ἐπικούρουσ καὶ βοηθοὺσ βοῶσιν.

상위

The Deipnosophists, Book 7

목록

SEARCH

MENU NAVIGATION